GRECO-PERSIAN WAR | Battle Of Thermopylae

SAWIHAWNNA :

A bulṭhûm aṭangin he Greco-Persian War hi sawi han tum ila, a chek hnawk a tam in lo ti anih pawh in hriatzâu nan tal hman tlân kan tum dawn nia..

He Pêrsian leh leh Greek ho indona hi Bible ah pawh sawilan a ni a, vawi tam tak an in bei a, chûng an in beihna zîng a Sparta Lal huaisen Leonidas-1 leh a ho te'n a Persia an beih thu bîk hi hemi ah hian kan sawilan tûr ber chu a ni a, a bâk an indona dang te pawh zep tel zêl tur ah ngai ila...



THE FOUR BEAST OF DANIEL :


.Pathian ina Israel fâ te hnena zâwm tûr a a tih, Kum ruk chhûng Lo ah thlai in chîng ang a, a kum sarihna ah erawh chuan engmah in chîng tûr a ni lo, a kum sarihna ah chuan ram chu a âwl tûr a ni a tih chu an bawhchhiat avângin Pathian chuan Israel fa te chungah chuan phubâ a la a. A kum sarih kum a ram an âwl tîr loh avângin Israel ram chu tuma awmlohna tûrin a âwltîr ve ta thung a, Sal ah Kum sawmsarih tân tír in Israel ram chu tuma luahloh in a âwl tîr ve ta thung a. Chu chu Babylon Sakawlh hmasa ber hnena Sal a an tân nachhan kha a ni.

Sakawlh hmasa ber Babylon Lal Nebuchadnezzar chuan 587BC ah sal ah a hruai ta vek a nih kha.

Tichuan Sal a an awmlaiin in Daniela'n inlârna, Khawvel lal ram ropui pali te a hmu anih kha. (DANIELA 7)

Sakawlh hmasa ber Babylon chuan khawvêl awp in, 605 - 562BC chhûng ro an rêl a.

Nebuchadnezzar-a tupa Belsazzara- hunlaiin Babylon chu Medo Lal Astyanax leh Persia Lal Cyrus-2 sawrkâr ṭangkawp in an rawn hneh a. He indona hi Battle Of Opis ti a hriat a ni, tichuan 539BC khan Babylon lalram chu a lo tluchhe ta a ni.

Mizoṭawng Bible ah hian Nebuchadnezzar-a hi Belsazzar-a pa(father) anga sawi a ni a, mahse hei hi lehlin dik tâwkloh vâng a ni, Ancestor- ti a dah chu, pâ(father) ti a anlo lehlin palh vâng a ni.

Mahse Medo- Lal Cyaxares-a fapa Astyages-a chu Persia Lal Cyrus-2 na in 550BC khan a lal ṭhutthleng laksak in Persian lalram a din chhunzawm ta a. (Cyrus- hi Daniela 10:1, a Persia Lal Kura kha a ni. CR)


Chu Persian Lalram chu Greek hovin rawn hneh leh in, heta Greek ho nen a an in beihna hi Greco-Persian War ropui leh ngaihnawm tak mai chu a ni. (DANIELA 8)

Chumi hnu chuan Rom Lalram in Greek lalram chu an rawn hnehchhuh ve leh ta a nih kha..


Persian Lal Cyrus- 2 na ina a thawhpui Medo Lal Astyages- a lalṭhutthlêng a luahsak hnu chuan a lalram zauh zêl a tum a, tichuan Cental Asia leh Southwest Asia ram zawng zawng tr chu reilo te an a thuhnuai ah dah in Greece lalram Ionia pawh a la a, a awpbet zui ta nghal a. Hei Sakawlh pahnihna, Persia ina Khawvel a awpbeh lai kha a ni a, Greece khua Ionia chu 548BC ah a la a nih kha. Mahse a Ionia a lâk hian a duhtâwk mai a, Greece ram dang erawh a bei zui tawhlo.

