AUTOMATIC WRITING | MITTHI THLARAU BIAKNA

Ramhuai leh thil nihphung pangngai ni lo chhuina leh zirchianna a sawi tel loh theih loh, 'a serh zîng a a mei ang'- chu Medium- an tih, mitthi thlarau be thei tu te hi an ni âwm e, mahsela tun hunah hi chuan hêng Medium te chanchin ni lovin, anmahni Medium te'n a thlarau an biakpawhna zîng a pakhat, kutziak hmang a thlarau biakna (Automatic Writing) hi tarlan han tum ila.

Hêng thlarau be theitu te hian mitthi thlarau hnên aṭanga an thu dawn ni a an sawi finfiahna ṭha tak  mai an nei ve a, chu chu he kut ziak hmang a inbiakna hi a ni.

Medium in mitthi thlarau a biak lai/ zêl a a awm lai hian pen emaw pencil- emaw kengin lehkhapuan ah thlarau thusawi te kha a ziak chhuak ta ṭhîn a, tin, thlarau vin Medium-  taksa hmangin a thu chah duh te a rawn ziak bawk ṭhîn.

Miin a chhûngte thi tawh hnen ata thil hriat duh eng emaw aneih chuan hêng Medium te hnenah hian kalin mitthi thlarau chu a kohchhuah tîr a. Thlarau ina Medium taksa a rawn luhchilh hnu ah a thil zawh duh te a lo sawi a, tichuan thlarau chuan Medium taksa hmangin lehkhapuan ah chhânna a rawn ziak ṭhîn a ni, lehkha a han ziah pawh hian mu leh mal a awm chuang lova, ngaihtuah khawm ngai leh remkhawm ngai te an ni ṭhîn.

Tin, Medium chuan pen/pencil- chu a kut lehlam ah a hûm a, khawi emaw lam hawiin rilru a han sâwrbing sauh sauh a, thlarau biak pawh a tum ṭhîn a, a biak pawh hnu ah thlarau chuan Medium kut hmangin a sawi leh a be tu te hriat duh ang ang te chu a ziak chhuak bawk ṭhîn.

Mahsela chu'ng thil te chu scientist tam tak te erawh chuan thu tak hla tak ah an ngai lem lo a, inbumna chikhat mai ah an ngai thung.

Ramhuai leh thil nihphung pangngai ni lo chhuina leh zirchianna a sawi tel loh theih loh, 'a serh zîng a a mei ang'- chu Medium- an tih, mitthi thlarau be thei tu te hi an ni âwm e, mahsela tun hunah hi chuan hêng Medium te chanchin ni lovin, anmahni Medium te'n a thlarau an biakpawhna zîng a pakhat, kutziak hmang a thlarau biakna (Automatic Writing) hi tarlan han tum ila.

Hêng thlarau be theitu te hian mitthi thlarau hnên aṭanga an thu dawn ni a an sawi finfiahna ṭha tak  mai an nei ve a, chu chu he kut ziak hmang a inbiakna hi a ni.

Medium in mitthi thlarau a biak lai/ zêl a a awm lai hian pen emaw pencil- emaw kengin lehkhapuan ah thlarau thusawi te kha a ziak chhuak ta ṭhîn a, tin, thlarau vin Medium-  taksa hmangin a thu chah duh te a rawn ziak bawk ṭhîn.

Miin a chhûngte thi tawh hnen ata thil hriat duh eng emaw aneih chuan hêng Medium te hnenah hian kalin mitthi thlarau chu a kohchhuah tîr a. Thlarau ina Medium taksa a rawn luhchilh hnu ah a thil zawh duh te a lo sawi a, tichuan thlarau chuan Medium taksa hmangin lehkhapuan ah chhânna a rawn ziak ṭhîn a ni, lehkha a han ziah pawh hian mu leh mal a awm chuang lova, ngaihtuah khawm ngai leh remkhawm ngai te an ni ṭhîn.

Tin, Medium chuan pen/pencil- chu a kut lehlam ah a hûm a, khawi emaw lam hawiin rilru a han sâwrbing sauh sauh a, thlarau biak pawh a tum ṭhîn a, a biak pawh hnu ah thlarau chuan Medium kut hmangin a sawi leh a be tu te hriat duh ang ang te chu a ziak chhuak bawk ṭhîn.

