THE COMPLETED OF NORSE MYTHOLOGY

RHAPSODY :

Europe hmâr lam ram mi te thawnthu hi kum zabi 13- na bâwr vêl a rawn chhuak țan ni a sawi a ni a.  Heng ram bial te hi Scandinavian an ti a, Denmark, Norway, Sweden, Finland, Iceland, German, Greenland leh Faroe Island-  te hi an ni âwm e, hêng ho hmasâng thawnthu leh an Pathian te hi Norse (Northen/North Europe) thawnthu kan tih te chu an ni a,  An Pathiante hi Chatuan mî/ thi theilo ang anni ve lova, mihring ang bawk a thi thei, mihring rilru leh thinlung ang pu an ni hlawm bawk.

Norse ho te hian Pathian leh milian(ramhuai) indona chungchâng an sawilang nasa hle a, Pathian zawng zawng te zînga ropui ber Odin pawhin hêng miliante chunga thuneihna aneih bîk loh avangin indona hnuhnung berah Pathiante hi milian te hian an hneh a, chu chu khawvêl tâwp an tih chu a ni bawk.

Tin, an Pathiante bâkah an pasalțha te 'Vikings' ti a kan hriat lâr te kha an ni bawk a, Thawnthu inkalthelh leh hêng ram bialte hnam țawng ang zel a sawi lovin, a bulțhut ațanga a tlânglawn ina kan hriatthiam theih dan turin ka lo târlang a, hêng hmasâng thawnthu te hi chu ziaktu hrang hrang ina an ziah anih avangin kan hriat dan a dang anih pawh in kan thiamloh ani love... Enge ni(!)  Unau thawnthu sawi pawh a dang anlo tih țhin kha.

THE CREATION :

 A tîrin lei, tuipui leh vân ala awm lova  Hmun ruak zau tak mai ringawt hi a awm a, chu chu Ginnugagap a ni.

Hun tamtak a liam a, tichuan Ginnugagap chhim lamah chuan meialh nasa tak mai Muspell- alo awm a, Hmâr lamah pawh chuan vûr, chhûm leh vâwt nasa tak mai Niflheim- a lo awm bawk a.

Ginnugagap sîr ve ve ah chuan Meialh leh Vûr in ro an rêl a nih chu.

Tichuan hun engemaw zah alo ral a,  Muspell ațanga boruak lum lokal leh  Niflheim- ațanga boruak vawt lokal chu a intawh a intawh avângin vûr khal chu alo tui țan ta tial tial a.

CREATION OF FROST GIANT :

Tichuan vûr tui far tluk tluk Palian muhil ang mai hian alo tlingkhâwm tial tial a.
Chu Palian hming chu Ymir a ni.

Tin, Ymir-a mû chu Muspell- meialh avang chuan a thlan alo tla țan a,  a bân veilam ațang chuan milian mipa leh hmeichhia anlo piang a, a kê ațangin mipa dang Thrudgelmir- a lo piang leh bawk a.

Tin Vûr tui tlingkhâwm pakhat zâwk chu bâwng angah alo insiam leh a, chu bâwng hming chu Audhumbla- a ni.

Bâwng ațang chuan bâwnghnute lui pali lo luangchhuakin Milian Ymir- chu an châwm a, Bâwng (adhumbla)- pawh chu amah hual vêltu vûr khal liak chuan a in hnângfâk ve bawk a.

Tin, Vûr tui tling khawm tam tak ațang chuan Milian tak tak anlo piang ve zêl a, chûngte chu inthlah pungin anlo tam ta hle a. chûngte chu Frost Giant/ Jötun - an tihte chu an ni.

CREATION OF THE FIRST GODS & GODDESS :

Bâwng(audhumbla)  ina vûr tui al aliah nikhatna tlâi lamah chuan Vûr ațang chuan sam(hair) a liak chhuak a, a ni hnihna ah chuan alu(head) zawng liakchhuak lehin a nithumna ah chuan mihring ruangam a liakchhuak ta a.