A boral hnû in a fapa Cambyses-2, chuan a rawn thlâk a, mahse kum sarih chauh a lal hman tih in a unaupa Bardiya- in a rawn thlâk a, mahse ani pawh hi a lal rei lo, Kum sarih chauh ro arêl hman tih in Darius-1 an a rawn thlâk veleh ta a. Darius-1 hi Darius the Great- ti a khawvelin a hriat kha a ni. (Lal Darius- hi Sakeibaknei pûk a Daniela paih lût tu Lal Daria- kha a ni. Daniela 6. CR)


THE FIRST PERSIAN WAR : BATTLE OF MARATHON :

522BC aṭangin Darius-1 chuan Persian Lalram ah ro a rawn rêl ve ta thung a. Darius-a hian a vawikhatna atan Greek lalram chu a rawn rûn a. He indona hi 499BC ah niin, Siege Of Naxos an tih kha a ni a, hemi ṭum ah hian Greek Naxian- an chak zâwk a. Hemi kum tho hian Persian chuan Ionia hel chu a tudai leh a.

Chumi hnu 494BC ah Dionysius of Phocaean- hovin, Lade ah, Miletus- bul ah an indo leh a he indona hi Battle Of Lade- kha a ni a, hemi ṭum hian Persian hovin hnehna an chang a ni.

.Chumi hnu chuan Persian Lal Darius- chuan Agean Sea ah a indo lawng tawlh in a General Datis leh Artapheres- kaihhruaina in Marathon khua beih an tum a, hetih lai hian Marathon khua a ami Pheidippiddes-a chu zualko in Athens-ah a va kal a, Marathon leh Athens khua inkâr hi 40km lai a ni a, nilêngin kê a tlân in Athens a va thleng a ni, 40km ke ngât in a tlân a, Chumi hnu ah Athens- aṭangin Sparta ah ava tlân leh a, Mahse Sparta-hian chhuanlam siam in indona ah chuan an Athens sipai te an ṭanpui lova.
Hei hi tunlai a Marathon Race lo chhuahna bul hi a ni.

He Battle of Marathon ah hian Athens General Miltiades-a hovin Persian ho chu anlo do va, Persian indo lawng leh sipai te hi lo dang kîr in Athens hian hnehna an chang a ni.

Persian Lal Darius-hian a sipai te dinthar leh in Greece hi do nawn leh a tum a, mahse a ram awpbeh zau tak vângin leh Egypt- ho beih a duh avângin a ṭhulh leh ta a ni.



LEONIDAS : SON OF LION :

Leonidas-hi Sparta Lal Anaxandrides-2 na ina a nupui hmasa laka a fa a ni a, A nupui chu a unaupa Cleonenes-1 fanu Gorgo- a ni, fapa Pleistarchus- an nei bawk.

Tin, Leonidas hi Pathian ropui Zeus- leh Alcmene-i te fapa Mi chak Hercules- a thlah chhuan sawmhnihna a ni a, Hercules leh Claydon Lal fanu Deianira-i te fapa Hyllos-a thlah kal zêl aṭanga lo piang a ni.

Tin, Leonidas hian nu hrang lak ah unau, Cleomenes I, Dorieus leh Cleombrotus- te a nei bawk, Sparta ah hian kum kua, 489-480BC chhûng ro a rêl a ni.


BATTLE OF THERMOPYLAE :

Battle Of Thermopylae- hi Persian leh Greek- indo vawihnihna a ni a, Battle of Marathon, indo vawikhatna a Persian Lal Darius- kha a boral avângin a aiah a fapa Xerxes- chu Lal alo ni ve thung a.

(Persian Lal Xerxes-a hi Ahasuera- ti a kan hriat leh Estheri- pasal kha a ni. CR)

Tin, Xerxes-a hian a nupui pakhat Amestris- i lakah fapa Artaxerxes-1 a nei bawk a, a ni hian apa aiawh in Persian ah ro arel chhunzawm a ni. (Artaxerxes-1, hi Israel fa te Sal aṭanga chhuahtu kha a ni a, Tin, Nehemia- ina Jerusalem kulh sak ṭhat a dil kha a ni. Nehemia 2:1-8. )

A pa Lal Darius- lak a hel te chu Xerxes- hian Lal alo nih hnu in a hmet mit a, Tichuan a pa lo ruahman ang leh a pa phuba la tûrin Greek- ram chu rûn nawn leh tûrin a in puahchah a.

