THE CASEBOOK OF CHESTER BURNLEY : THE MURDER OF NORTHWOOD (Notebook 11)

.Ka nupui neih atanga chawlhkar thumna, Tahrik ni sawm leh pahnih, Zirtawpni zing lam Dar ruk, minute sawmhnih leh panga a a pelh mek lai chuan kei chu kan in chhuah lam pawn bathlar a thing thutthleng hlui tawh tak ah chuan Chanchinbu chhiar in ka thu veng veng tawh a. Ka nupui neih aia ka tlangval chhung ala rei zawk rih miau avangin ka lo la sim theilo anih loh pawh in ka thisen in zing thawh hma hi a thanhnan ani ta hial ve ang. Mak tak mai a kum tam tak chhung ka tui miahlohna lam a ka lo tui zia chu ka chanchinbu chhiar lai mek atang pawh hian a hriat theih ta hial mai zawng anih hi.

Ni e, Chester Burnley nen a kan chendun lai kha chuan sualna lam pang ringawt kan ngaihtuah ani ber a, chanchinbu han chhiar ila, sualna hrang hrang, heng ruk ruk leh tualthah lam chi hi kan bih hmasa ber anih kha. Chumi avang chuan tunah pawh hian tha lam nilovin sual lam leh pawikhawih lampang hawizawnga thu ziak ka zawng mek chu anih hi.

" Darling" tiin ka nupui hmeltha tha tak mai chuan kawngka a rawn dah pah hian no zet mai hian min rawn ko va.

" Aw, Duhtak, ilo tho ve tawh ani maw" tiin kan lo nuih sak a. Ka bula rawn thut ve pah chuan, " nizan chu ka muttui khawp mai, tukin zing i thawhlai pawh ka hre lo, tunah khan i thianpa Chester-nen biakhlatna hmangin kan inber zo chiah a."

" eng lampang nge? Tunlai chu kan inbe khat riau mai?" kan tih chuan, ka nupui duhtak chuan,
" Ni e, a buai ani maithei ani, a hman chuan tukin zing hian lo leng phei rawh se ati anih chu." tiin min chhang a.

Ham bui bui chung hian, "tunah hian maw? A va han tho hma em em ve le, hna anei anih dawn chu" ka ti a. Chutah ka nupui chuan ka bianga rwn fawh zauh pah hian,

" Zing thawh lamah hi chuan a chhun lo khawp mai che anih hi maw, Aw tunah lo kal nghal rawh se ati ania, hna pawimwh chinfel tur anei aniang," a ti a, inchhung lamah alut zui leh ta daih a. ..........................................................