Mahsela chu'ng thil te chu scientist tam tak te erawh chuan thu tak hla tak ah an ngai lem lo a, inbumna chikhat mai ah an ngai thung.

Psychical lam a mithiam te erawh chuan 'Automatic Writing' - chu thlarau lam khawvel a mitthi tawh thlarau te thiltih ni lovin mihringte chhûngril hriat loh rilru thiltih angin an ngai zâwk mah mah a. Hetiang lehkha ziahlai chuan chhungril tak a awm hriat loh rilru chu thununna awm lovin arawn inlâr a, thu mak leh dangdai tak tak te a rawn ziak ta ṭhîn a ni an ti.

He ngaihdan hi dikna chen awm mahsela Medium tam zâwk te zirchianna thil ah erawh chuan a dik vek thei chuang hauh lo.

Hetiang sawilan châng a tarlan loh theih loh chu American Medium Mrs.Pearl Curran-i chanchin hi a ni âwm e.

Hêng lehkha ziah hi 'Patience Worth'- anga insawi Medium pakhat aṭanga bul lo inṭan a ni a, kum zabi 17- na a England aṭanga America- a pêm lût ta English nu pakhat a ni.

Patience Worth hian poem tam tak a lo ziak tawh ṭhîn a, chû'ng a poem ziah te chu thu leh hla khawvel ah chuan class sâng tak a sawi an ni hlawm. Mak deuh mai chu, a lehkhabu ziah tam tak ah chuan kum zabi 17- lai hman hnam chi hrang hrang ṭawng, zâ a sawmkua(90%) zet a hmang. Chu chuan chumi hunlai a England ram dinhmun a ziak lang tihna a ni thei bawk.

Psychical researcher- te chuan Mrs.Pearl Curran-i automatic writing te chu uluk takin an han zirchiang ta a. Psychical researcher ṭhenkhat chuan Mrs.Curran-i tunhma lam a kum zabi 17- na history lo zir tawh ṭhîn leh chû'ng a thil zir te chu theihnghilh in, a nunah 'Automatic Writing'- angin arawn ziak chhuak ta a ni, an ti a. Nimahsela Mrs.Curran-i hi history- lam tuimi a ni lova, a zir ngai bawk hek lo. Amah hi kum 1887 a piang niin 1937- ah a boral a, hetih hun lai hian zin veivahna leh inkalpawhna ala ṭha lovin inbiakpawh mai pawh khawmualpui hran aṭang chuan buaithlak tak a ni a, amah hian England ram ala kal ngai loh avângin England chungchang hre êm êm thei pawh a ni si lo.

Mi ṭhenkhat erawh chuan Automatic Writing te hi Mrs.Pearl Curran-i taksa chhûnga thlarau pêng pakhat (damlai thla) hnathawh anih an lo ring ve bawk a. Amaherawhchu Damlai thla chungchangah hi chuan thlarau leh taksa chu an awm hrang daih a, Mrs.Curran-i chungchangah erawh hi chuan chutiang chu a ni ve lo thung.

Mrs.Curran-i chuan," Lehkha ziah rau ka chan chângte hian thil zawng zawng hre lo leh hmu tawh lo angin ka awm ngai lo, engkim hmu in ka hre vek a, lehkha ka ziah lai hian ka bula awm leh keimah keimah ngei pawh hi tunge ka nih tih chiang takin ka hria a ni," a ti.

Mak ve deuh mai pakhat chu  hetiang Automatic Writing- hmanga thlarau ina a luhchilh te hi mitthi thlarau be ṭhîn tu (Medium) te vek an ni tlat lo hi a ni, a tam zawk chu hêng Medium te hi an ni a, Paranormal researcher- tam tak te'n a Medium te an rin tawk lohna ṭhenkhat a rawn sât thla thei hial mai.

Ziaktu lâr tak, David Copperfield leh A Christmas Carol- tih ziaktu Charles Dicken khân a boral khân The Mystery of Edwin Drood- ti chu a ziak zo hman lo va, Kum 1870- ah a boral a nih kha.

 Mahsela kum 1872- tawp lam khân Brattleboro, Vermont- a chêng lehkhabu chhuahtu pakhat Thomas Power James(T.P.James) taksa hmangin Charles Dicken- chuan a rawn ziak a, kar thum vêl lai a ziah hnu in a ziak zo ta a ni.

