THE POSSESSION

..
Khawchhak ram tam tak chuan ramhuai/Thlarau kan tih mai, hringnun piahlam khawvêl mite leh mihringte hi eng emaw zâwng taka inkungkaihna nei leh inbe pawp theiah an ngai a. Râu khawvêl mite biakpawh dân chi hrang hrang zîng a hriat lâr êm êm mai chu "Possession" an tih mai, Mizo- in, "kawchhünga ramhuai lût" kan tih ang chi hi ni ve pakhat in alang.

He thil hi hmasâng aṭang tawh khân khawchhak mai nilo, khawthlang ram te leh hnam hrang hrang te pawh in ziak in anlo chhinchhiah nasa tawh hle bawk.

He Case chungchâng a lâr ta ber erawh Mizo te'n a kan hriat lâr êm êm 'The Exorcist' kha a ni âwm e, Khâ movie kha atak tak a thil thleng, German tleirawl Anneliese Michel-i chanchin behchhan a siam a ni a, A case movie erawh, 'The Exorcism Of Emily Rose' - movie kha a ni thung.

Kum sâwmleh paruk lek a upa Anneliese Michel- i kha ramhuai tihbuai in a boral a ni a, mahse ramhuaiin a atih buai chhûng khan chaw leh eitûr dang a ei loh avangin a taksa khan a tuar nasa a, Police report ah chuan, Chaw leh eitur pe lo bâkah khatiang a mihring tih nawmnah avanga boral kha chu a thil pawi lian tak a ni a, Ramhuai tihbuai tih ang chi te phei chu court ah sawifiah leh finfiah theihloh tluk anih avangin a buaipui tu leh enkawl tute, Pastor thlengin Jail- an tân phah a nih kha.

Tin, Kum 1635- ah France rama puithiam te chênna hmun/ Biakin ah pawh hetiang deuh hi a thleng tawh bawk a.

Helai hmun a hmeichhe puithiam pakhat chuan puithiam tlangvâlin pâwngsual tum niâwm takin a ṭawngchhuak thut mai a. Chulai hmun a Puithiam lû ber chuan thlarau in a luhchilh tih a hria a.

Hnawhchhuah hnâ chu puithiam tlangvâl kutah a dah ta a, Chu tlangval chuan ramhuai hnawhchhuah chu tum sa teh mahse a hnawtchhuak thei lo va, a hlawhchham mai piahlam ah chumi hmun a hmeichhe puithiam ho chu ramhuaiin a luhchilh hlawm ta zawk a.

Ramhuaiin a luhchilh hnu chuan thâwklehkhatah an chêt dan leh hmel puthmang te pawh a danglam nghal vek a, An mitmeng te chu a rawn sen rêm rûm a, a hnu ah phei chuan ramhuai hnawhchhuah tuma beihpui thlâktû puithiam tlangval ngei pawh chu kawchhûnga ramhuai lût angah puh a ni a, hâlhlum a ni ve ta nghe nghe a.

Ramhuai luhchilh thil hi tunlai khawvel changkánna ina a tuamhlâwm mêk mi ṭhenkhat tân awih/pawm harsa tak a ni ngei ang, Anni chuan, "Thlarau lam thil ringtu tam zâwk chuan ngaihtuah/finfiah zui hlek lovin tlângkam leh thu phuahchâwp te chu an lo awih/ring ve mai a ni." tiin an puh bawk.

Kawchhûng a ramhuai lût anga sawi case te chu Scientist leh Psychical Researcher- te chuan sawifiah dân dang an nei ve leh a, Kan târlan tâk hmeichhe puithiam chunga thil thlen dânah pawh, "Amah zâwkin puithiam tlangvâl kha a ngaihmelh ang a, chu rilru a put tâk avânga inthiamlo chuan puithiam tlangval kha rilru diklo pû angin a puhlêt ta zâwk a ni. Hmeichhe puithiam dangte pawh ramhuai luhchilh anga an awm tâk vek chhan chu, rilru putdân in kaichhâwn thutna leh palh thilthu a thil thleng ve mai a ni a, Anni ho hi dân khirhkhân taka inkaihhruaina hnuaiah thaw ipik takin anlo awm rei tawh a, an rilru ipik lutuk a han puahkeh tâkah chuan danglam takin an che ta ṭhin a ni." tiin ngaihdân an nei daih thung.


