ESTHER | ACHAEMENID EMPIRE
Kan hriat hnu leh kan la hriat loh te, kan hriatthiam loh te a awm tâk in, a chhui zau na han ti ila, a bu chhûng thû ni lo, a mihring te chanchin ṭhenkhat târlan kan tum dawn nia.
TUNGE XERXES- I CHU ?
A bulṭhûm aṭangin han sawi dâwn ila.
Greece ram a Argos Lal Acrisus a fanu Danae-i leh Pathian Zeus-a te'n fapa Perseus-an nei a, Perseus leh Ethopian Lal fanu Andromeda te'n fapa Perses- an nei leh a.
Perses-a hi Greek thawnthu ah hian Pahnih an awm a, sawi pawlh an ni leh ṭhîn.
Perses- pakhat zâwk chu Milian (Titan) Crius leh Eurybia- te fapa, Chhiatna Pathian kha a ni.
Historian ropui Herodotus- leh Greek mifing Plato- te chuan Perses- chu Greece chhuahsan in Persis ah akal a, chutah chuan fapa Achaemenes- neiin, Achaemenes hian Achaemenid Empire- a din ta niin an sawi.
Persian Lalram hi Dynasty paruk (6) :
Achaemenid Empire (550 - 330 BC),
Sasanian Empire ( 224 - 651 AD),
Safavid Dynasty (1501 -1736 AD),
Afsharid Dynasty (1736 - 1796 AD),
Zand Dynasty (1751 - 1794 AD),
Qajar Dynasty (1785 - 1925 AD), te'n thuhnuaiah an lo dah tawh a ni.
Hêng Dynasty zîngah hian Achaemenid Empire - hun hi Bible - a Sakawlh pali a sawi te zîng a pahnihna kha an ni a, Persian ram pumpui an thuhnuaia dah tu hmasa ber te an ni bawk.
Achaemenes- a thlah te hian Cambyses -I rorêl hun thlengin Persia chhak lam leh chhim lam ah chauh ro an rél a ni.
Achaemenes- hi 720 BC ah piangin, 705 BC aṭangin Pasargadae- ah ro a rêl a, 675 BC ah a thi a ni.
A boral hnu in a fapa Teispes (675 - 640 BC) in a ai a awh a, Teispes- hian fapa pahnih Ariaramnes (640 - 590 BC) leh Cyrus -I (600 -580 BC) a nei a.
A boral hnu in Cyrus -I in a ai a awh leh a, Cyrus -I hian Parsumaš-i lak ah fapa pahnih Arukku leh Cambyses -I a nei a, a boral hnu in a fapa naupang zâwk Cambyses -I (580 - 599) in a ai arawn awh ve leh a, Cambyses -I hian Media Lal Astyages- leh Aryenis-i te fanu Mandane- neiin fapa Cyrus -I an nei a.
Cambyses -I boral hnu in a pa unaupa Ariaramnes-a fapa Arsames (585 - 522) -an rei lo tê ro a rêl zawk a, mahse Cambyses-I fapa Cyrus -2 (Cyrus the great) (550 - 530 BC) a'n rawn thlâk in a rawn lal zui ta daih a.
Cyrus- 2 hi Medo Lal Astyanax- nen ṭangdûn a Nebuchadnezzar-a tupa Belsazzara- hneh tu kha a ni.
(Daniel- a'n a Sakawlh a hmuh Pahnihna, Savawm ang, a khing leh lam a ding a tih, Medo leh Persian- kha an ni. Daniela 7:5)
He indona hi Battle Of Opis ti a hriat a ni a, tichuan 539 BC khan Babylon lalram chu a lo tluchhe ta a nih kha.
Mizo ṭawng Bible ah hian Nebuchadnezzar-a hi Belsazzar-a pa(father) anga sawi a ni a, mahse hei hi lehlin dik tâwk loh vâng a ni maithei, Ancestor- ti a dah chu, pâ(father) ti a an lo lehlin palh vâng a ni ang.
Mahse Medo- Lal Cyaxares-a fapa Astyages-a chu Cyrus-2 chuan 550 BC khan a lal ṭhutthleng lâksak in Persian ram pumpui a la a, Persia chu Achaemenid Empire hnuaiah an awm ṭan ta chiah a ni.(Cyrus- hi Daniela 10:1, a Persia Lal Kura kha a ni.)
Cyrus -2 hian Pharnaspes- fanu Cassandane- nen fapa pahnih Bardiya leh Cambyses -2 an nei a,
Cyrus -2 boral hnu chuan a fapa upa zâwk Cambyses -2 (530 - 522 BC) chuan a ai arawn awh veleh a, mahse kum hnih chauh a lal hman tih in a zinna lamah Gangrene - natna a vei hlauh mai a, chumi hnu lawk kâr hnihna ah chuan a boral zui ta mai a, chuvang chuan a unaupa Bardiya- (522 BC) in Lalna a rawn chang zui ta a, mahse ani pawh hi a lal rei lo, thla sarih vêl chauh ro a rêl hman tih in Darius -I (522 -465) an a rawn thlâk ve leh ta a ni.
