THE CASEBOOK OF CHESTER BURNLEY : MR.CHESTER BURNLEY (Notebook 1)

.

..Kum 2003 kum khan ka Doctor hna zir chu School of Medicine, University of Liverpool- ah ka zo va. Ka zir chhuah kum chuan vannei asiamin The Royal Liverpool and Broadgreen University Hospitals- ah a nghet lovin ka thawk zui ta nghal a.
Mahse ka thawh atanga kumkhat na ah Motor Accident hnaihchilh tak in vawihnih lai mai ka tawk a, ka taksa pawnlam ah na ka neilo na chungin alanglo lamah alo thawk na zek aniang chu, alo rei deuh hnu phei chuan ka pum lam ka sawisel ta deuh reng mai a.
Zaipui vawi thum lai kum hnih chhunga ka tawh bawk avang chuan ka hna chu ka chawlhsan phah ta hial reng a. Chhung leh khat nei hek lovi, in ren tak a ka pawisa khawl sa hmang chuan eng emaw ti chhung chu North Watford-ah Apartment tereuhte hi ka luah hawh a. Engmah ti mang hleilovin ka tei mai mai a, a chang changin inlam a kal chilh chi in damlo ka enkawl zauh zauh bawk a, mahse chu pawh chu a khat khawp mai.
Kum khat lai chutianga ka khawsak hnu phei chuan ka pawisa khawl ve chhun pawh chu ka hmang zo ti tih ta der mai a.
Chuvang chuan ka pindan luahlai chu chhuahsan a, khawilai hmun tlawm deuh emaw hrehawm deuh zawk a khawsakna tur pawh nisela, in sawn chhuah angai tih pawh ka hre chiang viau mai.
Chutianga ka awmna insawn ka tum vel lai tak, ka awmna in kawt a ka in ngaihtuah buai lai vel chuan ka darah hian mi pakhat hian mi rawn khawih a, ka han lehhawi a ka han en chuan tlangval la naupang tak, Wilson-a, tunhma a ka damdawiin thawh thin laia kan engilo khawih fel tur a chhiahhlawh ang deuh va ka hnuaia thawk thin kha ani tih ka hre ta a.
Ka pindan ah chaw chhun eipui ah sawmin kan in zui chho ta nghal a. Chutianga chaw kan ei lai mek chuan, " Mr.Caldwell. Heng laiah te hian enge itih ve tak? I hmel te chu a va vangin i va han cher ta em em ve?" a ti a.
A sawi dan hmangah chuan ani pawh chu a thawhna hmasa atang chuan bangin Private Hospital te reuhte ah hian tirhkah ah alo tang mek ani awm e. Kei chuan ka khawsak dan leh awmdan vel te chu tawi angreng tak hian ka han hrilhfiah zung zung a, chutah, "
Tichuan hmun nuam ve deuh, man tlawm bawk si luah tur a awm dah law maw tiin ka ngaihtuah vel mek ani." ka han ti a.
Ani chuan," A va han mak ngai em.. Tuna i sawi ang chiah khan tuna ka thawhna damdawiin a thawk ve damdawi lam enchhinna lam khawih thin pakhat in nimin khan asawi asin. Hmun tlawm deuh luah tur chu a hria a, mahse mahni a luah atan chuan to ati deuh ani ang." a ti a. Kei chuan," A va han tihzia em, a duh mi tak ka ni ngei ang, mahni a awm ai chuan thian neih chu ka duh daih zawk alawm." tiin ka lo chhang vat a.
" Ni e, mahni a awm hi chu eng emaw chenah buaithlak hun a awm thin. Mahse Mr.Chester Burnley-hi chu ngaihdan mak tak mai nei hi ania, in awmdun thei ange maw, a chang hi chuan a rilru a buai emaw ni tih chang ka nei thin, mahse a thluak aia fim nei hi mihring tumah an awm ka ring bawk silo a." tiin an sawi chhunzawm leh a.
Kei chuan, " A tha e, chupa ngei chu ani ka inluahpui duh chu." ka lo ti a. Ani chuan, " a tihzia nasa anih chu, chuti anih chuan naktuk tukthuan eikham ah amah chu kan va hmu dawn nia, ani pawh alawm khawp ang." tiin min chhang a.
A damdawiin thawhna hmun hming te leh kawngte min hrilh hnu chuan min chhuahsan zui ta nghal a.
Rilru hah taka ka awm laia chutiang thu lawmawm tak ka hria chu keipawh ka hlim khawp mai. A sawi dan hmang ah khan ka inluah tawm pui tu tur chu pa ze zawi tak leh a hna atchilh bur mai chi anih kan ring thla ve tawp a. Chuvang chuan ani, kei zaipui tawk tawh leh hmun reh ngaina hian Mr.Chester Burnley chu inluahpui ka chak na chhan ber chu.
Chumi ni tlailam dar ruk bawr vel chuan damlo enkawl ngai pahnih ka hmu hlauh mai lehnghal a, kei tlangval sum lama pachhe ve tak tak chuan Pathian malsawmna hi ani ringawt mai. Ka thenawm hnai lawk a awm anla ni hlauh lehnghal a.

