HMANGAIHNA HI KHAWIAH NGE A AWM?

Thufing pakhat chuan, "Hmangaihna hi tumahin an teh thei lova, thu leh hla thiam te pawhin an phuah chhuak zo lo," a ti a.

He thu hi a dik hle in a hriat. A chhan chu hmangaihna awmzia hi sawifiah dawn ila kan in sawi buai zo vek ang a, debate phei chu nei ila  kan in hnial thinrim thei hial ang.

Chutiang anih avânga ziak a dah pawh tum sa reh rêng ila, engnge kan an chuan ang?

Tuifinriat zawng hlotui chang se, Ziakna atân thing zâr tinrêng;

Lehkha phêka’n van khi chang se,

Ziaktu atân chuan mi tinrêng.

He hmangaihna awmzia hi han ziak dawn ila,

A kang zo ngei ang tuifinriat tui zawng zawng,

A leng dâwn lo, a hlai tâwk lo lehkha phek a'n van hi chang mahse.

Chutiang vel chu a ni; he hmangaihna awmzia hi. A chhan chu khawvel mihring zahve hian hmangaihna chu hlimna, lawmna...etc tiin hrilhfiah mahsela mihring zahve in hmangaihna chu lungngaihna leh beidawnna....etc an ti dawn tho tho.

Chu chu a Category/Genre ah han ṭhen leh ta ila.

Music ang zawngin han sawifiah lawk ila, kan hrethiam deuh maithei.

Heavy Metal hi Rock Music genre a ni a, a hnuaiah / a chhûngah sub genre a awm leh a, Speed metal,power metal, trash metal...etc..

Chutiang deuh chuan Hlimna/Lawmna tih hi Genre a lo ni ta a, chumi hnuaiah chuan sub genre ala awm leh dawn a, chûng sub genre chu mitin in a hlimna lampang hawi zâwng a hmangaihna an hrilhfiah dân sang tam tak a awm leh ang.

Tin, Lungngaihna leh beidawnna hi Genre khat ni ta sela, a chunga kan sawi ang bawk hian sub genre a nei leh dawn a...a va han buaithlak chingchivet dawn tak êm.(!)

Hnam chungchang ah pawh hian hrilhfiah ve theihna lai a awm ve tho a.

Ralte hnam ka ni a, chumi hnam chhungah chuan chi pêng panga lai a awm a, chûng chipeng te hnuaiah chuan chi te pêng tam tak an awm leh a ni.

Ralte hnam, chumi hnuaia mi, Siakeng ka ni a, chumi pêng Hnawlsut ka ni a, chutiang zel chuan hmangaihna hrilhfiah tum hi chu Lalramnghaka zote hmel sawifiah tum nen hian a in ang deuh reuh a, technology thar ber ber nen a a hmelṭhat ve na zawn chhuah tum ang mai leh a hmelchhiatna hi chi engzahnge ni ang ti a bihchian fê ngai ang chi kha a ni deuh ber mai.

Lalramnghaka kan sawi lang ta sa sa a, a hming lam rual a ka rilru a lo lang ziah ṭhîn chu facebook group pakhat 'NUPA NUN'- Group a a thil post zo zai te hi an ni.

Kan topic a ṭhelh viau na a, han bah tel hrâm ka duh na chhan chu, Nupa nun chu nupui pasal nei tawh, nupa te lo chuan an hrethiam tak tak lo a, a awmzia hrethiam tûr chuan an tawn ve phawt angai si a, mahsela ani, Nova tuilet hnu lama nupui la nei ve ngai rêng rêng lo uleh, a pian tirh a, pian chhuah pah a a rawn hrût thla zauh tih loh Adama nakruh chi pêng te thil la tawng ngai lo khân Nupa nun chungchang, a thim a vâr thlu lo a a rawn hre viau mai leh rawn puangzar a, inzirna (Sex Education) lam thleng a a rawn thai ṭial hi Hamlet-a phei chuan lo hre ve phei sela chuan, "Mak na pawh hian mak a ti hial ta ve ang," a ti ve hial ngei ang.