Persian sipai ten a Hellespont- an rawn thlen chuan Greek ram Lal hrang hrang te chuan hmalâk dân tûr rêl in Corinth- khua ah inhmuhkhawmna an nei mêk a.

Chumi lai chuan Persian sipai ten Greece hmar lam Hellespont- vaukam kawtchhuah Thermopylae phairuam lam chu an rawn pan ta mup mup mai a.

Chulai phairuam an rawn kal pelh hman hlauh chuan Greek ho tan lo dan ngaihna a awm tawhloh avângin Sparta Lal Leonidas chuan hmanhmawh takin a sipai te khâwm in lo dan tum chuan an thawkchhuak ta a.

Leonidas-a te chuan Mount Athos chuan hnuai, Thermopylae- rawn zawhna lai tur a kawng awmchhun leh hmun rem takah chuan riahbûk an sa a.

Tin, Hmanhmawh taka chhuak an nih avang in Greek- ram dang sipai te hi anla rawn thleng ve lo a, General Demophilus-a kaihhruaiin Thespian khaw sipai za sarih(700) an rawn thlen belh a, Tin, Thebes sipai zalî(400)- in an rawn fin leh bawk a, hetih lai hian Sparta sipai te zathum (300) lek an ni a. Tichuan râlvênna hrang hrang siam in an in semdarh a.


Leonidas- ten a hmârlam pumpelh kawng an dan tlat aváng chuan Persian Lal chuan thal kâp mi te leh a sal sipai tam tak te nen chuan a ni khat ni chuan an rawn bei chiam a, mahse Greek- ho te erawh chu an luhchhuak thei chuanglo.

Leonidas- te hian Ni Sarih lai Persian sipai te hi anlo dang a, hemi chhûng hian vawithum an indo a, mahse Persian sipai nuai têl te chu Greece sipai tlêmte lakah chuan an chak thei reng reng lo mai a.

Chumi hnû, a ni hnihna hnu ah chuan Trachis mî, Ephialtes-a chuan Greek ho chu phatsan in, Persian ho chu tlâng kâr a kawng rûk a hrilh a.

Persian Lal Xerxes-a hnenah chuan, "Thermopylae- bul Mount Athos- hi kal hual ula, la, tichuan Greek sipai te chu hnunglam aṭangin in bei thei ang a, inkârcheh anga tichuan in hneh thei ang," a ti a.


Tichuan Lal Xerxes- chuan a sipai ṭha bîk ' Immortal' ti a avuah te chu Greek ho hual tûr chuan a tîr ta a, hnunglam atangin Spartan ho chu an hual bet ta a, Sparta pui tûr a lo kal Greek khaw dangte pawh chuan inremsiamna in a rûkin an inthiar fihlim san bawk a.

Spartan sipai zathum rual chiah chu Persian sipai nuaih têl êngemaw zat a tam lo bei tur chuan an awm ta.

Mahse Greek mi huaisen hnam leh Sparta pasalṭhâ an ni tlat a, an zâm lo kher mai.

Persian Lal Xerxes- chuan vawi tam tak inpe mai tûrin a thlem a, Leonidas-a phei chu Greece ram pumpui a lalber a siam atân a thlêm a, mahse Leonidas chuan, "Spartans ho hian indona mual hi anmahni phaw keng chung ngei a an chhuahsan anih loh chuan an phaw a anmahni zâwn chhuah a ni mai," tiin alo chhâng zêl a.

Chumi awmzia chu "Kan ṭang ral ṭhak dâwn" a tihna ang a ni mai.

Hetih hun lai hian indona a thî te ruang hi an phâw hian an zâwn mai ṭhin reng a ni.

Persian sipai rual sing chuang fe hian Spartans pasalṭha 300 lek chu an ngûnhnâm leh fei an hman thiam zia an hrechianga, chuvangin an inbeih lai pawh hian hlauhna nen ngam leh ngamlo in an bei an ti hial a ni.

Tichuan hetih hunlai a an indo dân kalphung, inpawmchilh anih chuan inpawmchilh, in râl sai anih chuan in râl sai tih dân chu bawhchhia in, Spartans ho hnunglam leh hmalam aṭang chuan an thal kâp mi rual chuan an thal ngûl sei chi, a kâp hla thei chi chuan an han kah rawn ta tak tak mai anih chu.

