POLTERGEIST (Ramhuai Bengchheng)

A ṭawng bul lamah chuan 'poltergeist' tih hi German thumal pahnih -'poltern' (ri siamchhuak) leh 'geist' (thlarau) atanga lo kal ani a, 'thlarau/ramhuai bengchheng' tihna anih ber chu.

A hming ang hi anih dan pawh ani ber a, mihring te tana awm tinuamlo leh hnawksak rawngkai vek an ni.

Tin, In vawm, kawngkhar leh bang tihrik, chhuat rah ri, mihring aw ri lo chhuak, a titu awm silova inchhung bungraw hrang hrang chesawn, mihring tihnat, sih leh ben te hi a hnathawh dan ber ani a. Thlahrang (ghost) nen hian ngaihfin awl tak mai ani bawk a. Mahse an hrang hlak ani.

Thlahrang (ghost) chetna chuan hmun eng emaw bik a huam a, mihring awmlohna hmun ah pawh a chet tur angin a che tho a, mihring kher a tum chuanglo.

Poltergeist erawh chuan mihring a bitum thin a, a chet rei zawng pawh hi a in anglo thluah mai, darkar reilote atanga thla eng emaw zat pawh a awh thei ani.
Kan hriatthiam dan tur chuan, Mizo upa te pawh hian Poltergeist hi anlo hmelhriat khawp mai a, 'Dengsur' kan ti anih kha. Ramhuai mi vawm ching kan tih thin kha ani a, sap ho hriat dan nen in ang diak diak lo mahse Poltergeist tho ani.

Khawvelah Poltergeist Case chhinchhiah hmasak ber chu kum zabi khat na lai ami daih tawh kha ani a. Khawchhak lam chu sawi loh, khawthlang lam ah pawh anlo hmelhriat nasa in record pawh anlo nei thluah ani.

Kan hriatchian nan Poltergeist Case pakhat Outbreak in Humpty Doo hi lo sawi ila.

Kum 1998 khan thla nga zet chhung chu Humpty Doo town, Darwin chhimchhak lam km 40 vela awm, Northern Territory(Australia) huamchhung chu thil thleng mak tak maiin a ti buai a. McMinns Drive Bangla luahtu chhungkaw pakhat chu a titu hmuhtheih siloh hian chemte, darthlalang keh, bur chhin leh saidawium hmangte a vawm an ni thin a. Heng a vawmna te hi an zirchian hnu pawhin kutze thla lang a awm miahlo.

Kohhran pawl hnih atangin puithiam an ruai a, mahse thil mak tak an tawng tih mai loh chu a tihreh lamah hlawhtlinna an nei chuanglo.

Inchhunga thlarau sual an beih lai hian an Bible ken laite chu engin emaw, hmuhtheih siloh hian a laksak leh daih thin a, an hmuh leh chuan a phek khawi maw lai chu alo tla nual tawh thin.

Puithiam Pakhat chu a hnung lamah a kut herhsak vak ani a, pakhat tawngtai laiin dawhkan ah .44magnum silaimu a rawn tla nawlh bawk.

Paul Copper-a, Poltergeist zirchiangtu pawh Bangla chhunga a awmlaiin pawn atangin silai mu a rawn leng lut nawlh mai a, a ke bulah a tla a. Copper-a chuan silai mu chu Dawhkan a pawhdawh ah a dah vat a, mahse a hnu deuhva a han en leh chuan silai mu chu alo bo leh hman tawh a. Rei pawh ani lo, chu silai mu vek chu pawn lam atangin a rawn lut leh a, a ke bulah bawk a rawn tla leh anih chu.

A hnu deuhva an hriat leh dan chuan, he inah hian a hma in mi pakhat kahhlum ani a, chu pa thlarau lungawilo chu a rawn che ni ngeiin an ring.

Tin, an sawi dan dang leh ah chuan, hetiang thil thlen tan hma thla hnih khan he in luahtute thian, Troy-a chu Car chesual avangin a boral a, Car a a Thinner phurh puak avanga kanghlum ani nghe nghe.

Chutianga zirchiangtu hrang hrang te pawh ina engmah an tih theih chuan siloh avang leh thil thleng pawh a reh theih chuan siloh avangin a luahtute mangang chuan he Bangla hi an chhuahsan ta nge nge a.

Mahse a hnu ah he Bangla hi thiah veka sak that leh niin thil danglam engmah a thleng zui ta lo.

Science thlirna atang chuan thu belhchian dawllo mai chauh ani. Scien huang atanga zirchiangtu te chuan poltergeist lo awm chhan chu thil hmuhsual, mihring hriatna buai leh thinlunga beiseina nasa tak hnathawh ani an ti.

Psychic investigator Guy William Lambert chuan poltergeist hi geographic thil atanga lo insiam niin angai a, lei hnuaia tui luang chakna(energy), tuifawn dan hawi, in thuthmun nghetlo(shift foundation) leh sik leh sa te hi poltergeist thlentu ber niiin a sawi.

Mahse Poltergeist chungchangah hian zirchiangtu te ngaihdan pawh a rualkhai bik chuang lo. Spiritism hmuchhuaktu Allan Kardec-chuan poltergeist hi level hniam, third order ah pawh sixth class, taksa pawh nei velo te in lanchhuah tir dan a ni a. Element kan tih, heng - tui,boruak,mei leh lei(earth) te nen hian an in kaihhnawih hnaivai hle niin a ring bawk.