Chu mihring chu Bùri- a ni, a chakin a hmêlțha hle a, Tichuan vûr tui tling ațanga lo insiam milian hmeichhia nen mudûn in fapa Bór- an nei a.

Bór chuan milian Bolthorn fanu Bestla chu nupuiah neiin fapa pathum, Odin, Vili leh Vé- an nei leh a.

Anni unau hi Pathian hmasa te chu an ni.

BERGELMIR DELUGE : THE GREAT BLOOD FLOOD :

Keini Christian zirtîrna ah chuan No-a tuilêt a awm a, hetiang ang tho hian sakhaw dang te pawh hian tuilêt hi anlo nei ve deuh vek hlawm a. Chuvangin Tuilêt hrim hrim hi chu khawvel awmtirh ațang hian alo awm tawh ngei ang tih hi a pawmawm viau mai. Pathian hmasa unau Pathum, Odin, Vili leh Ve- te chuan milian Ymir chu an ngeih thei lova, a hnu ah phei chuan an thiltihtheih belhbawmin Ymir- chu an tihlum ta nge nge a.

 Chu an milian thah ațanga thisen chhuak chu atam êm avangin an chênna chu thisen in akhat ta vek a, Milian nûpa Bergelmir-a leh a nupui, lawnglêng atana thing kawrawng hmanga dam khawchhuak tihloh midang zawng zawng chu thisen ah chuan an tla hlum zo ta vek a ni.

Chumi hnu in Bergelmir leh a nupui chuan fapa Bolthron an nei a, Bolthron chuan Milian nupuiah neiin fanu Bestla-i an nei leh a.

CREATION OF THE WORLD : THE NINE WORLD :

Milian an tihhlum tâk Ymir-a tîsa chu semdarh in Ginnugagap- hmunruak zâu tak lâi takah chuan 'Ash Tree' -an tih thingkûng lian tak 'Yggdrasil' (tree of life) an siam a, he thingkûng hi khawvel leh vân, leihnuai inghahna bulțhut chu a ni. Odin leh a unau te chuan milian tîsa ațang chuan lei an siam a, a ruh leh hâ ațangin lungpui leh tlâng te an an siam bawk a, Ymir-a thisen ațangin lui leh dîl te an siam leh bawk a. Ymir-a luruh ațang chuan Vân an siam a,

Tin, Chhim tâwp Meialh hmun Muspell- ațanga meialh te chu la chhuakin vân chunglam ah an dah darh a, chûngte chu arsî kan tih tâk te an ni. Milian pa Thluak ațang chuan chhûm an siam leh bawk a.

Tichuan khawvel hrang hrang pakua chu an siam zo ta. An mahni Pathiante chênna tûr Vân chu Asgard an ti a, Lei chu Midgard- an ti bawk a.

Tin, Leihnuai mitthi khua Helheim- an siam bawk a. Miliante chênna tûr Jotunheim an siam a chutah chuan milian an hmelma(frost giant/ jotun/jonar) te chu an chêng a.

 Tin, khawvel an siam dang te chu, Svartalfheim hmun, mitê Dwarves te chenna. Alfheim- (mitê/ lasî) Elves/Elf te chenna hmun te bâkah vân chunglam Asgard bul ah Pathian chi țhenkhat Vanir- ho chenna tûr Vanaheim te, Pathiannu indo mî, Phaw hmangthiam Valkryie ( shield maiden) te awmna Valhalla- an siam bawk a.

Anmahni Pathiante leh Pathian chî ho awmna Aesir chu an siam leh bawk a. Odin-a chuan thingtuluang pahnih lâ an unau chuan lei nen an chawhpawlh a, mihring hmasa ber pahnih an siam a, Mipa hmingah chuan Ask- tih phuah in, hmeichhia zâwk chu Embla- an vuah a, Lei an siam Midgard-ah chuan an dah a, hemi te nupa ațang hian mihring anlo in thlahpung chho ta zêl a ni.

