GOODBYE

Engtin nge he thinlung kehchhia hi ka tuam dam leh theih ang ?

Engtinnge ka hmangaih tel lovin hringnun ka hman zel tâk ang ni ?

Ni e, ka hmangaih, he thu hian kum tam tak chhûng ka thinlung aluah a, mitkhap kâr tin hian ka in zawt ṭhin asin..

He lei hringnun kawng kan zawh chhûng hian kan lêng dun thei ngai dawn lo tih ka ngaihtuah châng phei chuan ka thinlung hi a rûm a, a na ngawih ngawih ṭhin asin.

Ka hringnun khawvel i chhuahsan ni aṭang khân e, hlim ni rêng hi ka nei thei tawh lo asin, pawnlam te chu hlim ṭhin mah se ka thinlung erawh a rûm a, ka rilru leh ngaihtuahna te hian nang lo chu an luahkhat ngai lo asin..

I chunga ka rilru put hmang te chu sawi kher ngai lovin i mitmeng mawi tak leh thianghlim tak te khan an hmu tlang vek a ni lo em ni ?

Aw, eng hian nge maw i thinlung te chu luahkhat a, eng hian nge maw i hmangaihna te kha huatna ah chantir zo ta le ?

He khawvel ah hian nang chauh hi ini asin ka hmangaih awmchhun chu, ka duh ber chu nang ngei hi ini asin.

Mittui nen hringnun ka hmang a, nangmah ngaihtuah reng chung in zankhua ka vâr ṭhin asin.

Mahse, ka hmangaihna chu itân chuan engmah lo mai a ni a, ka mittui far te chuan i thinlung a hneh zo ta si lo.

Tunah chuan i tâna ka tih theih zawng zawng chu ka ti zo ta..

... engtikni ah emaw chuan nangmah ngaia ka ṭap ang bawk hian, min ngaiin i la ṭap ve ngei ang a..

... ka ngaih ngawih ngawih ang che bawk hian min la ngai ve ngawih ngawih ang a, min la hmangaih let ve hun ala thleng ngei ang..

... mahse chutih hunah chuan ka hmangaih lêt ve tawh lo che ang a..

... I tân ka lêt tawh lo ang...