Charles Dicken thlarau chu he lehkhabu chhuahtu T.P.James- kawchhung ah lût in, he pa kaltlang hian a lehkhabu ziah zawh hman loh chu a rawn ziak zo anih kha.

A kum leh 1873 khân chu lehkhabu chu T.P.James- hian Part Second of the Mystery of Edwin Drood- tiin a tlangzarh nghe nge a ni.

Tin, Sherlock Holmes lehkhabu ziaktu Sir Arthur Conan Doyle- pawh khân April ni 28, 1918- a a tlangzarh The New Revelation bu a ziah lai khân thlarau in ziak tûrin thu min pe a, keima kutchhuak ni lovin ka kut hmangin thlarau in a ziak a ni a ti ve mauh mai bawk.

Pakhat han tarlang leh lawk ila, hei erawh chu thu ziak lam a ni chiah lo thung.

New York a rangkachak leh lunghlu a sumdawng mi hausa tak mai Mr.Frederick Thompson- chu tunhma aṭanga lemziah(painting) lam tui ngai lo leh ziah pawh châk ngai lo hrim hrim a ni a, Vawikhat chu mak tak mai hian lemziah a châk thut mai a, a lemziah tûr te pawh a mitthla ah a rawn lang zut zut mai bawk a. Tichuan lem chu a ziak ta malh malh a. Midangin a lemziah an han hmuh chuan lemziak thiam "Guildford-a" ziah te nen an in an thu an sawi a, mahsela Mr.Thompson- chuan lemziak thiam Guildford-a hming chu lo hre ve tawh tho mah se hetianga lem a ziah lai hian Guildford- chu thla ruk liam ta khân a lo thi daih tawh tih a hre rêng rêng lo.

Mr.Thompson-a chuan lemziak tûr a tur lui tu awm angin a in hre tlat a, chutiang a tur anih tawh chuan lemziah a châk thei hle a, ziah pawh a ziak ṭhîn rêng a ni.

A chângin pawn lam ah te lemziak tûrin a chhuak fo ṭhîn a, A lem va ziah te lah chu Guildford-a ziah tawh ang chi leh a duhzawng ang chi deuh hlîr an ni zêl a.

Tin, Mr.Thompson-a hian tunhma in Guildford-a lemziah hi ala hmu ngai rêng rêng lo va; boral ta Guildford-a nupui va hmuh a tum lai takin Researcher- pakhatin thu a râwn angin a lemziah hnuhnung ber chu Researcher- kutah a pe a, tichuan Guildford-a in lam an chuan a chhuak ta a.

An in a thlen chuan Guildford-a hnathawhna Studio- te chu a enkual a, chuta a thil hmuh chuan Mr. Thompson-a chu a ti thidang lo chauh a ni. Mak a ti lutuk chu ka hau chungin a thlîr reng a. A thil hmuh chu engdang ni lovin Guildford-a'n ziak zo lo a a boral san tâk lemziak (painting) pakhat a ni.

Chu lemziak chu Mr.Thompson-a'n Guildford-a te in a kal dâwn a researcher- kut a a pêk a lem ziah hnuhnung ber nen a a in an chiah chiah vâng a ni. 

He thil avâng hian researcher-te chuan," Hetiang khawp a thil mak hi chu tihpalh thil thu avânga thleng thei a ni lo," tiin ngaihdan an siam phah bawk.

Kum 1906 khân mitthi thlarau be pawp thei a insawi mi tam tak chuan British Psychical Research - din tu mi ropui tak tak pathum leh kum 1901- a boral American Psychical Researcher ropui Dr.Richard Hodgson bâkah pa ropui tak tak dang pathum te'n Automatic Writing- hmanga an rawn biak pawh thu an sawi ve tlat a. Kum 1901- a boral Frederick William Henry Mayers- leh a ṭhian te chu an damlai a hmasâng Greek leh Latin- thu leh hla lama miril tak tak te an ni a an thih hnu a Medium te'n a an hnen aṭanga thû an han dawn leh tâk Automatic Writing te pawh chu hmasang Greek leh Latin- thu leh hla lam hawi thu khirh tak tak te an ni tlangpui. Hêng thu ziak te phei chu mithiam pui pui te chauhin an hrethiam a ni.