Darius -I hi Darius the Great- ti a khawvelin a hriat kha a ni. (Lal Darius- hi Sakeibaknei pûk a Daniela paih lût tu Lal Daria- kha a ni. Daniela 6.)
Lal Darius- I boral hnu in a fapa Xerxes -I (485 -465 BC) chuan Persian ramah ro a rawn rêl ve leh ta a.
Xerxes -I hi Lal Darius- I leh Atossa-i te fapa a ni.
Xerxes -I hi Esther-i pasal Ahasuera- kha a ni a, ziaktu tam tak chuan Ahasuera- tih hi a Hebrew hming a ni e an ti bawk.
A hming ang pû hi Persian Lal zîng ah chuan a tupa Xerxes -2 chauh hi a ni.
Xerxes -I (Ahasuera) hi milian (giant) a ni a, feet sarih lai a sâng niin Historian Herodotus-a chuan a sawi.
Tin, Greece nen a Thermopylae- phairuam a an indona te pawh kha khawvel ah a lâr hle a, Spartan Lal huaisen Leonidas-I leh a sipai zathum rual te that chimit vek tu kha a ni.
(300: Sparta Movie)
Chumi hnu ah pawh Greece- nen a indona ropui tak Salamis- tuipui ah an nei leh bawk a. (He indona hi a movie chuan, Sparta :Rise Of Empire kha a ni.)
480BC ah he Battle Of Salamis hi an nei a, Hetah hian Greek mî, Halicarnassus Lalnu Artemisia(Artemis/Diana) chuan Persian Lal Xerxes- hi a pui a ni.
Artemisia-i hi Greek mi a ni nâ in, Persian Lal Xerxes- hnuaia Lal nihna nei tu a ni a, Indo thiam tak mai a nih avângin leh a huaisen êm avângin mipa tam tak aiin a ṭha zâwk.
Greek ho hi Athens General Themistocles leh Sparta General Eurybiades-a ten an ho a.
Mahse he tuipui indona ah hian Greek ho in hnehna an chang a ni.
Chumi hnû lawk 479BC ah Plataea- hmunah an indo leh a.
He Battle of Plataea-ah hian Leonidas-a unaupa Cleombrotus-a fapa Pausanias-a chuan Greek sipai a kâihruai a, Persian Sipai General huaisen tak mai Mardonius- pawh an tihlum hial a nih kha.
Xerxes -I hian nupui pahnih Esther (Hadassah) leh Ametris (Vashti) te a nei a.
Ametris- lak ah hian fapa pathum, Hystaspes, Darius, Artaxerxes- leh fanu pahnih, Amytis leh Rhodogyne- te a nei a.
465 BC khân a mah vêngtu leh a khawnbawl Artabanus- a'n phiarru in a that a ni.
Tin, Xerxes -I nupui pakhat Vashti ti a Bible in asawi hi Lalnu Ametris- (486 - 424 BC) hi ni a ngaih a ni a, a chhan chu Xerxes-I hian nupui pahnih Ametris leh Esther- chauh a neih vâng a ni.
Xerxes -I pa Darius -I khân Atossa bâkah Otanes-a fanu Phaedymia-i nupui ah a nei a, Otanes-a pawh in Darius -I unaunu nupui ah neiin fanu Vashti- an nei a.
Vashti- hian Xerxes -I pasal ah nei ve leh in fapa pathum leh fanu pahnih an nei anih kha.
Vashti pa chu Otanes- a ni a, Otanes-a pa chu Pharnaspes- a ni.
A chanchin sawina tam ber ah chuan Vashti- hi hmêlṭha chungchuang tak ti a sawi vek a ni a,
Bible pawh hian a hmelṭha a ti satliah mai lova, “ A hmel pawh a ṭha nangiang a,” (KJV) tiin a sawi hial a ni.
Esther-i'n a Lalnu Vashti (Ametris)- a rawn thlâk a, mahsela Esther-i hi a boral hma avângin Lalnu nihna a rawn nei lêt leh tho a ni.
Xerxes -I boral hnu in a fapa Artaxerxes -I ( 464 - 424 BC) in Lalna a rawn chang veleh a.
(Artaxerxes -I, hi Israel fa te Sal aṭanga chhuahtu kha a ni a, Tin, Nehemia- ina Jerusalem kulh sak ṭhat a dil kha a ni. Nehemia 2:1-8.)
