DREAMS OF DESIRE | Seducing The Succubus (Chapter - 11) 18+

Dr.Graham Hill- chu kum sawmli (40) mi vêl, feet ruk zet a sâng, dâr hlai zet mai leh mitmeng dum fiah kâk mai, pa in vawng fel thlep chi hi a ni a.

🔱

"Mr.Mark Greenmill, i hun a thleng e," Doctor khualchhawn chuan a tih veleh rang zet a a ṭhutna chu thawhsan in a hma a room ah chuan a lût zui nghal a.

"Thu rawh Mr....."

"Mark Greenmill..." tiin a lo chhang a.

"Kha laiah khân lo ṭhu rawh.." a han ti a.

A kiang a sofa dûp hmel zet ah chuan a ṭhu zui nghal a.

Doctor ṭhutna ep chiah ah chuan ṭhuthmun a rem a.

A rilru tak chuan chutia rilru lam Doctor- hmuh chu a hreh thar leh riau a, chu Doctor mitmeng hriam tak chuan a nun dân zawng zawng chu hmu vek in a hre hial a, a zâm in a zak lek lek mai lehnghal.

" Eng harsatna te nge i neih le."

"Hmn...engmah..harsatna...." a ka a ân rual chuan a buai nuaih a, a sawi tum chu a theinghilh daih mai.

"Ka hrethiam alawm, nupui i nei tawh em?"

"Aw nei tawh e, mahse...aaa..."

"In in ṭhen..."

"Ni lo, a boral zâwk, tunhnai lawk ah.."

"A pawi ka ti hle mai, chuan i nupui thihna chu i tuar zo meuh lo tihna em ni?"

"Aw ni tho mai, chuan keimah hi ka buai, ka nun hi.." a ṭhu kun reng a, kiu chu a khup ah nghatin a kut pahnih chuan a hmai a hup a.

"Mihring rêng rêng chu kan ni vek alawm, kan hmangaih ber te'n a min boral san emaw, inṭhenna pawh ni sela...." a thusawi chu a lo pawtchat a.

A ding deuh thut a, veikual pahin," Doctor, ka nupui thihna chu ka tuar lutuk, mahse chuti lam chu a ni lo, ka rilru hi a buai a ni, mî â ang erawh hi chu ka ni lo, rilru lam a harsatna nei ka ni lo, mahse ka buai..chhuah ka duh, talchhuah ka duh, ka ning hluah hluah...." a bân a vai deuh vak vak a...

"Aw le, lo ṭhu phawt la, engkim chiang takin sawi ta che," dam diai hian Doctor chuan a lo ti a.

Mark-a chu han en rêng rêng pawh chuan a buai deuh nuaih a ni tih chu a mitmeng aṭang pawh chuan a hriat theih.

Mahsela Doctor pâ thusawi chu zâwmin thuawih tak chuan a ṭhu ve leh mai a.

"Eng lo ania Doctor, talchhuah ka duh a, ka thei si lo, ka taksa chuan amah thlahlel mahsela ka rilru tak tak chuan a kham hluah hluah a ni." chiang fel fak hian a ti a.

"Ok, anih chu chu eng i sawina nge ni.." a chal a chuar nung nung a.

Chumi lai tak chuan tukverh ah chuan thlifîm a rawn thaw deuh ṭhawt a, tukverh parda pawh a che laih a.

Mark chu a hawi tang hrû a, hmuh nei a ang kher mai.(!)

Chu Building chu chhâwng sãwm lai a sâng a ni a, Doctor ṭhutna room erawh chu a chhâwng thumna chauh a ni a, chutianga thli rawn thâwt vakna tham khawp a sâng a ni hauh lo.

Doctor pa lamah chuan a tawlh hnai a, a kut chu chelh sak in,

" Ka nupui boral hma lawk aṭangin ngaihzawng ka nei a, a boral hnuah pawh kan la inkawp a, kan inhmuh apiangin kan mudun a, Office ah thleng thlengin.... inah min lo nghâk a, ka haw veleh kan mudun a, zanah zankhua deuhthaw in, zîngah pawh....ka hun zawng zawng hi chu Ramhuai nula nen a mutdun nan ka hmang a ni hial mai...

Doctor, ka thusawi hi hrethiam hrâm rawh, ka rilru a buai lo, mî â ka ni lo ka tih tawh kha...." zawi sap hian a ti a.

"I ngaihzawng nen chuan in mudun a...i nupui boral hma pawhin..."