Chuvangin heti hian ka ngaihtuah ta a, Nupa nun hi kei mipa fa pahnih lai nei tawh pawh hian ka lo hre lo a ni ang, Leilung piantirh a ta vawikhat pawh la tem ve ngai lo Lalramnghaka sawi ho hi nupa nun a ni thei dawn emni? Ani hian nupa nun awmzia hi a hre dawn lo tih chu a lang reng a, a hriat loh chu a sawi thei lo, a hriat ve te hi nupa nun anih si loh chuan enge nupa nun chu ni ta ang?

A enga pawh chu nisela, kan sawi tum loh zâwk kan sawi ta vak mai a, hmangaihna awmzia lam chu hrilhfiah buangbar lo law law mai teh ang, hmangaihna chu hlimna, beiseina, khawngaihna, ṭahna...etc pawh lo ti ula, a dik vêl vek mai.

William Shakespear pawhin, "Mi tu emaw in a thinlung a duh leh vei êm êm mai nei sela, chu a duh leh vei êm êm chu nei thei si lo sela, chu mî chu hmangaihna awmzia i zâwt dâwn nia," a lo tih kha maw.(!)

Shakespear-a zirtirtu kan nih loh avângin hmangaihna awmzia han hrilhfiah pawh chu a intih ropui thlâk deuh lo maw te ka tia, chuvangin hmangaihna awmzia ni lovin hmangaihna hi khawiah nge a awm tih lam hi in hrût daih teh ang.

A chunga kan sawi ang khian, hmangaihna awmzia hi engnge (What is love)  tih hi chu hrilhfiahna pakhat chauh awm thei lo anih avângin a buai chuar nuai a, Biaka O'Renthlei- hmel ang deuh a sarang rawh chuar ang mai, mawina leh nalhna rêng rêng nei lo ang a ni a, a hmel awmdan hi amah hian a hre ve ngei ni tûr a ni, a  You Tube Channel pawh Mizo Mix Tube- a ti tawp mai a nia, Vaipa mix, a fûnna lehkha chuar tak nen pawh hian sawizawm theih fû chu a ni. Buai chuar leh hrilhfiah hleihtheih loh anih avângin hmangaihna awmzia sawi tu apiang ho chuan hre ṭhelh emaw hre famkim lo nih an hlawh tlângpui a, chuvangin a sawitu pawh hi an lâr thei teh chiam lo.

Mahsela Hmangaihna hi khawiah nge a awm tih erawh hi chu BTS thlalak zînga Rozama Hauhnar thlalak zawn hmuh tum ang vel a ni thung a, a ziaktu te pawh in fak an hlawh phah êm êm thung si. 

Chuvang tak chuan  BLACK EYED PEAS- te pawh khân, 'Where is the love'- tih kha an rawn sa chat a, khawvel ah an lâr phah ta rêng a nih kha.

Hmeichhia a zawng a hmelṭha tâwp thang, itawm leh sexy êm êm nisela, in in neih zanah a hmai i chûl zankhua dawn tihna em ni?

A hmaiah hmangaihna a awm em ni?  A hmelṭhat vângin i hmangaih bur a ni lawmni, a hmelṭhat vâng a nei ini si a, a hmelah hmangaihna a awm emni, a awm a nih chuan zankhua in a hmai i chûl dawn tihna maw?

A hnute lian tak leh mum nalh tak i ît êm êm a, in inneih zanah zankhua in a hnute chauh i khawih dawn em ni?

A mawng chhîng lah, lian leh mum nalh tak, a îtawm tawk lek a pauh kha em ni i hmangaih chhan?

 Mawngah hmangaihna a awm chuan zankhua in i chûl dawn tihna em ni?

Tenawm khawp a hmelṭha leh îtawm, hnute lian leh mum tak, khal ṭalh mai, mawng chhîng lah, a îtawm tawk lek a pauh te, vun nalh leh mâm tak te, malpui invuah dik lutuk tak mai, mûm sei nalh tak nei nula chu nupuiah lungawi takin i nei thei ang em?