Spartans pasalṭha huaisen ho tân tihngaihna a awm ta lo. Chumi hnu chuan Persian sipai ṭha, ' immortal ' sîng khat rual te chuan an bei zui leh ta a.

An ram an hmangaih êm êm, an nupui fanau te kalsan a Persian ho awpbehna hnuaia a tlûk loh nan a theihtawp an lo chhuah na Greece tan chuan chumi ni chuan Leonidas-a leh a paslṭha huaisen 300 te chuan an nunna an lo hlân ta a.

Leonidas- thi tawh lû chu Persian ho chuan an tan a, a taksa erawh cross- ah an khêngbet a.

Kum sawmli hnû ah a ruang, a ruhro chu Greece ah an hâwn leh a, ropui tak in an vûiliam leh a ni.



BATTLE OF SALAMIS : NAVAL BATTLE :

Thermopylae- ruam a Sparta an tlâwm hnu chuan Persian ho chuan an rawn bei chhunzawm zêl a.

Chumi avâng chuan Greek ram hrang hrang a Lal ho te chu Corinth- khua ah an in hmukhâwm leh a.

Tichuan Leonidas-a phuba chu la tûrin Persian ho do tûr chuan Greek ram zawng zawng chu an in zawmkhâwm ta a.

He ta an indona hi Salamis tuipui ah a ni a, Tuipui chu a indona ropui tak a ni.( He indona hi a movie chuan, Sparta :Rise Of Empire kha a ni. CR)

480BC ah he Battle Of Salamis hi an nei a, Hetah hian Greek mî, Halicarnassus Lalnu Artemisia(Artemis/Diana) chuan Persian Lal Xerxes- hi a pui a ni.

Artemisia-i hi Greek mi a ni nâ in, Persian Lal Xerxes- hnuaia Lal nihna nei tu a ni a, Indo thiam tak mai a nih avângin leh a huaisen êm avângin mipa tam tak aiin a ṭha zâwk.

Greek ho hi Athens General Themistocles leh Sparta General Eurybiades-a ten an ho va.

Mahse he tuipui indona ah hian Greek ho in hnehna an chang a ni.

Chumi hnû lawk 479BC ah Plataea- hmunah an indo leh a.
He Battle of Plataea-ah hian Leonidas-a unaupa Cleombrotus-a fapa Pausanias-a chuan Greek sipai a kâihruai a, Persian Sipai General huaisen tak mai Mardonius- pawh an tihlum hial a nih kha.

Chumi hnu lawk 466 BC ah tuipui chunga indona, Eurymedon river ah an indo leh a, chutah pawh chuan Greek ho chu an chak leh a.

Tin, an indopui hnuhnûng ber a ngaihtheih chu 450BC a Cyprus a indona kha a ni, chuta ṭang chuan Greek - ho in Aegean Island leh Aegean Sea- ah ro an rel ta a, an ram chu an lakîr leh ta a.

Tichuan Greek ram te chu an ṭangrual chho ta zêl a, indona apiangah Greece- rampum ang a intêlkhâwm in a dingchang zâwk an ni chho ta zel a.

Persian Lal Xerxes-a boral hnû aṭang phei chuan Greek ho in an va rûn lêt zâwk ta hial a.

Chutiang chuan Persian Lalram chu a chaklo telh telh a, Greece erawh chu an in têlkhâwm avângin anlo chak ta deuh deuh a.

330AD aṭanga Macedonia Lal Phillip-2 na fapa Alexander- ina Lal nihna a rawn chan tâk ah phei chuan Persian Lalram leh a awp ram zawng zawng te chu a rawn hneh lêt ta vek a, Greece Lalram alo ding chang ta anih kha.

Alexander-a boral hnû in a lalram te chu a General ten insem in an chaklo ta deuh deuh a, a tâwp ah Greece Lal Adriscus chu Pydna, a Roman ho nen an indona ah a tlâwm a.

Battle Of Pydna, 148BC ah hian Greece, Macedonia Lal Adriscus hi Roman Emperor Quintus Caecilius Metellus Macedonicus- an hneh in, Greece Lalram pawh chu a alo tâwp ve ta a, Roman Empire- alo indin ṭan ve leh ta a ni. ..