INDIA RAM HI SAKAWLH LALRAM A LO NI TAWH RENG EM

Estheri 1:1

Lal Ahasuera a lal laiin (chu Ahasuera chu India atanga Ethiopia thlenga ram then za leh sawmhnih leh pasarih chunga lal a ni a)

Bible hian India hi  Persian Empire hnuaiah a awm tiin a inziak a, Esther (Hadassah)-i pasal Ahasuera hi Xerxes-1 tia hriat lâr a ni a, ani hi kan hriat dân tûr chuan Sparta Lal Leonidas leh a sipai zathum rual te Thermopylae lui ruam a that chimit tu kha a ni.

Lal Ahasuera lal hun chhung hi 486 - 465 BCE a ni a, hetih lai hian India hi Persian Lalram chhûngah a lo awm tak tak em ni tih leh India ram hi Persia in a lo hneh tawh em ni tih hi han chhui zau lawk ila.

Daniela Sakawlh hmuh pali zînga a pahnihna Persian Empire hi Achaemenid Dynasty hunlai kha a ni a, he Dynasty hi Greek pasalṭha, Danaei leh pathian Zeus-a te fapa Perseus-a aṭanga lo inṭan a ni a. Perseus leh Ethopian lal fanu Andromeda-i te fapa Perses-a, chumi fapa lehchhawng Achamenis-a din hi a ni a, an ropui tak tak hun chu Cyrus the Great hunlai kha a ni.

Cyrus the great hi Daniela bu a Lal Kura- kha a ni a, ani hian 535 BCE ah Indus Valley thlanglam rûn in a awp zui lo a, chumi hnu lawk ah a fapa Darius the Great, Daniela bu a Lal Daria (Sakeibaknei pûk a Daniela paih lût tu) khân 518 BCE ah Himalaya tlâng kaltlangin Indus valley leh Jhelum River vel te a rawn bei nawn leh a, hetih hunlai hi Vedic Period (1500- 500 BCE) hun hnuhnung lam, Gandhara Grave Culture 1400 - 800 BCE hun tâwp hun tawh si, Lalram chak ina an awp si loh, Painted Grey Vulture ina Indus valley leh India khawthlang lam a tuam lai vel a ni thung.

Tuna India ramah chuan Mahajanapades- lalram sawmleh paruk ina an awp lai a ni a, (600 - 345 BCE) india rampum erawh chu a ni lo a, Lalram lian bîk sawmleh paruk hi an lâr deuh chauh a ni. Tin India hmar lam ah Kuru Kingdom in (1200 -500 BCE)  Haryana, Punjab leh Uttar Pradesh ram ṭhenkhat an awp lai a ni thung.

Tin, Madhya Pradesh, Uttar Pradesh, Chhatisgarh, Jharkand, leh Bihar ram ṭhenkhat a Haryanka Dynasty (544 - 413 BCE)  an Lal lai a ni.

Tin, South India lamah Chera Dynasty lal Antuvan Chera leh Chola Dynasty Lal Karikala- lal lai vel a ni thung.

Tuna Kashmir lam erawh Gonanditya Dynasty ina an awp lai a ni a, Lal Nara -2 ina ro a rel lai vel ni thung.

Tin, Daniela Sakawlh hmuh pathumna Greek General, Macedonia khua Alexander the Great khân India a hneh tawh emaw a awp tawh emaw an ti bawk ṭhîn a.

Alexander hi 336 -325 BCE inkar ami a ni a, chuti anih chuan India ram a beih dan leh chutih hunlai a india ram chu i han tarlang leh teh ang.

Alexander the great hian 326 BCE ah Asia ram lam rawn beiin Jhelum river a rawn dai kai a, Battle of Hydaspes an tih ah khân Lal Poros( porus) a hneh anih kha.

Alexander the great hi Porus hian Sai rual indo na a hman ṭhin zahnih rual nen a lo bei let a, an indona chungchang pawh hi ngaihnawm tak a ni.

Tichuan Alexander chuan Jhelum valley leh Chenab vel te, Gandhara leh Sialkot vel te, Punjab tia an sawi ṭhin chu a awp ta a.

Hetih hunlai hian India ramah, Madhya Pradesh, Chhatisgarh, Orissa, Uttar Pradesh, Jharkand, Rajasthan leh Bihar vêl chu Nanda Empire (345 - 321 BCE)  in a awp thung a.

South India lam chu Chera Dynasty in awp in, Lal Poraiyan Kadungo- in ro a rel lai vel a ni. Kashmir bawr vel chu Gonanda Dynasty in awp in, Lal Gokarna rorel lai vel a ni bawk.

Hetia ka han sawikual vak na chhan chu Bible ah India ram hi Persian Empire hnuaiah a awm tiin a inziak a, helai thu avâng hian inlârna leh thu fahrah te te, Bible chhiar ngai vak lo leh a mawl zâwk te bum tumin mi ṭhenkhat in thu eng emaw an vawrh darh hluai ṭhîn a, India hi Sakawlh (Persia) pahnihna hnuaiah a lo kûn tawh a, sakawlh lalram a lo nih tawh tiin, tuna India pawh Hindu Lalram ang a lo ni bawk si a,  chuvangin Sakawlh hmuh a hmu leh dâwt phuah chawp mai mai lo thutak pui an awm tawh loh theih nan a rawn tarlang ka ni bawk a. Chuan India chu vawikhat mah Persia hian ala awp ngai lo hrim hrim tihna anih chu.