Anmahni chênna Asgard nena inkalpawh theihna tûrin Asgard leh Midgard chu chhimbâl-a siam lei(bridge) Bifrost- in an thlunzawm bawk a. He an khawvel siam pakua te hi thingkûng lian tak 'Yggdrasil' - chu a ni.

kan hriatthiam dan tur chuan he thingkung ațang hian kan sawifiah lehlawk anga. Thingkûng a awm a, thingkung lêr lam/ chunglam ber chu Asgard- a ni a, a zâr chhimlam chu Nifhleim. a zâr hmârlam chu Muspellheim. A zâr chhaklam chu Aesir, a zâr thlanglam chu Vanaheim. thingkûng bulțhut chu Midgard. a zung pêng khat chu Alfheim. a zung pêng khat chu Jotunheim, a zung pêng khat chu Helheim. a zung pêng khat chu Svartalfheim. Thingkûng leh a zung anga tehkhin ani țhin a, kan hrethiam turah ngai ila.

( He Thingkûng Yggdrasil hi Christian zirtirna ah chuan Eden huan lâi taka awm 'Nunna Thing' kha a ni a.

 Greek ho erawh chuan kulh chhe theilo Troy kulh an ti bawk a.

 Mizo Mythology ah chuan Bûng lian tak kan ti thung a, Thlâ(moon) ah a awm in kan ngai anih kha.

James Cameron movie siam Avatar kan en chuan Pandora planet a chêng Na'vi- ho te Hometree/ An thlahtu te nena inbiakpawh theihna thingkung lian tak 'Tree Of Soul' ( Utral Aymokriya) kha he Yssdrasil tho hi a ni, Tin Thor movie hmasa ber ah pawh a lan bawk kha. CR)

THE AESIR : GODS & GODDESS :

Odin-a leh a thlah Pathiante awmna leh chênna a awm Pathian chî te hi Aesir- an ti a. Pathian Chî te hi hmun hnih ah an țhen anih ber chu, Aesir-hmuna chêngte hi Pathian chungnung ber te an ni.

Aesir leh Vanalheim -a chêng Pathian zawng zawng zîngah Odin- hi a thu ber a, Pathian te Pâ a ni bawk.

Vûr tui tlingkhâwm ațanga insiam Bâwng(cow) Audhumbla ina vûr a liah ațanga lo piang Milian Buri chu Pathian hmasa ber a ni a.

Milian hmeichhia nena an fapa Bor chuan nupuiah Bestla neiin fapa Pathum, Odin, Villi leh Ve- te an nei bawk a.

VIDARR : Odin leh a nupui pakhat Grider- te fapa a ni.

THOR : Khawpui ri pathian a ni a, Odin leh Jord te fapa a ni. a nupui chu Sif- nen hian fapa pakhat Modi leh fanu pakhat Thrud an nei a, Thrud hi Valkryie- ani bawk. Tin, Milian hmeichhia Jàrnsaxa lakah fapa Magni anei bawk.

Tin, Zân Pathiannu Nott te, Êng Pathian Balder te, Finna Pathian Loki te, Pathiante thuchah kengtu Pathian Thialfi-a te, Indona Pathian Tyr te, chhûn Pathian Dellinger te, Dagr, Vale, Ull, Hod, Hoemir te bâk ah Pathiannu hrang hrang,

Mihring vêngtu Pathiannu Lofn, Hmangaihna Pathiannu Sjofn, finna Pathiannu Snotna, Tidamtu Pathiannu Eir, Mihring enkawltu Pathiannu Hlin- te bâkah Fulli,Vár, Vòr, Syn, Idunn- te an awm a.

Skjod leh Gefjon  te fa Yngling ațang hian Pathian te leh mihringte inneih pawlh in Swedish hnam chikhat Scylfing Dynasty hi alo piang ta a ni.

Henglo pawh hi Pathian te nau tamtak anla awm bawk.

THE VANIR : GODS & GODDESS:

Pathian chi khat thlahtu milian Avaldi-a thlah te hi Vanir an ti a, Vanaheim ah an chêng a ni.