"Aw ni e, ka uire ngei tih chu ka pha lo, chulam chu engmah a ni lo, ka sawi awmzia zawk chu chu nula chu itawm tâwpkhawk a ni a, mipa tân chuan sex hmanpui chakawm hliah hliah khawp a duhawm a ni, chu mi atân rêng a awm an ni bawk." thinrim angreng tak hian a ti leh a.

Doctor chuan a mit ko a sân ûk a.

" Chu nula chu Ramhuai tihna maw ni a, Ramhuai nen sex in hmang dûn ṭhîn tihna maw.!!" Dr.Graham Hill- in a tih chuan ani chuan,

"Ni e, thudik tak ngei anih chu ka sawi," tiin a chhâng a.....

🔱

Chu Psychiatrist- pindan a chhuahsan rual rual chuan a ngaihtuahna fîm te pawh chuan an kiansan lehnghal a.

A rilru chu a buai nuaih a, a khawhmuhte chu a fiah lo ruai lehnghal.

Step ah chuan a tlân chhuk ri rawk rawk a, a kiang hnaia kal te chu a nêk bawrh bawrh a, a tlân chhia ni mai awm tak a ni.

Chhâwng hnuai ber a thlen lai chuan pawn lama mi ṭe tuarh tuarh hi a hria a, eng emaw ni hi a ri deuh rum rum a.

Phãwk tak hian a tlan chhuak a, kawngpui a mipui lo bawr khawm tuau tuau na lam chu a pan a.

A mak kher mai, Tun maia a hmuh, a chhuahsan tâk Doctor kha kawngpuiah chuan thisen nen a lo let reng mai.

A lû chu a tlâkna lamah a sawh na hle aniang, thisen a baw nuaih a, a thi tûr chu rei lo te a chalchâng a....

Doctor pa pindan lam chu a hawi chho a, tukverh chu a lo in hawng huau a, parda a phe hlep hlep a, tu emaw in tukverh aṭang chuan an rawn theh thla tih a chiang reng mai.

Rang takin a in saseng vat a, a motor chu tinungin pan lam bîk pawh nei lovin a tlân vûk vûk a.

🔱🔱🔱

A motor chu tiding in a chhuak a, eng emaw sawi a phun nuah nuah chungin motor chung chu a bêng vak vak a.

"Biak in, Biak in, Biak in a ni, sawtah sawn..aw, Biak in ah sawn...." kawngpui lehlam a Biak in tereuhte lam chu hawiin a phun leh sap a, phelhphung hian chu biak in lam pan chuan a tlân phei a.

Kawngkhâr sâng tak chu a nam hawng ruai ruai a, mahse mihring tumah an lo awm lo.

Thing Ṭhutthleng tam tak hi a lo inrem ṭhat a, a kâr awl laiah chuan phei zêl in a tâwp bang chung sâng a Cross- vâr tlak intâr chu uluk fê hian a thlír vang vang a.

"Ka fapa, enge i duh le.."

A phu chiang kher asin.

Thlâ chu nei sela a thlâwk dâwrh thei ang.

Biakin chhûng sír lam, a dinna sír lam ah chuan Father( puithiam) putar pui mai hi a lo ding reng a, aw dam tak hian Mark chu arawn bia a.

Mark- chuan chu Father chu a pan vat a,

"Father, ka buai a ni, ka buai takzet, min pui rawh..." tiin a zai zir chiam a.

"Enge ni, ka fapa, inpuan duh inei anih chuan sawlai room....."

a thusawi lai chu a lo pawtchat a, " Father, aw....tunah hian, tunah hian, nakin ka hman lo, eng lo...eng lo..."

"Eng nge ni a."

"Mamawh...mamawh ka nei, eng lo...aw...tui....tui thianghlim...tui thianghlim...ka duh, ka mamawh...Father khawngaihin...." a sawi zawng pawh chuan a aw a khûr dar dar a,

"Chutiangin a theih hleihnem, chutiang ngawt in, tui thianghlim te chu..."

a kawr ãwmah chuan a ṭhâm sak a, " Father, tunah, khawngaihin...Nu thianghlim ber hmingin ka dîl che, khawngaihin, tunah hian ka mamawh takzet a ni..." tiin a chhang a.

Father ina a kut a en chuan inthlahrung takin a kut chu ala thla thuai a.

"Ok..ok." a kawr âwm chu a chûl mam sak thuak thuak a.

