ESTHER | ACHAEMENID EMPIRE
Kumin Presbyterian Kohhran Puitling Sunday School- ah Esther-i bu zir mêk a ni a, chumai bâkah lehkhabu hrang hrang aṭang te'n Esther-i bu chungchâng hi kan hmêl hriat tawh viau mai thei bawk a. Kan hriat hnu leh kan la hriat loh te, kan hriatthiam loh te a awm tâk in, a chhui zau na han ti ila, a bu chhûng thû ni lo, a mihring te chanchin ṭhenkhat târlan kan tum dawn nia. TUNGE XERXES- I CHU ? A bulṭhûm aṭangin han sawi dâwn ila. Greece ram a Argos Lal Acrisus a fanu Danae-i leh Pathian Zeus-a te'n fapa Perseus-an nei a, Perseus leh Ethopian Lal fanu Andromeda te'n fapa Perses- an nei leh a. Perses-a hi Greek thawnthu ah hian Pahnih an awm a, sawi pawlh an ni leh ṭhîn. Perses- pakhat zâwk chu Milian (Titan) Crius leh Eurybia- te fapa, Chhiatna Pathian kha a ni. Historian ropui Herodotus- leh Greek mifing Plato- te chuan Perses- chu Greece chhuahsan in Persis ah akal a, chutah chuan fapa Achaemenes- neiin, Achaemenes hian Achaemenid Empire- a din ta niin an sawi. Persia...
