DREAMS OF DESIRE : Seducing The Succubus (Chapter - 1) 18+

151 Third Street, San Francisco, California, USA.

San Francisco Museum Of Modern Art.

"Mr.Mark Greenmill"

"Yes"

Hnunglam aṭanga rawn ko tu chuan arawn pan a,

"He thlalak hi a ril ru riau asin, i hre tawh ngai rêng em?"

"La hre nâng, hre kîlh kêlh tûr chu ka ni maw le, mahse..."

 

" pawi ti duh suh, nakinah chuan i la hre vek mai ang, keipawh hi ka thawh ṭantirh te chuan nang ai daihin ka bang bo asin, ka tui na lampang a ni ve vak lo bawk nen."

"Chutiang te chu enga tinge he hna hi i zawm tlat si," 

"A..eng lo ania, hna hmuh hi a har ve êm a, hna ho lam tak tak thawkin ka vir kual ve sek a, Pay lah a beitham ṭhîn bawk si a, chuvang chu a ni deuh ber mai,.. Nang."

"Keipawh ka ni tho alawm, hnâ hi avâng êm alawm le, tirawh ka Office lamah Coffee- i dawm dûn ang hmiang."

Chu Museum a Assistant Curator of Painting & Sculpture, tleirawl piannalh zet Rachel Jars- chu thawk thar Administration lam khawih tu Mark Greenmill- Office lamah chuan an kal zui ta nghal a.

Coffee no dawm chung chuan Rachel chuan, "Kha thlalak kha kan dawnna ala rei vak lo na in mipui hrim hrim hian an hlut asin, kan Museum- hi tun kum zabi 20-na hnulam thil chauh awmna a ni a, kan thil neih ah chuan a hlui ber ang," a ti a.

Mark chuan," Eng chu nge inphûm ru rêng rêng a," tiin a zawt a.

"Khami thlalak, hmeichhe mu lai lem bula ramhuai awm lem kha, a hming chu The Nightmare tih ania, Anglo-Swiss lemziak thiam Henry Fiseli- ziah ania, kum 1781 lai bawr vel ami daih asin," 

"Ramhuai a ni.."

"Aw, Incubus anih chu, Ramhuai mipa ania, hmeichhia hian a zâwl a, tichuan ramhuai nen chuan an mu dun ṭhîn a, chung chu hmanlai in an chîng ṭhin a, chumi behchhan a ziak chu a ni maithei,"

"A va mak ve....."

"Han sawi chiang deuh teh."

"Ka hrechiang vak bîk lo, ka tuina zâwng anih loh avângin, mahsela hemi thlalak kan neih tirh hian a chanchin an sawi neuh neuh ka hre ve a, chuvangin internet lamah te ka zawng a, lehkhabu pawh ka lei nual phah asin, Chutah chuan hetiang ang ramhuai mihring nen a sex hmang dûn ang chi hi an awm a, an hotu nu ber chu Lillith i a ni awm a, ramhuai mipa leh hmeichhia an awm a, mipa chu incubus an ti a, hmeichhia chu succubus an ti," tiin Rachel chuan a sawi a, a Coffee chu a tlâk pap a.

Mark chuan ngaihnawm a ti kher mai, " a va han mak êm êm, ka la hre ngai lo, sawi chiang leh deuh teh."

 

"Chûng ramhuai te chu inthawina hmanga koh chhuah thei an ni a..."

A thusawi lai chu lo pawt chat in Mark chuan," inthawina..!! inthawina..engtia...."

"A ngaihnawm reuh asin, Inthawina hmangin an ko chhuak ṭhîn alawm, hmeichhia chuan ramhuai tlangval an ko chhuak ṭhin a, mipa chuan hmeichhia an ko chhuak ṭhîn."

"Rapthlak chuan le(h)!!"

A chek tlak tlak a.

"Tichuan ramhuai nula chu lo ko chhuak ta ila, eng ang hmelpu nge ni ang,"

"Ka hrethiam bîk lo, an duhthusâm ang hmelpu emaw sex an hman pui châk te hmel leh anmahni angin aniang." tiin Rachel chuan a chhâng a.

"Oh, Thil mak tak a ni, chutiang chu hmanlai in an lo practice ṭhîn a ni maw,"

"Maybe, mihring hian thil mak leh dangdai deuh deuh te hi alawm kan duh ṭhin, angaihnawm ania, chutiang inziahna lehkhabu pawh ka nei alawm, i chhiar ve duh chuan i hawh dawn nia,"

"Thanks, lutuk, i phal phawt te chuan,"

An titi tui lai chuan Mark a room kawngka chu a lo inhawng a, 

"Rachel, 3rd floor ah Gallery ah an mamawh che anih chu," chumi a thawk ve nula pakhat chuan nui var var chung hian a rawn ti a.

"Ok, ka lo kal nghal e,"

Mark lam hawi in, "Anih phawt Mr.Greenmill, Coffee avângin ka lawm e," a tho a, a chhuak ve ta nghal a.

" Ok, Bye..."

"Thil mak tak a ni,"

amah chuan a phun sup a.

"Hmnnnn.."

A ṭhutna aṭang chuan a tho vut a, Gallery, Lemziak hlui leh thil ker mawi an dahna pindan lamah chuan a kal leh a.

A hma khân a lo en chîk vak lo a, amah a tei ve mai mai lek fang kha ania.

Chu Lemziak 3×2' chu uluk deuh in a thlêk ngial a.

"Hmnn.."

Chumi lemziak hnuaiah chuan THE NIGHTMARE : 1781, By Henry Fuseli- tih a lo in ker a.

"Ni chiah, Rachel.."

"Mr....Mr..Greenmill,"

"Oh..."

Lemziak dahna aṭanga a lêt leh chuan a hma a a biak tleirawl duhawm Rachel chuan a lo ko a.

"Lehkhabu chu"

"Oh, Sorry, ka lo theihnghilh leh hman alawm le."

3rd Floor aṭangin a rawn lêt thla leh chiah hi a lo ni a.

"Ka Office lamah lo kal la,"

"Ok"

"Eng lam nge ni a, i kalna chu"

"Aaa...Student ho maw le, University zirlai ho an nia, thil ka han hrilhfiah lawk anih kha, kan bungrua ho vel."

A Room an lut a, dawhkân a lehkhabu in tiang ho chu a en lâwr dan dan a.

"Hei hi anih hi, angaihnawm teh ania, i inchhír lo viau ang." a nui sak a, Chair ah a ṭhu a.

" i lo test hlauh ange,"

Lehkhabu lâk pah chuan Mark chuan,

" Teuh lo mai, SUCCUBUS : SHADOW OF THE BEAST BY TW MORDRAKE, ava chhah ve, chhiar zawh a huphurh awm."

" Huphurh awm loh e, i chhiar zo vat mai ang,"

"Ok, Thanks..ka haw a hun ṭép, Office lamah ka phei phawt ang e, See ya..."

"Ok, Bye..."

A Office a luh rual chuan a sana a bih zauh a.

"sh*t, 03:15."

Briefcase ah lehkha pawimawh ho leh a lehkhabu hawh chu a thun mawlh mawlh a.

Chhâwng hnuai ber Garage pan tûr chuan Elevator- ah a chuang a.

BMW, Sky blue colour fai tak chu start rûm vang vangin, in lam panin a tawlhchhuak ta zâl zâl a.