Hmangaihna hi khilai ah khian emni a awm?

Tluangpuii Hmar Zote te hî?

A naute chaw lah Hitomi Tanaka dah nîl ṭhak tu, a mawngbawr lah J.Lo - ta entawn a, a ang chiah a siam, a vun rawng hmuh rual a South Korea- chhuak emaw tih tûr. A mitmeng lah Catherine Zeta Jones - an mai kha ania.

Mipa te duhzawng chu a taksa ah Pathian in a lo dah kim vek mai chu ania, mahsela engvangin nge tu nakruh bo mah a nih theih loh tih hi kum 30 leh engzahnge a lo in zawh tawh?

Hmangaihna hi a taksa ah a awm ve lo emni?

Hmangaihna awmzia chu kan hria, mahse khawiah nge a awm tih erawh kan hre thei lo tlat hi a buaithlak asin.

Hetiang chiah hian mizoram mipui te hian Central aṭanga mizo mipui leh mizoram tân a pawisa lo kal hi kan hria a, a lo kal dan leh a lo kal zât nen lam kan hria, mahse khawiah nge a awm tâk tih erawh kan hre thei ngai lo hi a mak inti ve lo maw.

Mahsela hre tu chu an awm, Tunlai ah a rûk a Burma lam kuhva tawlh rûk a tam êm êm a, mahsela anihna takah chuan Burma hian kuhva thawnchhuah tûr an nei ngai lo.

Burma kuhva tiin an ruihhlo zawrh tûr in phen nân an hmang a, chung chu an hria, mahsela khawiah nge ruihhlo chu an dah/an thuhruk tih erawh kan hre lo. 

A hria te'n an sawi chuan kan ram hruaitu ṭhenkhat te huat an hlawh dâwn si.

A chung a kan sawi zawng zawng, hmelṭhatna, îtawmna, pian nalhna, hausakna, hnute lian leh mawng nalh te hi nei vek mahsela, a kap kâr a pin vek si chuan chu nula chu darbenthek ri ang chauh a ni.

Chuvangin Hmangaihna hi a chunga kan sawi ho ah te hian a lo awm tak tak hleinem, kap kar ah daih a lawm a lo awm. Kap kâr hi a pawimawh êm êm a, kap kâr a mi tel lo chuan a famkim thei lo.

Entirna kan pe leh lawk ang e;

Hmeichhe hmelṭha leh piannalh tak chu i hmangaih a, i hmangaih avângin nupuiah neih i tum ngei ang, nupui a i neih tum chhan chu i hmangaih vang a ni a, i hmangaih nachhan chu a piannalhna ni lovin a kapkar a plain loh vang a ni.

Miss Universe mai ni lo, Chumi piah lam khawvel pawh ni raw sek sek, Victoria Secret Model pawh nisela.

Mipa sek leh pian nalh, six Pack mai pawh ni lo, Ten Pack thleng pawh a nei ni mahsela, A kap kar a plain vek chuan dam chhûngin hlim takin i nei thei meuh ang maw?

Mipa hmelṭha leh pian nalh i tih êm êm kha pasal ah inei a, sipai ah a ṭan san che a, thlaruk lek a awm bo pawhin i khua a har a, i lung a leng a ni lawmni.

Lunglen a kiu vak vak angai emni, a thlalak en la a ni mai alawm, i ngaihzawn lai a a thlalak, a piannalh leh hmelṭhatna te kha thlalak ah a lang vek alawm?

A chhuṭi a rawn haw a, a hmel leh piannalhna ringawt kha a chhuṭi chhûng zawngin i lo thlir emni, ni love, i duh ber zawk chu a kap kâr lam daih kha a ni.

Chuvangin hmangaihna hi kap kar ah daih a alawm a lo awm, zawn hmuh mai theih a ni a, mahsela mi hmuh lai leh pui punna hmunah chuan zawn hmuh a har duh teh ania.