Sawi ve tûr ting chuan Persian Dynasty pakhat, Afsharid Dynasty lal pakhat Nader Shah khân February ni 24, 1739 AD khân Delhi- a lo rûn a,  chu chu Battle of Karnal an tih tâk kha ania, Nader Shah khân Mughal Lal Muhammed Shah kha darkar thum chhûng lekin a hneh anih kha.

Muhammed Shah- hi Mughal Lal sawmleh pathumna a ni a, Mughal Lal ropui tak Bahadur Shah tupa kha a ni.

He Nader Shah ina India a rûnna hi 1739 AD a ni a, Mahsela Persian Lal Ahasuera kha chu 486 - 465 BCE daih ami a ni a,  Ahasuera Lal lai hian India ram hi India tia sawi ala ni ngai lo a, ram bung khat angin ala in hlawmkhawm lo mai ni lovin Darius the Great ina Punjab a awp kha tuna Pakistan hi a ni a, Pakistan hi India ram ni ṭhîn mahsela khatih hunlai khân India ram ala ni lo hrim hrim bawk a ni.

Tin, Alexander the Great ina India a hneh an tih pawh kha, India ni lovin Punjab (Pakistan) lam hi a ni a, India ram lam erawh chu a chunga kan tarlan ang khian lalram te tak te te ina ro anla rêl hunlai leh ram ṭhensawm ang a an awp hunlai kha a ni thung.

Alexander- an Punjab(pakistan) a rûn hun 326 BCE lai vel kha India hmar lama Nanda Empire lal hunlai a ni a, Nanda Empire chu Chandra gupta Maurya in hnehin 322 BCE ah Maurya Dynasty chu a lo ding chang leh ta a, Nanda Empire zawng zawng chu awp vekin, India hmarchhak bâkah Orissa leh South India tih loh chu India ram a awp ta a, tin Pakistan pawh a awp tel bawk a ni.

A hnu ah Maurya Lal Ashok-a khân 260 BCE chho velah South India tih loh India ram pum mai chu awp in hmarchhak lam, Arunachal leh Meghalaya  ram ṭhenkhat bãkah Tripura te hial a rawn awp anih kha. Maurya Empire hi 322 - 180 BCE thleng a ni a, an ni hian India ram hi hlawm khat ah an rawn dah ṭan ta a.

Maurya Lal hnuhnung ber Brihadratha- (187 - 184 BCE) chu a general Pushyamitra Shunga in that in, he General hian Shunga Dynasty a rawn din leh ta a. Shunga Dynasty hi 184 - 75 BCE thleng an rawn lal ve thung.

Chumi hnu ah Kanva Dynasty rawn lal ve lehin 75 - 30 BCE thleng an rawn chungnung ve leh a.

Mahsela an ram awp te an awp hneh loh avângin a hma a Maurya Empire pawh chu a lo phel leh in lal ram hlawm lian tak tak, Satavahan Empire, Kalinga,  Indo- Scythian Kingdom, Kushan Empire te a rawn piang chho leh ta a.

2 BCE-  3 AD ah Mahameghavahana dynasty chu a hlawm lian deuh in an rawn chak thar a, an ni hi Murunda dynasty 2 - 3 AD in an rawn hneh leh a, anni hi Odisha velah an rawn lal a ni.

Chumi hnu ah Gupta Empire rawn lian leh in Chandra Gupta chu a lo ropui ta deuh deuh a, hetih hunlai hi India ram chu Golden Age an tih hunlai kha a ni. 319 - 467 AD inkar rawn lal in lalram pawh an rawn zauh leh ta a.

Mughal hi Maratha Kingdom 1674 - 1818 AD inkâr an rawn lian leh a, mahsela Sikh Empire chu rawn lian zel in, Maratha Kingdom ṭhenkhat pawh tlem tlem in an rawn hneh zel a. Chutih lai chuan  French leh British te India ram ah rawn lût in Maratha ram awp te an rawn la ve mêk bawk a.

Sikh Empire hi 1799 - 1849 AD inkâr an rawn lian viau nâ in British Raj an tih British Empire rawn lian zel in 1858 AD aṭangin India an rawn awp lian ta deuh deuh 1947 AD thleng khân India ram pum chu an awp ta a ni.

India khaw thlanglam Pakistan erawh Dominion of Pakistan tiin  1947 AD ah British ina india an chhuahsan dawnin anmahni ram mi an rawn intelkhawm a, 1956 AD thleng khân neuh neuh awm reng chungin an rawn ding ve a, chumi hnu ah tuna Pakistan hi rawn piangin Islamic Republic Of Pakistan tiin 1956 AD aṭang khân tun thleng hian a lo la ding ta a ni.

Tichuan India ram hi Sakawlh Lalram in anla rawn awp ngai lo hrim hrim a, chuvangin Bible behchhan si, mahni ngaihdan leh duh dan anga thu vu vûk theh darh hi sim i tum ṭheuh ang u.