He Automatic Writing  hi hriatthiam harsa ve tak a ni a, a tîr aṭanga eng emaw tum nei rân a ruahmanna a ni ti pâwl tam tak an awm ve bawk a, âwm pawh a âwm ve reng mai.

He ngaihdan ring tu te chuan  mi tu emawin hetianga thu dawng tu te hnenah hian an sawi duh thil te chu 'telepathy'- hmangin an thawn a ni, an ti a, kan sawi tâk ang khân he thil ah hian mihring pakhat lek ah chuan dik ve thei tho a ni a, mahsela mi pakhat lek ni lo, mi tam tak, chu pawh khaw hrang leh ram hrang hrang ami te'n thu in ang an dawn ṭheuh bâkah anmahni pawh la inhre ngai lo an nih hlawm bawk avângin dâwt leh inbumna mai chu a ni thei lo niin alang.

Vawikhat chu Automatic Writing hmanga lehkhaziaktu nu pakhat hian indopuia boral ta a ṭhian pakhat thlarau chu a be pawp a. Chu a ṭhian chuan a hnenah, kum 1916 a a thih thu te, a thih hnu lawk a thi ve a ṭhianpa nen inhmelhruat tir a duh thu te leh a ṭhian chu a damlai chuan pa ṭha leh ngilnei tak a ni ṭhîn; mahse a thih hnu ah thil sual lian tak atih avânga a rilru hah thu te ziakin a hrilh a.

Thlarau chuan, "Hlauhna avângin thilsual lian tak ka ti palh a, chu thilah chuan ka in ngaidam thei lo a ni. Ka thiltih chu mihringte rin phâk bâk thil a ni a, kei hian hun remchang ṭha tak ka hloh ta a ni." a ti a.Tin, a College kal ṭhinna te pawh a ziak bawk a.

 Tichuan Medium chuan chu thlarau nenba an in kawm dân zawng zawng chu hetiang hian a ziak chhuak ta a.

Medium chuan," Anih enge i hming.?" a ti a.

Thlarau chuan lehkha ah ziakin," Ka hming chu Mr.Whiteman a ni. Kum tam tak liam ta khân he hmunah hian ka lo awm ve tawh ṭhîn a ni."

"Engtikah nge i thih."?

"A rei tawh, kum sawmnga zet a liam tawh ang chu."

"Khawiah nge an phûm che.?"

"Thlan mumal pawh ka nei lo."

"Indona a thi emni inih.?"

"Ni lo ve, indona ah thi ni ila tunah hian ka hlim hle tawh ang."

"Engthil nge i tih ber ṭhin.?"

"Hlawhtling khawpin engmah ka ti ngai lo. Mahse ka thiltih avângin kei chu nungdamin ka awm a, midang erawh chuan a tawrh phah ta a ni. Ruahmanna chu ka nei a, mahse kan pahnih in kan pumpelh thei ta lo a ni."

"Eng chu nge in pumpelh theih loh chu.?"

"Thihna maw le! Thihna chu pumpelh theih a ni lo."

"I damlai khân enge i tih deuh ber ṭhin.?"

"Ṭawng ka zirtir ṭhîn."

"Sakhaw rawngbawltu emni inih.?"

"Aw, ni e."

"Khawiah nge i thawh.?"

"A hmun ka theihnghilh tawh, hmun hla tak a ni."

"Kawppui nei em.?"

"Oh..(!)"

"I tân tihsak theih che ka nei em.?"

"Ka damchhung khân eng chiah nge ka lo tih ṭhin tih chu hemi hmun ka thlen hnuah chiang takin ka hre ve chiah a ni. Ṭawngṭaiin min pui dawn nia, chu chu a pawimawh tak zet a ni."

"Khawi hmunah nge i thih."

"London- ah."

A thihna hmun a sawi chuan Medium chuan mak a ti ta hle a, London- ah a thih si chuan zalhna tûr thlan hmunhma chu a nei ve ngei tûr a ni a. Mahse tuna a thlarau biak erawh hi chuan zalhna thlan hmunhma pawh nei lo angin a in sawi tlat bawk si a. Engvâng nge ni ta ang.?