....................................................................................................................

A tukzing chuan hma takah tukthuan eiin zinglam dar sarih leh minute sawmli panga a rik meuh chuan chhuah mai in peihin ka inchei fel thlarh tawh mai.
A hma ni a ka nau hlui Wilson-a min hrilh angin a damdawiin thawhna chu rei lutuk lovah ka va zawngchhuak ve mai a. An damdawiin chu alian em emlo na in a felfai a, a hmunhma hrim hrim pawh chu a rem in damlo tan pawh a nuam khawp ang.
Recepsonist dawhkan hma a ding a, Wilson-a hming ka han sawi chuan minlo kohsak ve nghal mai a. Tichuan ani nen chuan kan thianpa thar hmu tur chuan chhawng sang lamah kan chho dun ta a.
Pindan kawngkhar kan han hawn chuan eng rim rim emaw ni hi alo nam huam huam a. Kawngkhar chhung sir lam Chhuar te a lehkhabu te chu chhuat laiah hian alo tla darh nuaih mai bawk a.
Dawhkan hrang hrang ah chuan darthlalang pipe leh bur chi hrang hrang hi alo inzam nuaih mai bawk a.
Chu pindan ang renga hnawk leh buai chu ka pian ahnu lamah ka hmuh awm pawh ka la hre lo.
Chutah ka kalpui Wilson-a chuan helamah tih pah in pindan kil lam chu min pan pui leh a.
Thing dawhkan rualrem lo zet mai hma ah hian pindan neitupa chu alo awm a. Darthlalang bur tung sei it et ah hian eng bawlhlo emaw ni hi alo chhung khawm mek a, a changin a hma dawnkan a lehkhabu hlui tak maiah chuan thil a ziak leh zauh zauh thin a.
Ka kalpui pa ina an koh takah chuan rawn hawichhuak in tawi fahran hian arawn nui suk a.
Wilson-a chuan, " Mr,Burnley, hei hi ania, nimin a ka sawi, inluah tawmpui duh ka tih Mr.Thomas.L. Caldwell- chu." tiin min han in hmelhriat tir a.
Ani chuan min rawn pan a, chibai buk nan a akut rawn lekchhuah pah chuan, " ka lawm lutuk e, Chester Burnley ka ni e." a ti a.
Chutah kut ka lak leh rual chuan, " I pum lam sawiselna deuh inei ani maw, pum tha lo neih hi chu a hrehawm ngawt asin, Doctor, in enkawl that i mamawh hle mai." a rawn ti zui lehnghal a.
Wilson-a kan melh chuan ani chuan mit min rawn siai suk a. "A remchang lai laiah khan lo thu tawp mai rawh u, ka thiltih lai hi ka zo tep a, minlo nghak lawk rawh u." tiin a thiltih lai chu a chhunzawm leh nghal daih a.
Rei vaklo ah chuan Darthlalang bur ho chu rem tha in dawhkana a lehkhabu dah lai pawh chu a khup thawk a.
" Ka zo ta e, i kal ang u hmiang," tih leh min kalpelh arual a, pindan kawngkhar chhunglam a kawrchung inkhai chu pawtthla in a ha zui nghal a.
Kawtthler a thui vaklo kan kal hnu chuan ani chuan Taxi phar in a in luahtur hriatna Brookdene Avenue lamah chuan chak fahran hian kan tlan liam nghal a.
A pindan luahhawh theih sawi chu zau tak anilo na in kan pahnih lek chuan kan thawl khawp in ka ring.
A hmunhma arem in kawtthler chhuahlam hawia awm hi ani a, zing nichhuak pawh kan hmu hma kher ang chu. Thutkhawmna pindan tukverh atang chuan chiang tak mai hian Brookdene Avenue chu alang uarh mai bawk a.
" I duhthusam loh lai te a awm em?" tiin Mr.Burnley chuan min han zawt a. " a tha lutuk alawm, duhthusam aiin a tha zawk anih hi." ti a ka chhan rual deuh thaw chuan. " a lawmawm e, anih chuan tlai lamah kan in sawn lut nghal mai dawn nia." tiin min han chhang a.
Chutia inchhunga kan awm mek lai chuan nu sa tha lampang, sang fahranlo hi arawn lut ve a,
Mr.Burnley chuan kei mi melh pah chuan, " Mrs.Hannah, hei hi ania ka luahtawm pui tur chu, Mr..." atih lai chuan kei chuan,
" Thomas.L.Caldwell," ka lo ti vat a. Ani chuan," Ni e, Dr.Calwell anih hi, Mr.Caldwell, hei hi hemi in neitu nu chu," tiin alo sawi zawm leh a.
Chu nu te reuh chu a tawng duh in mihlim thei tak ani ang, eng eng emaw sawia kan phul hluai hnu pawh chuan ama pindan lamah lengtur in min sawm zui a, Coffee te min in pui leh ta nghal.
.........................................................................................
Chumi ni nileng chuan ka pindan chhuahsan turah chuan awm thawvengin ka mu mai mai a.
Kei tlangval upa lam tawh chuan bungrua ilo chhawm tur ka neih tam fahran loh avangin ka phili em em hranlo. Tlai lamah chuan ka in tel sawk sawk a, ka in pu chhuak ve ta tawk a.