Milian ho Gangr, Idi, Thiassi, Vali, Narfi, Gymir, Beli te bâk ah Thianghlimna Pathian Freyr- te an awm a.

Milian Pathiannu Gersumi, Gertha, Sigyn- te bâkah Thianghlimna leh hmangaihna Pathiannu Freyja te, Duhthusam Pathiannu Hnoss te leh Ramsa leh sapelh lam Pathiannu Skadi te an awm bawk.

Tin, Pathiante lo awm țantirh a Milian Ymir-a bân veilam ațanga milian lo piang Farbauti leh hmeichhia Laufey te pawh an awm bawk a.
Farbauti leh Laufey te hian fapa Pathum, Loki, Byleister leh Helblindi te an nei leh a.

Vanir leh Aesir Pathiante indo lai khan Loki- hi nausên mai ala ni a, Odin-an tihlum duhlovin Asgard ah a hawn a, a enkawl puitling ta anih kha.

Loki hian Pathiannu Sigyn lakah fapa pahnih Váli leh Narfi a nei a.

Tin, Loki hian Jotunheim-a mi milian hmeichhia Angrboda lakah fâ râpthlâk tak tak, Chinghne lian Fenrir leh Mitthi khaw roreltu fanu Hel te bâk ah rûl/ sakawlh rapthlak tak mai Jormungander a nei a, Jormungander hi leihnuai hmun thim takah a awm a ni.

Tin, Loki fa Chinghne lian Fenrir hian Chinghne rapthlak tak mai leh thiltithei tak Hati leh Skoll a nei bawk.

VALKRYIES : THE SHIELD MAIDEN :

Valkryie te hi indo mi leh phaw hmang thiam Pathiannu te an ni a, An chenna hmun hi Valhalla a ni.

Hêng Valkryie- te hi Pasalțha thi te thlarau Valhalla-a hruaitu te kha an ni a, Pathiannu tam tak an ni.

Fei hmangthiam Geiravor te, Tiang hmangthiam Gondul te, Indona Pathiannu Gunnr leh Hilder te, Finna Pathiannu Hervor Alviter te, Ngûnhnâm hmangthiam Hjorthrimul te hi a lâr zual te an ni a.

Tin, Hrei hmang thiam Skeggold-i te pawh. ( Skeggold-i hi chu CLASH OF CLANS Games khêl țhinte chuan kan hre vek ang a, COC games a Valkrie kha a ni. CR)

Tin, Phaw hmangthiam lâr tak Brynhilder/ Lagertha- i te pawh.(He Valkryie Shield Maiden hi Vikings Serial en țhin te chuan kan hria ang a, Vikings Pasalțha Ragnar Lodbrok-a nupui hmelțha tak kha a ni. Myth base ah chuan Lagertha-i hi Valkryie- ho te zînga hruaitu lâr tak a ni. CR.)

Hêngho bâkah hian Valkryie, Hersa, Idis, Svipul, Mist, Kara, Eir, Goll, Hlokk, Hrist, Hrund, Olrun, Randgrid, Radgrdr, Rota, Sanngrldr, Sigrita, Sigrun, Skalmold, Skogul, Skuld, Throgn, Thrima leh Thor-a fanu Thrud- te hi a langsár zual deuh te an ni a, anni lo pawh hi tamtak anla awm bawk.

Tin, Pathiante awmna Asgard leh Midgard hi chhimbâl lêi (bridge) mawi tak mai, Bifrost- in a in thlunzawm a, He Bifrost hi michak tak mai Heimdall/Heimdallr- an chhûn leh zân zâwmin a vêng reng a. mupui ang mai a fiah a mit chuan khawi kip pawh chiang takin a hmu vek thei a ni.

Inrinna Rngkachak tâwtawrâwt Gjallarhorn a keng reng țhin a, sakawrnû rangkachak tuâng leh rangkachak hâ(teeth) nei, Gulltopper- a nei bawk.