Tichuan Medium nu chu a mitthi thlarau biak pa College luh ṭhinna ah chuan kalin record file zawng zawng a hai ta vek a, file pakhat ah chuan, "John Whiteman"- chanchin ziahna chu a hmu chhuak hlawl mai a.

A chanchin a a inziah dân chuan John Whiteman chu kum 1847 khân kum 17- tlingin, University lût thei dinhmun ah a ding vâng tawh a. Mahse ani chuan sakhaw rawngbawl hna a thawk ta zâwk a. Australia lam pan a akal laiin a chuanna lawng SS London- chu kum 1866, January ni 11-  khân vanduaithlâk tak maiin Bay Of Biscay- ah pil in a thi ta tih a ni. File dang aṭanga hmuhchhuah belh thu pakhat ah chuan John Whiteman- chu kum 1866- ah a thi tih te chauh a ni leh bawk.

Psychical researcher chuan 'The London Times'- chanchinbu hlui a hmuh theih ang ang chu a hai lêt leh ta a. Kum 1866, January ni 17, 18 leh ni 19- chhuakah chuan SS London lawng Bay Of Biscay- ah a pil thu inziak chu a hmu ta a. Khualzin zahnih sawmsarih (270) zet phur in, an zîng ah mi sâwm leh pakua(19) chauh an damchhuak a ni. John Whiteman- hming chu Second Class List-ah a chuang a. Automatic Writing Medium hian SS London- chanchin hi tunhma in a lo la hre ngai miah lo lehnghal.

Tichuan mitthi thlarau thusawi te leh an zirchianna te nen chuan a lo in mil vek a. Mahse, mitthi thlarau chuan a thih dâwn a a thil sual tih leh hna a lo thawh tawhna hmun chu a sawi mai thei lo va. Sakhaw rawngbawltu anih thu te pawh chiang fek fawkin a sawi lo va, a thusawi phung aṭanga hriattheih mai te an ni zâwk tih hriat a ṭha âwm e.

Psychical Researcher Dr.Hudson- a hmuh danah chuan mitthi thlarau thusawi te chu a châng a dik lo te, dik famkim ta lo te leh chiang fek fawk a hriat theih loh chu thil mak tehchiam a ni lo va, a chhan chu, mahni sawi duh thil chiang leh fiah tak mai a han sawichhuak kauh kauh tûr chuan mitthi tawh thlarau tân chuan thil awlsam tak a ni dawn lo va. Mitthi thlarau chu a khawsakna hmun tharah hun eng emaw chen rilru buai nuaih in a awm thei a. Pangngai takin a awm ve thei tawh hnu, mihring te nen a a inbiak chângte hi chuan a rilru leh ngaihtuahna te chu eng emaw chen a buai lo thei lo a ni a ti. Chutiang hunah chuan mitthi thlarau chu nikhawhre lo va awm rawn harh leh thut ang mai hian a hawi â hû hû lo thei lo va. Mihring, a chhûngte nen a an inbiakpawh theihna taksa pawh chu midang (medium)  taksa a ni daih si a, a lai lo thei lo tih ngaihtuah tel ngei a ṭha tiin a sawi chhunzawm bawk a ni.

Anihna takah chuan, Medium- ka aṭanga kan hriat  kamchhuak te chu, mitthi thlarau in sawi a duh te Medium taksa leh ngaihdan/ hriatna rilru te paltlang a kal a ni a, a zavai chuan a dik famkim thei dawn lo a ni.

Engpawh nisela ngaihdan leh pawm dan tam tak hi chu khawvel awm chhûng a awm tûr a ni a, inbumna mai a ni ti tute leh dâwt a ni lo ve ti tu te pawh hian ṭanchhan ṭha tak an nei ve ve a, an nei reng bawk ang.

He Automatic writing hi Chinese hovin a an  tih chhuah ni mai âwm a ni a, a hmang hmasa tu pawh an ni hial maithei bawk a ni.

Anni chuan 'Spirit Writing' - Fuji (planchette writing)- an ti a, AD 960 aṭanga 1279- inkâr a China awptu Song Dynasty- hun lai khân an lo chîng tawh a, anni chuan thlarau leh pathian te'n a mihring te hnena an thu chah a ni an ti thung a ni.