"Min lo nghâk lawk rawh.."

Biakin sîr te pên room a a kal hlân chuan ani chu chu a lo vir sek a, a awm mai mai thei lo.

"Hei hi ania, ka fapa....enge i mamawhna chu ni a...ṭawngṭai a......"

Tui fîm tak, Glass bûr tereuh te, chhîn nei hi a kut in a rawn lek chhuak a, Mark chuan a pan vat a, a ṭawng mawlh mawlh lai chuan phih thlâk sak lawp in, a kal nghal daih a.

A rawn ûm zui a, eng emaw sawi a a rawn auh te pawh chu hria awm pawhin alang lo.

Biakin ṭhutthleng chu a pal phei bawrh bawrh a, a Glass bûr ken chu a kekawr ipte ah ak in a pei chhuak nawk nawk a.

🔱🔱🔱

A in kawngkhâr chu a hawng rawk rawk a, hlauh nei tih hriat tak a lût in a hawi kual rak rak a.

Bedroom lam kal tum a inchung lam panna step a a chhoh dawn chiah chuan a in kawngkhâr chu a rawn in hawng ṭhuai a.

Chu veleh a tui thianghlim ah chu phawrh in a inher vut a, kawngkhâr lam pan chuan a pên phei chhut chhut a.

Chutihlai tak chuan zawhte hi ring tak hian a rawn hrâm a.

"Eisheth..." a phun sup a.

Hawi kual zak zak chungin," Min kal bosan rawh, ka hua che, ka ning hluah hluah che." ring tak in a au nghek nghek a.

"Hello, Mark.."

Dam diai hian a rawn ti a. Chumi rual chuan inchhûng boruak chu a îp churh a, hnâwng uap churh ang hian a rawn awm a, thil rimchhe thâng huam huam lah chu a nam sek lehnghal.

A piah lawk Sitting room a sofa ah chuan Eisheth- i chu a lo ṭhu reng a.

"Mi tenawm, Ramhuai bawlhhlawh...." chil a chhâk hlawk a.

"Mark, min phatsan a ni, chuvangin i tuar ang, ka lak ah i intiam a ni lawm ni..." a aw chu a ṭêng chuai a, mi sâwm vel thinrim taka ṭawng rual ang mai hian a aw chu a ri a, chutia a sawi pah chuan a ṭhutna aṭang chuan a tho kâng a.

Saruak ngalngat hian a awm a, a îtawm ngai rengin ala îtawm a, mutpui chu a châkawm hliah hliah reng tho mai.

Mark chuan a hmuh hmaih hauh lo.

Maimitchhîng chungin a nghawng chu a her ruai ruai a, a chal sam phiar kâr aṭang chuan a kî, Bawng ki ang tak tawite, a chal a pahnih rawn lawr chu Mark chuan a hmu chiang ngei mai.

"Ramhuai nu leh....(!)"

Chumai ala ni lo, a din chhuah veleh chuan zâwng(monkey) ang maiin mei (tail) sei tak anei tih pawh chu Mark- chuan a hmu ta chiah mai.

A mei chu a lek kâng vat vat a, a hmawr chu fei kibâr ang deuh hian a zum a.

Mark- chu Kitchen lamah a tlân tlu phei rawk rawk a.

Hmanrua, hriamhrei a zawng chiam a, Kitchen Knife dahna bâwm a ban rual chiah chuan Eisheth- chuan a rawn nam lêng lawp a, Knife bûr chu chhuat a bêng thla tawp in, a thil ken lai, Glass bur pawh chu a paih lêng lawp a.

Bang a tauh chawrh a, lei a a tlûk ruak chiah chuan Eisheth- chuan a chhir zawt zawt a, dîm lo tak in a rêk tho a, a hmai bul sêt a en in,

"Phatsan tu, i intiam a ni lawm ni, ka lakah i intiam a ni lawm ni, mihring lâk tlâk loh.."

Zo tak mai hian a theh lêng leh lawp a, a in tauhna a chal aṭang chuan thisen a rawn far zawih zawih a.

Na ti tak in a rûm a, chhuat ah chuan let reng in thawh pawh a tho thei lo.

Eisheth chuan rawn pan in a chungah chuan a rawn kûn hniam a,

"Ka lakah i intiam tawh, i talchhuak thei tawh lo, ka ta ini tawh..." a ti leh a.

