WHAT IS LOVE ?

... Thufing pakhat chuan, hmangaihna hi tumah in an teh thei lova, thu leh hla thiam te pawh in an phuahchhuak thiam chuang lo alo ti tawh a, a dik hle in ka hria.

Engti kawng zawng pawh hian hmangaihna hi chu sawi in, hrilhfiah thin mah ila, sawi sual tak tak kan awm thei dawn lo ni ber in alang.

Amaherawh chu, mihring tungchho va kal chuan hmangaihna hi chu kan hria in, kan sawi nasa thei thin khawp a. Chi hrang hrangin kan hrilhfiah a, kan sawifiah chamchi a. Hmangaihna chu kanlo hre hlawm thin khawp mai.
Mahse, a awmzia kan hre lo hi a pawi ta ber zawk chu niin alang.

A eng a pawh chu lo nita tehreng pawh nisela, khawnge suangtuahna zawng zawng pawt khawm in, kawlawm hman thiam ber nen in thai rang te'ng...

Mite ang in hmangaihna tahpui tur pawh la hmu zo ve lovin, hmangaihna kawng chhuk chho te la zawh mah suh ila, he ka hringnun hian(!) inti ve khanglang te'ng...

Mipa te kan lo nih ve na karah, hmel duhzawng te kan lo nei ve ta lang in, aruk in kan lo star ve a, min duh leh duh loh pawh hre chuang lo khan, eng emaw palh vanga mit leh mit a in tawn fuh chang te khan kan lo lai ve a, kan lo sen ve awp awp thin kha ania...

Chu lo ah pawh, kan Hmel duhzawng(star) te in bul kan kal lai te khan kan han tawng ring zual sauh thin anih kha.

Dawih viau thin mah ila kan hlim veng veng a, mut hmun ah kan han ngaithuah zui a, kan han mitthla vel thul, rawlthar tan tirh lai na na na chu alo ngaihawm thei khawp mai..

Khang hun lai te khan hmangaihna hi enge tih min han zawt ta sela ' Hmangaihna chu Zahna' ti a ka chhan loh pawh in, '
 Hnar tih lenna ' tih in ka chhang hrim hrim..

Duh tawh phawt mai te'ng khi ti lam chu, kan in puan zo palh reu reu pal ang tih pawh ka hlau hlel love..

.. khai o, puan ven sawi chhing meuh in thupui lam in hrut tak tak ang hmiang..

Khitiang bak lo khi chu hmangaihna kawng ka zawh awm reng reng hi ka hriatna tha hrui te hian an ngaihtuah chhuak zo tawh lo, enge maw chu ka lo tawk pawh ani mai thei (?)

min dem bik em lovang chu, lu a kel sam ato meuh tawh hi chuan, lei taksa muhil a ka chipui te hnenah lak bova ka awm hun a thleng hnai ta alo ni a, engmah reng hi kan hre thei tawh lo va, kan hriatrengna aiin hriatreng lohna a tha tawh zawk tlat si..

Miin hmangaihna chu tahna, lungngaihna mai ani an tih chuan an sawi sual lo a, Tin, hmangaihna chu hlimna leh lawmna an ti anih pawh in thu dik an sawi ani.

Mahse hmangaihna chu a der ani lova, alem ani hek lo, hmangaihna rinawmlo i tawng anih chuan hmangaihna i tawng lo tawp tihna ani. Hmangaihna chuan rinawmna a keng tello ngai si lo.

Hmangaihna hi amak a, a ho bawk a, awmzia tamtak a nei bawk, chung zinga pakhat chu in sawi lawk teh ang.

Ka ngaihdan leh hmuh dan mai ania, sawisel mah la apawina a awm chuang law.

Hmangaihna chu, Rinna, Beiseina leh Khawngaihna' hi ani e inti dawt mai teng, lo enghelh viau su aw.

Chu chu ani, i hrethiam lo maithei a, ka thiamna zawng zawng sawmkhawm in kan hrilhfiah ang che u aw.

Hmangaihna avanga i tah a i lungngaih lai pawh in beiseina tlemte tal ila nei ve tawk tawk thin ani lo em ni (?)

i thinlung ti na tu chuan a hmangaih tak tak lo che a, i mittui ti tla tu chuan i hmangaihna aphu lo an lo ti thin maw (?)

Ngaithla teh, Hmangaihna avanga thinlung hliam, Mittui ina a far hnan aia hlu hmangaihna a awm thei ngai dawn em ni ?

I rinna zawng zawng i hloh hnu pawh in, i hmangaihin a phatsan che pawh in, beiseina nen i hnen a alo let leh hun i lo la thlir reng thin ani lo em ni (?)

I lam pan a inchhira a lo let leh chu khawngaihna thinlung chuan ilo la ngaidam a, i lo la pawm thei thin si.

Sakhmel in hmu lo vin, mual hla kar dan ah leng mah ula, miten i ngaihzawngin a kawp che, ngaihzawng dang anei ti mah se, I hmangaih lak ah i rinawm ang bawk in i tan a rinawm ve tho ang tih i ring tlat a, chu i rinna avang chuan i hmangaih nen in leng dun thei ta ani lo maw (?)

Kan hmangaih ber chu a rinawm lo a, keini aia duh dang alo nei a, chutah chuan kan rinna zawng zawng pawh alo reh ta vek a. Chutah nupa hial anlo ni ta a. Beisei theih tawhloh alo ni ta reng mai, mahse kan hmangaih em avangin alo kir tawh dawnlo tih hre reng mah ila, alo kir leh hun kan la beisei tlat anih kha.

Eng emaw vangin lo kir leh ta pawh nisela, beisei theih tawhloh beiseina thinlung chuan a diklohna leh tlinlohna zawng zawng chu khawngaihna avangin alo ngaidam leh thei tlat si.

Ni e, a rinawmlohna leh diklohna te chu tam hle mahse, i hmangaih em avangin i ring ngam leh tlat lawi si.

Ani ti raw?

i hrethiam chiah em tih chu ka hre bik lo na a, i hriatthiam hma chu lo chhiar nawn tlut tlut mai rawh.

A ziak tu ngei pawh hian ka hrethiam chiah biklo pawh ani mai thei (?)

Mahse hriatthiam a mual mual chu ka nei ve tho ania aw..

A enga pawh chu lo ni ta tehreng pawh nisela, Hmangaihna chu ' Rinna, Beiseina, Khawngaihna ' in belhbawm hi ani in ti mai teh ang... Dik tak maw