Artexerxes-I hnu ah hian Lal Pasarih lai an la awm a, mahsela an chak lo telh telh ta zêl a.
Macedonia Lal Phillip -2 na fapa Alexander the Great- ina Lal nihna a rawn chan tâk ah phei chuan Persian Lalram leh a awp ram zawng zawng te chu a rawn hneh lêt ta vek a, Achaemenid Lal hnuhnûng ber Darius -3 (336 - 330 BC) na chu tlâwm in Greece Lalram a lo ding chang ta anih kha.
Mahsela Alexander -a boral hnû in a lalram te chu a General te'n insem in an chak lo ve ta deuh deuh a, a tâwp ah Greece Lal Adriscus chu Pydna- a Roman ho nen an indona ah a tlâwm a.
Battle Of Pydna, 148 BC ah hian Greece, Macedonia Lal Adriscus chu Roman Emperor Quintus Caecilius Metellus Macedonicus- an hneh in, Greece Lalram pawh chu a a lo tâwp ve ta a, Roman Empire- a lo indin ṭan ve leh ta a ni.
Haman-a, Xerxes -I khâwnbawl hi Hammedatha - fapa a ni a, Agag- mî a ni.
Issac-a leh Rebeck-i te fapa upa zâwk Esau-a'n Kannan mi Elon-a fanu Adaii- nupui ah neiin fapa Eliphaza- an nei a.
Hit (Hor/ Horiti) mi Seira fânu Timna-i chu Eliphaza hmei a ni a, Timna-i leh Eliphaza- chuan fapa Amalek-a an nei a, hei hi Amalek- hnam rawn chhuahna niin a thlah the ho chuan a hming an pu ta zêl a.
Tin, Haman-a hi Lal chî, Amalek Lal Agaga- thlah kal zêl ami a ni bawk.
Lalnu Esther-i hi Abihaila- fanu a ni a, a hming hi Hadassah(Hadasi)- niin, Esther- tih hi Lalnu anih hnu a an phuahsak ni a sawi a ni. Esther- tih hi 'star' (arsi) tihna a ni a, Ishtar- tih nen thuhmun an ni, Ishtar chu Babylon leh Assyrian ho Hmangaihna Pathiannu a ni a, A pasal chu Baal- a ni.
A hming dang chu Asterothi- a ni a, (1Samuela 7:3,4)
Tin, Ishtar -chhinchhiahna chu Sazupui leh Artui a ni. Chu chu tunlai a Easter Sunday rawn chhuahna bul leh Easter Egg te, Easter Bunny te rawn chhuahna hi a ni bawk.
Pathiannu Ishtar -hi Greece ho chuan Aphrodite- an ti a, Roman chuan Venus- an ti a, Hindu ho chuan Durga- an ti bawk.
Esther-i hi a damrei lo angreng hle a, Xerxes -I nen hian 478 BC ah inneiin, 460 BC ah a boral a, kum sâwm leh pathum vêl chauh Lalnu nihna a chelh hman anih chu, Xerxes -I ai pawh in a thi hma a, a boral hnu hian Vashti- in Lalnu nihna arawn chelh leh a ni.
MEDEA LAL RAM :
Medea Lal ram hi Persia ram zah ve ang vêl a ni a, Achaemenid- Lal ina a luah loh lam zawng hi Medea in an luah ve thung a.
Persia khaw thlanglam leh hmâr lam zawng hi Medea in an chang a.
Assyrian Lal Shalmaneser -5 (727 - 722 BC) hnen aṭangin zalenna an hmu a, an Lal hmasa ber chu Deioces (727 - 675 BC) a ni a.
A boral hnu in a fapa Phraotes (668 - 627 BC) an a ai a awh a, a hnu ah Cyaxares (625 - 585 BC) a lal leh a.
Chumi hnu ah a fapa Astyages (585 -555 BC) a rawn lal ve leh a.
Babylon Lal Nebuchadnezzar -2 a'n a nupui Amytis- tân Huan ropui, Hanging Garden a sa a, Amytis-i kha Astyages- a unaunu hi a ni.
Astyages- hi Medea Lal hnuhnûng ber a niin, Persian Lal Cyrus -2 nen ṭangdûn in Babylon lalram an hneh a,
Mahsela Cyrus -2 hian 550 BC ah a lalna a chhuh sak leh ta anih kha.
Esther-i vânga Juda te'n Purim kût an neih hi tun thleng hian ropui takin anla lâwm ziah ṭhîn a.
Adar ni 13, 14 ah an lawm ziah ṭhîn, chu chu kumin chuan March ni 9 tlâi ni tlâk aṭanga a tûk ni 10 - tlai ni tlâk thleng khân a ni.
Comments
Post a Comment