Chumi pah chuan Mark-a kekawr zipper chu phelh in a z*ng a phawrh sak a, duhthawh takin a lei sei tak chuan a liak duai duai a, a z*ng fawk hma loh chuan a hrawt in a hmuam sak reng a.

Ṭawngkam bawlhhlawh tak tak a phuahchhuak in hur tak tak in a hrâm vel ruai reng a.

Mark-a chungah chuan lâwn kaiin Mark-a zang chu muangchang hian a ṭhut tlum sak leh ta.

A thaw ri vak vak a, tenawm khawp a hur in a ṭe ruai ruai reng a, tisa châkna vawrtawp thleng ang mai hian rang tak tak in a zu zawt zawt a, a nuam tih dân niawm takin a sawh kual a, a mawng chu a hrût kual vel a.

Mark- chu a che ṭial ṭial a, a chunga a duhthâl a in hri thla mêk ramhuai nu chu huat hmel tak hian a melh a.

Nawm tihna pakhat mah a nei lo, a duh ang tak a a tih hma a a chet hmasak loh chuan he ramhuai nu hian a that mai dawn in a hria, mahse chêt la tûr pawhin thâ reng rêng a nei lo, a lû chu a na bûr a....

ni lo, a lu mai ni lo, a taksa pum mai chuan a na vêl vek, a rawl ṭhûm a.

Thei leh thei lo a hmanrua zawng a a hawi kual chuan a sír lawk a tui thianghlim bûr, chhuat a let reng chu a hmu ta...

Mahse, mahse a keh tawh, a bua, a neihchhun, a tui thianghlim neihchhun chu a baw zo tawh....

"Hmn."

Beidawng takin a rûm hak a..

Mahsela ngaihtuahna dang a neih hlauh mai.

Chemte, Kitchen Knife pakhat chu a sir ah chuan a let bâm a, tui thianghlim bua chuan a ti huh lehnghal.

Thei leh thei lovin chemte chu a ban ṭâwk ṭâwk a, a hûm ta.

Muangchângin a âwm zâwnah chuan a lek kâng a, a kut pahnih chuan nghet takin a hûm a.

A chunga ṭhû, a tisa châkna hri thla mêk ramhuai nu chu maimitchhing diar diar in a dák vah a, a hnute leh âwm te chu a zût vel ruai a.

"Arhhh..."

"Thi sâwng rawh..."

A chemte hûm chu chu ramhuai nu âwm ah tak, a hnute pahnih inkârah chuan tlum hmawk khawp in a vit lût a.

Eisheth- chu na tiin a ṭe ruai ruai a, engmah pawh a ngaihsak lo.

Rang takin a in saseng a, choka kil sír ah chuan ṭhu tawm chungin chu nu na tuar chu hlauthawng takin a thlír a.

Eisheth- na ti chu a in thing nawk nawk a, a âwm a chemte bûr vû chu phawi tum in a in ham buai kher mai.

Thâwklehkhat ah a Eisheth-i hnung aṭang chuan Bâk (bat) thla ang mai, lianpui hi a rawn chhuak a, hlai tak a ti pharh in a zâp ri hlup hlup a.

Chemte vâng chauh chu a ni lovang, chemte a tui thianghlim a tel avâng chuan a taksa chu a alh ta hluah a.

Rapthlak tak in a ṭe ruai ruai a, tal vat vat chungin boruak ah a thlâwk kâng ta.

Mahse Kitchen chhuahsan tum a boruak a a thlawh kân rual chuan nasa tak in a alh zuai zuai a.

A ri tuarh a, Eisheth-i kâng alh zuai zuai chu a puak keh ta chuaih a.

Mahse a ruang emaw, a tisa them emaw hmuh tûr pakhat mah a awm lo.

🔱🔱🔱💋

"Sandra, ka hmangaih che, i lakah ka rinawm lo tih a hria, ka inchhír tak zet a ni, ka hmangaih che....

..Hey, Rachel, phuba chu ka la ta e, i phuba mai ni lo, ka phuba pawh ka la tawh e.

...Thlamuang takin châwl ang che u."

A mittui a tla fap a, a nupui Sandra leh a ṭhiannu Rachel Jars- i te thlân awm ṭhiang chungah chuan a pangpâr ken lai chu a dah a.

A chal pem chu ala tuam bûr a, a overcoat hâk chuan a bân lehlam, a nat vang a tuam khawng leh a awrh chu a hliah a.

Muangchánga in her in, chu thlân reh leh khawhar tak chu a kal san ta a.

🔱END🔱