Tuipui Pathian Aegir leh Rán te fanu pakua, 'The Daughter Of Nine emaw The Nine Mother' - an tih te,

Bára, Blóðughadda, Bylgja, Dúfa, Hefring, Himinglæva, Hrönn
Kólga leh Unnr-i te fapa a ni.

AFTERLIFE : FUNERAL OF HUMAN :

Viking-ho te chuan an Pasalțha te anlo thih chuan a ruang chu lawng ah an dah a, an râlthuam te pawh an dah tel bawk țhin.

Tichuan mitthi chhiahhlawh hmeichhia/ a nupui kha an tihlum tel ve bawk țhin, hei hi inhlanna anti a, an hmeichhe tihhlum hi Thrall- anti bawk.

mitthi chhiahhlawh an hlan tûr kha uain an in ruih tîr a, a bengbeh leh ngûn bun te chu vûina hmuna lo kal ve pitar an pe țhin.

Tichuan Chu Thrall- hmeichhia chu a pû ruang bulah chuan muttîr ve in an tihlum ta țhin a ni.

Heihi a chhan chu, Chhiahhlawh hmeichhe thlarau chuan a pu chu mitthi khua ah ala enkawl zél tûrah an ngaih vâng a ni.

Tichuan Pasalțha ruang leh a chhiahhlawh ruang chu Thing lawngah dah in tuipui ah an chhuah a, hla tak an thlen hnu in thal (bow) in lawng chu an kâp alh ta țhin a ni.

Hêng an Pasalțha thî te thlarau hi Pathiannu Valkryie- ten lo hruaiin Pasalțha te thlarau chawlhna Valhalla ah an hruai țhin a.

Tin, Valkryie- te zînga hotu ber chu Pathiannu Freya- a ni. Pathiannu Freya- hian Pasalțha te thlarau chu indona mual Folkvang-(Battlefield) ah hruaiin niléngin Pasalțha thlarau te chuan ramsa te pêlin an indo bawk țhin a, nilênga an indo hnu in tlailamah an hliam te chu alo dam leh vek a, Pasalțha te chawhlui kîlho na Hall, Sessrumnir- ah Pathian ropui ber Odin- te nen khawizu leh chhang te, Uain țha ber ber te an in a, tichuan mu hahdamin a tûk nilêngin a hma ang bawkin indona an nei leh zêl țhin.

Tin, Mi pangngai, chhumchhia leh tar chaklo te thlarau kalna tûr mitthi khua a awm leh bawk a.

Chu chu Helheim( Hel lalram/mitthi khaw ram) a ni.

Chu Mitthi khua Helheim chu Lui lian tak Gjoll- in a hual a. Gjoll lui kânna/ dâi kâina hi Pakhat chiah a awm a chu chu Lei (bridge) Gjallarbru- a ni.

He Gjallarbu lei ah hian mitthi khaw vêngtu sakawlh (hellhound) Garm leh hmeichhe râpthlak tak mai Madgud- an awm reng a.
Chuvangin he mitthi khua hi chhuahsan theih loh tluk a ni.

Mitthi thlarau ruh te chu Dragon Nidhogg-in a ei țhin a, mitthi thlarau te a hrem in a tihțhaih bawk țhin.

RAGNAROK :  FINAL BATTLE OF GODS & FROST GIANT :

Ragnarok hi Pathian te thihna leh khawvel tâwp hun tûr chu a ni a,

He Milian (frost giant) ho leh Pathiante indona hnuhnûng ber mual (battlefield) chu  Vidgrid- a ni a.

Frost Giant te chu Loki- an hovin, Ramsa leh sakawlh rapthlak tak tak te a hruaikhâwm bawk a, Tin, Pathian te chu Odin an a ho bawk a.

Nasa takin an inbei a, he an in beihna avang hian khawvel sik leh sâ a in thlâk danglam nasa in thlasik pawh a zâwn in vawithum ngawt a thleng inzawm zat a, chu chu Great Winter an tih, mihringte thihna nasa tak mai, 'Fimbulwinter' -  chu a ni.