Zin ip te pahnih leh ka lehkha pawimawh ve ho bakah damdawi lam thil dahna thingrem te pahnih chu ani deuh mai a.
Ka theih ang tawk a ka inrem fel hnu lawk chuan Mr.Burnley pawh chu zin ipte lianpui pu chung hian a rawn thleng ve bawk a.
Tlangval theuh theuh ah pawh bungrua kan in neih tam hleih khawp mai. Kawngka a rawn luh pah chuan tawi fahran hian min rawn nuih suk a. Biak erawh kan in be lo.
A thil put lai chu chhuat laia nghat dawt in pawnlamah a chhuak lehnghal a. Reilo te ah a hma aia lian zawk ip rawn pu lut leh in tlangval chak hmel fahran mai pahnih hian an rawn kenluh pui bawk a.
A theih ang ang kan tih fel zawh meuh chuan khua a thim daih tawh mai. Thlan tla phung chung a thutkhawmna pindan a kan thu fel hman chauh tih chuan kan in luah neitu nu Mrs.Hannah-i chu rawn lut in, a pindan lam ah zanriah kil turin min rawn sawm a. Kan inti fai sawk sawk a, zanriah tuihnai tak mai chu kan han ei ta a.
Tlai lama ka hah deuh vang emaw ni zanlamah chuan ngau kahthlak ang der ka ni mai. Vawikhat mah ka thangharh lo nia,
Zing ka thawh ve meuh chuan inchei fel sa thlap hian Mr.Burnley chu thutkhawmna pindanah hian alo thu a, a bulah chuan pa pakhat, mitmu lian fahran mai leh inchei phelhphung hi alo thu ve a, eng emaw thutak deuh mai a sawi hian anlo phun deuh ser ser a.
Ka tho chhuak min hmuh chuan rawn hawi chuanglo hian, "Coffee pawh ka chhuanso tawh kha," a rawn ti a.
Keipawh chu engdang tilo chuan Coffee thli in, no nen a bulah lamah chuan ka va thu phei ve nghal a.
Ka thu fel chiah tih chuan chu zingkar inleng pa chu a tho nghal vut a, Mr,Burnley- en chung hian, " anih phawt le, min tanpuina avangin ka lawm lutuk e," ati a, a chhuak zui nghal ta daih a.
" I va tho hma awm ve," kan tih chuan. "Dan pangngai alwm, vawihnih ka chhuak tawh mawle," tiin min chhang ve mai a.
Kawngka lam melh zauh pah chuan, " min dawr tu alawm mawle, eng emaw harsatna anei deuh hlek a, ka lo chinfel sak anih kha, " a ti a.
Kei chuan, "Eng harsatna maw..?" ka lo ti a.
" Englo ania, ka hna ve ber ani ang chu, mi harsatna leh buaina eng ilo hi ka lo chhui sak a, ka tihfel sak thin. An nin an harsatna te min hrilh a, keiin lo chinfel sakin ka lawmman tur ka lo hlawhchhuak ve thin a." tiin min chhang deuh duah a.
Hriatthiam loh hmel tak hian," Harsatna itia law? Hnuchhui lam itihna nge?" tiin ka lo zawt a.
Ani chuan buk zauh pah hian,"Ni mai ang chu, chinfel harsa tak tak chu awm mahse ka la hlawhchham em em lo chu ania." tiin min chhang a.
" Hna ropui tak anih chu." ka lo ti deuh hluai a.
" Ka nuam tihzawng ani ve a, ka tuina ber hna ka thawk thei hi ka lawm ngawt asin, nang pawh Doctor hna hi itui na ber ani ang chu maw?"
" Ni tho mai, ka pa ina lung thalo avanga min boralsan atang khan nih ka tum tan ani deuh ber mai." tiin ka chhang a, ani chuan zawi sap hian, " i naupan laiin ani maw ipa chuan a boralsan che u a?" tiin min han zawt a. Kei chuan, " Ni chiang e, engtin nge chung te ilo hriat theih zawk a." tiin ka chhang a.
" Englo ania, i sana bunlai kha i pa ta i chhawm anih ngei ka ring, i tuar na awm hle mai." tiin asawi kual daih a.
Chutia asawi lai chuan ka pa sana min hnutchhiah ka bun lai ngei mai chu kan en a,
" Ni chiang e, ka pa hriatrengna ka kawl chhun anih hi, engtia chutiang te..."
Ani chuan," Tun hun kan hmanlai ngaihtuah in nang Doctor ve meuh si, chulovah tlangval ngat lehnghal ina tunhma kum sawmhnih vel liamta a sana hlui lehnghal ibun tlat dan ah hian maw le." tiin min chhang a,
Mak ti tak a ka sana ka en deuh hu lai chuan, " Khatiang sana kha tunah chuan a chhuak tawh tlatlo alawm." tiin an sawi zawm leh a.
" Chu pawh lo ni ta se ka la hrethiam chuanglo. Engtin nge ka pa ta ani tih i hriattheih." tiin ka hma a thu chu makti deuh hian ka en reng a.
Ani chuan," Thil ho te maw le, Caldwell, i nu sana anih ka rinlohna chhan chu, khatiang kha chu hmeichhe bun atan chuan amawi fahranlo em a, bakah mipa sana an tih ang chi hi ani tlat alawm." tiin min chhang zui leh a.