Tin, Mak leh danglam tak pakhat chu kum 1886 a Robert Louise Stevenson-a (1850-1894) lehkhabu ziah, ' Dr.Jekyll & Mr.Hyde- kha a ni.

Khami lehkhabu ah khan Dr.Jekyll- an tih, pa challang leh ngilnei êm êm mai chu damdawi danglam deuh mai a ei avângin a zia a inthlâk ta hlawk a, pa nunrawng leh pawisak neilo mihring ah alo chhuah thu târlan a nih kha.

Chumi awmzia leh pakhat bâk ah khami lehkhabu innghahna pakhat ni a lang chu, Mihring ah hian zepui chi hnih, ṭhatna leh sualna te an awm a, ze sual a rawn chhuah ṭhatna a tawmim a, ze ṭha a chhuahin ze sual a tawmim ve thung tih hi a ni mai âwm e.

Mihring rilru a ngaihtuahna ṭha leh Chhia chu pawhṭhen ruallohvin an khawsa dûn tlat tih hmasâng thufing leh sakhaw lam thuziak hrang hrangah te hmuhtheihin a awm. Mihring rilru puthmang zir/chîk chiang bîkte leh mi chi hrang hrang bula khawsa tam te chuan mihring rilru mak leh dang daih zia chu eng emaw chen an hriat chian ngei a rinawm.

Chu chu thudik lo ni dâwn ta se chuan a entîrna angreng deuh a thil thleng, a tak tak, ṭanhmun tûr a lo awm ve zêl bawk a.

France rama doctor lâr ve tak pakhat chuan zirchianna a nei a, Tleirawl tê pakhat, ze zâwi leh ngawichawi tak chu vawikhat chu nikhawhrelovin a awm thut a, A rawn harhchhuah leh chuan a nunphung zawng zawng a inthlâk danglam vek a, tleirawl harhvâng tak leh hlim thei tak a lo ni ta thut a, Mahse ni rei vaklo hnû ah nikhawhrelovin a awm leh a, a rawn harhchhuah leh meuh chuan a nunhlui ah bawk chuan a kîr leh ta a ni. Chutiang chuab reilotêah a nun a inthlâk danglam sek ṭhin a, Vawikhat chu nun hlimawm tak a hman mêk laiin ngaihzâwng a nei a, a ngaihzâwng nên chesual palh in a rai ta hlauh mai a. Thla eng emaw zãt hnûah nikhawhrelovin a awm leh thut a, a rawn harh chhuah leh chuan a nunhlui ngui tak leh ze zâwi ah bawk chuan a kîr leh a. Chuta nunhlui hmang tûra a han harhchhuah chiah chuan raipuar pung chunga a lo awm ta mai chu mak a tiin a ngaihna a hre lo hlê a. Mahse, vanneihthlâk takin reilo tê ah nikhawhrelovin a awm leh a, a nunhlimawm zâwkah chuan a khawsa leh ta a. Kum a inher liam zêl hnuah erawh chuan nun inthlâk danglamna chu a reh tial tial a, a tâwp ah phei chuan a reh ta hial a, a nun pumpui chu nun hlimawm takin a hmang ta a ni.

Chutiang chuan mi pakhatah rilru phîr/ze hnih a neih theih a, Tin, mihring rilru leh mizia hi vawilwhkhatah a inthlâk thut thei bawk a, chutia inthlâk danglam ta thut chu Possession( kawchhûnga ramhuai lût) anga ngaih mai a awl hle bawk. Tam tak chuan kawchhûnga ramhuai lût an ti ve bawk a, Tin Mihring rilru ropui tak mai leh danglam tak mai hi sawifiah a, chhuifiah zawh har tak a ni ve bawk a, Hemi kan sawi lai mêk te pawh hi 'Reincarnation'( piannawn lehna) an tih nen pawh hian sawizawm mai theih a nihna lai a awm thei bawk a, mahse hun danga sawi atân Reincarnation lam hi chu dah rih phawt ila.


Engpawh nise Kawchhûnga ramhuai lût hi chu mizo te pawh hian kan lo nei ve tho a, 'Khawhring pâi' kan tih te, 'tulum lût' kan tih te nen pawh hian huang khat ami an ni tho mai.

Mihring rilru buaina leh kawchhûnga ramhuai lût hi hriattham har leh sawifiah har tak ni mahsela, Christian te chuan a ṭhenfel dân tûr leh hriat dân tur Bible- ah ziak in kan lo nei hi thil lâwmawm leh ropui tak a ni.