Indona Pathian Tyr leh Hellhound Garm te chu nasa tak in an in bei a, mahse chak zâwk awmlovin an thi ve ve a.

Tin, Odin-a fapa Balder chu Loki an tihlum in, Heimdallr nen an in bei leh a, mahse chak zawk awmlovin Loki leh Heimdallr te hi an intihlum tawn ve ve bawk.

Thor chu a hmelma kumhlun Loki-a fapa Midgard serpent(sakawlh rûl) Jormungander nen nasa takin an in bei a, Thor- hian a thiltihtheihna tuboh Mjollnir- chuan tihlum mahse Jormungander hian a tûr a atih fuh ve avangin a thi ve ta tho a ni.

Tin Pathian ropui ber Odin pawh chu Loki-a fapa Chinghne lian Fenrir in a tihlum bawk a, Mahse Odin phubâ hi a fapa Vidar an lâ in Fenrir hi a tihlum ve leh bawk a.

Vanir Pathian Freyr chu Muspelleim a țanga rawn piang Meialh hlâwm milian Surtur chuan a ngûnhnâm meialh chuan a tihlum bawk a.

Tin, Ni Pathiannu Sol chuan a sakawr Àrvakr leh Alsvidr chuan chak tak in Nî chu vân chung zâwl ah hnûk mahse, kumkhua a ûmtu, Chinghne lian Fenrir fâ, Chinghnia Skoll chuan a dawlh ta nge nge a, tichuan khawvel pawh alo thim ta a, Sol- Ni pathian unaupa Thla Pathian Mani- pawh chu a sakawr a thlâ a hnûk lai chu Chinghnia Hati- in a dawlh ve leh ta bawk a.

Pathian ropui te leh milian ho te an thih zawh hnu chuan Meialh hlâwm milian Surtur chuan a ngûnhnâm meialh chuan khawvêl leh ván leh leihnuai zawng zawng te chu tichhia in Meialh hlâwm ah anlo chang ta a. khawvel leh vâna thil nung zawng zawng deuhthaw chu an boral ta vek a, amah pawh chu a boral tel ve a ni.

Hei hi khawvêl tâwp chu a ni ta.

AFTER RAGNAROK : THE NEW WORLD BORN :

Surtur chuan khawvel leh a chhûnga thilnung a tihhlum lai khan a thiltihtheihna ina a tihchhiat phâk loh hmun him alo awm a, chu chu Yggdrasil- thingkûng a hmun pakhat Hoddmimir Forest- a ni. chutah chuan mipa leh hmeichhia, Lif leh Lifthrasir- te chu a hmâ daih khân Odin chuan alo thukru tawh a, mihring zîngah chuan anni pahnih chiah hi an dam khawchhuak a, anni ațang hian mihring te chu anlo inthlah pung leh ta a, Sualna awmlohna hmun ah hlim takin an khawsa leh ta a ni.

Pathiante zîngah pawh khâ indona a dam khawchhuak an awm nual a,

Milian Aegir, Odin-a fapa Vidar, Thor-a fapa Magni leh Modi, Vili, Hoenir, Hermoder, Forseti leh Ullr te an dam khawchhuak a, Tin, Baldur pawh alo nung leh bawk a.

Pathiannute zîngah, Thor-a nupui Sif-i te, Frigg, Freya, Idunn, Saga, Fulla, Gefjun, Sjofn, Lofa, Var, Vor, Syn, Hlin- te an dam khawchhuak a.

Tin, Valkryie- te zîngah Eir leh Thor-a fanu Thrud- te an dam khawchhuak ve bawk a.

Tichuan Pathian damchhuak tlemte te chu inhmukhawmin an chênna tûr vân Gimle- an siam leh ta bawk a...