" Leh lawi si a, i sawi tirh kha chuan ramhuai hmuh in ka hmu hman che alawm le." tiin nui chung hian ka lo chhang a.
Ani chuan," Kha reng kha alawm, thil ho te te kan hmuh reng reng thin hian kan thil chhuina kawngah te nasa takin min pui thin reng ani. Mahse a nachang kan hriat loh avanga buaina nasa zawk leh kawng diklo zawk zawh hi kan tam daih zawk mai." a ti a.
" Anih chuan kan inhmuh hmasak ber tum a Doctor ka nih thu te leh pum lam tha lo ka nih thu isawi te pawh kha.. " tiin kan zawt leh a.
A kawrchung ipte hmalam atanga Cigar phawrh pah hian, " Ni ang chu, a chhan dang a awm thei hleinem." tiin min chhang a. A Cigar chu tan kaiin a hip zui vang vang a.
" Anih chuan.." ti a hriat chak hmel taka kan zawh leh chuan, " Doctor ini tih chu hriat a harsa lo, a chhan chu kawchhung lam ngaihthlakna i vuah thin ani tih i beng awmdan khan min hrilh a. Chu pawh chutiang hmanrua chu Doctor chauhvin a an hman thin vang ani.
Chuan, i kal reng reng kha i kal kun deuh tlat a, i din pawh khan i ding mar at lo anih kha. Chu ta tang chuan i pum lam a nuamsamlo anih ka ring thla ngawt a. Mahse ka lo ring dik ngei ani tih nimin kan chhuahdun na atang khan kha hrechiang ta chauh." tiin a sawi a.
Kei chuan chu athusawi ho tak ni si, mak tak ni bawk si chu ngaihnawm ti tak hian ka lo ngaithla dauh dauh a.
Ka coffee in lai pawh alo dai hman daih mai.
" Thil ho tak anga lang ah chuan thil tangkai ber ani lawi bawk si," ka lo ti a.
Ani chuan, " Ni e, Kan chhui dawn thiamloh vang hian alawm ka buai kan buai thin." a ti ta a.

..END..