WHO IS SANTA CLAUS : ODIN OR ST.NICHOLAS :

(Christmas a hnai leh ta bawk a, tlêmte kan belh ange)

Tam tak chuan St.Nicholas hi Chrismas putar rawn chhuah chhan ah kan sawi maithei a, mahse thil tam tak ngaihtuah a Christmas putar nihna leh thiltihtheihna te ngaihtuah chuan in a pawmawm ta chiahlo niin alang.

An sawi dan lâr ber ațangin han sawi ila.

Greek mî Epiphanes-a leh Johanna-i te fapa ni tûrin 15 March 270 AD khan Nicholas hi alo piang a.

Asia Minor, Tuna Turkey lo ni ta,Lycia,  Patara ah alo piang a, 

325AD  ah Bishop of Myma niin, 6 December 343 AD khan a boral leh ta a, A thihni hi St.Nicholas day tiin an serh bawk țhin.

A chanchin tamtak sawitur awm mahse Kutdawh te leh naupangte, Christmas dawn in a țanpui a, thilpek te a pe țhin anih kha.

Mihring ve bawk anih avangin thilpek danglam tak te pe țhin mahse Christmas putar nena sawi zawm tur chuan a buaithlak deuh.

Tin, Santa Claus chu North Pole ah a awm a, thilpêk pêk tûr siam tur in chhiahhlawh Mitê( elf/elves) a nei bawk a.
Chuan sazuk pariat in a tawlai a hnûk țhin.
Santa Claus- tawlai hi tháwklehkhatah boruakah chak tak a tlân/ thlâwk in kâwlphê ang maiin a bo thei țhin bawk.
Tin, Meikhuchhuahna ah lûtin naupang ten a meikhuchhuah a mawza an dah ah chuan thilpêk a dahkhat țhin bawk.

Heng hi Santa Claus chanchin leh nihna kan in hlanchhâwn lâr tak chu a ni a, St. Nicholas nen hian sawizawm a har hle a ni.

Scandinavian ho  chuan Thlasik lai hian hunpui 'Yule' an hmang țhin a, chu ' Wild Hunting'/Winter Festival ah chuan Pathian Odin chu vân chung sânga a ramchhuahna ( Midnight Hunting/ ghost hunting), ah  Valkryies leh Elves, Spirit te hruaitu leh hotu ber niin thlarau lam ramchhuahna an nei țhin a.

Odin chu a sakawr ke pariat nei Slepnir chungah chuangin he an ramchhuah kal lam hian naupang tena meikhuchhuah ( chimney) a mawza chhûnga strawberry leh Carrot  te, sakawr Slepnir eitur an dah te chu a ei tîr a.

Slepnir te hian Strawberry leh Carrot hi an ei duh țhin.

He a sakawr te tâna eitur anlo dah țhin avang hian a ramchhuah hâw lamin naupangte mawza ah chuan thilpek hrang hrang a dah ta țhin a ni.

Tin, Odin hi Scandinavian ho Pathian a ni a, Hmar tâwp a awm a ni bawk.

Tin chhiahhlawh Elf a nei bawk a, Elf ho chenna Alfheim a siam bawk anih kha.

Elf ho hi thilsiam thiam tak an ni a, Thor-a tuboh thiltithei Mjollnir- pawh kha Elf ho siam hi a ni bawk a.

Tin, Santa claus nen hian Hmar tâwp a awm ve ve an ni bawk a, Santa claus hian Sazuk pariat tawlai hnûk tu ah a hmang a, Odin chuan sakawr ke pariat nei Sleipnir a nei bawk.

Tin heng Odin-a sakawr hi German ho chuan Káwlphe anga rangin vân boruak ah a tlân/ thláwk thei anlo ti țhin bawk.

Tunge Christmas Putar chu ni ta le?

Tin, ziâktu lâr tak mai, JRR. Tolkien-a lehkhabu ziah, a movie a an siam tâk, THE HOBBIT te leh LORD OF THE RING serial a dawithiam putar lâr tak Gandolf-a, dâwi sakâwr Shadowfax leh dâwi tiang danglam tak nei tu pawh kha Pathian zawng zawng te Pâ Odin tho hi a lo ni si.