Zing lam dar sarih leh minute sawm arik lai mek chuan Chester Burnley nena kan luahdun thin, B4542 Brookdene Avenue a pindan tereuhte ah chuan ka thu vang tawh a. A zing chhuak alo la haw loh avangin Tirhchhiah naupangte Richard-a chauh chu alo awm a. Mahse rei pawh ka thu hmanlo, muangchanga coffee no khat ka in zawh hnu deuh lawk chuan hah hmel tak hian arawn lut a, tawi fahran a min han nuih suk pah chuan ka lam panin alo phei tlang a, ka malchung a zinglam chhuak chanchinbu rawn thehthlak pah hian,
" Thianpa Caldwell, i lo kal thei chu ka lawm kher mai, tukin lamah chanchinbu i chhiar tawh em, kha tah khan a thu tlangpui chu an ziak a, lo chhiar phawt la, a bak chu kal pah in ka hrilh mai dawn che nia, kan inthlak phawt ange," tiin a pindan lam ah chuan a phei zui leh ta nghal daih a.
Chu a chanchinbu min pek chu Observer- ani a. A phek hma lam a inziak ngei chu chhiar tura min duh ngei anih kan ring nghal tawp a. A thupui ah chuan lian fahran in,
" NORTHWOOD AH TUALTHAHNA RAPTHLAK.. Tih hi alo inziak a, ka phu deuh zawk lehnghal.
Heti hian alo inziak a, "Nimin tlailam dar thum bawr vel khan Northwood ah tualthahna rapthlak tak mai a thleng a, a tualthattu ni ngei a ngaih pawh Watford Police ten an man tawh. Kan thudawnna in asawi dan in tuna an tihhlum tak Miss.Nancy Copper- hian a lu ah hliamna tak a tuar a, chu chu a thih chhan ber niin alang, he thil ti tu Mr. James Palmer pawh Watfort Police ten an man tawh bawk. Vanduaina tawk Miss.Nancy Copper leh thilsual titu Mr.James Palmer te hi Northwood a cheng ve ve an ni bawk." tiin.
Chutia ka chhiar zawh rual chuan ring fahranlo hian, " An va han ziak tawi thin tak em." tiin kan phun zui sup a.
" Tlailam Chanchinbu ah chuan thuchiang zawk chu anla chhuah ve leh maithei asin, bakah an mahni hian puanzar vak an duhlo ani awm e," tiin thianpa Chester- chuan nui vur vur chung hian minlo chhang a.
Ka chanchinbu lam ringawt ka lo bih avang chuan ka thianpa chu engtik laiin nge ka bulah chuan alo din tih ka lo hre miah lo a. Ani lah chu alo inthlak fel diam tawh a, kawrfual dum lian tak mai hi ha in, alo in kilh tha mawlh mawlh a.
" i hman der tawh maw, zing kar ah Northwood lam ilo va thleng phei tawh ani maw," tiin kan zawt a.
Ani chuan Cigar tan pah hian, " La thleng pheilo deuh, Thianpa Caldwell, tukin zing lama ka chhuah chhan chu ni tho mahse, Watford Police Department lamah Ray Turner- ka va hmu lawk e ka tia. Ani hnen atang hian alawm chanchin pawh ka hriat," tiin min han chhang zui a.
Chutah," kan kal nghal mai dawn emni," an tih chhunzawm leh nghal a. Tirhchhiah naupang fel tak mai Richard- chu eng emaw hi an hrilhru zauh a, tichuan kan in zuichhuak ta nghal a.
Ka thianpa inluahna B4542 Brookdene Avenue, veilam lamlian ah hian Bus Stop a awm a, chutah chuan minute sawm aia reilo Bus nghak in kan ding zawk a, ala hma em avangin Bus pawh a thawl khawp mai. Chuta tang chuan Prestwick Road lamah tlan zel in, Eastbury thleng Bus ah kan chuang a, chutah Leihnuai rel in Northwood thleng kan tlan leh char char a..Bus a kan chuan chhung zawng chuan Chester- nen chuan kan inbe lo atih theih hial ang, Leihnuai rela kan chuan hnu pawh chuan reife chhung chu tukverh pawn lam thlir hian a thu veng veng a. Pinner veng huamchhung kan luh hnu lawk chuan a rawn tawngchhuak chauh a.
" Thianpa Caldwell, a dik chauh chuan he thil thleng hi a landan ang hi anih ka ring lo." muang ban chat hian a rawn ti a. Kei chuan," Inspector Turner-an a tualthat tu ber a man tawh ani lawmni." tiin rang fahran hian ka lo chhang let a. " Man tawh e, ani kha chu sawrkar uisathiam te tan chuan manloh chi ani lo reng alawm." tiin lungawiloh hmel deuh hian a ti chhunzawm lehnghal a.
" Tukin zinga i chanchinbu min chhiar tir bak kha chu he thil thleng ah hian hriat ka nei lo hulhual ani. Kha thil a a landan kha chuan...." ka tih lai mek chuan, ka thusawi chu minlo pawhchah sak a,
" Thianpa Caldwell, pawi ti duh suh, mihring kan nih chuan Ngaihdan kan nei tur alawm, ngaihdan pawh neilo mihring chu ramsa ang lek an ni. I ngaihdan ang kha Ray Turner-a ngaihdan chiah pawh ani a, chu chu mipui ho ngaihdan leh hmuhdan pawh ani." a ti zui duah a.
" Tichuan..." a ngaihdan hriatchak hmel tak hian rang fahran hian ka lo ti a. " Ni e, Caldwell, Chanchinbu a thil thleng chungchang a chhuahtir hma khan Ray Turner chuan biakhlatna hmangin thil awmdan min rawn hrilh tawh alawm, chu chu nizan dar sarih leh minute sawmpanga leh dar riat minute sawmhnih leh pahnih a a rik hma inkar khan ani a, kan inbe rei khawp mai. Ray Turner-a sawidan chuan, chulai tualthahna hmun chu Northwood veng tawp lam, Ruislip huam chin tep ah ani a, he tualthat tu leh a thah tak ate hi in thenawm chiah, in insi deuh thaw a awm an ni awm e. Thianpa Caldwell, lo ngaithla chiang rawh aw, ka thu hriat ang hi i hriat ve hunah chuan i ngaihdan kha ila sawhsawn lo ang tih tumah in an hre miah lo ania.
Tuna kan mitthi leh a that tu te hi in thenawm chiah a awm an ni ka tih tawh kha. Chuan, an in hmalam piah deuh tak ah chuan phul hmun zau tak a awm a, a piahlam chu ngaw pik tak ani tawh. Chu phul hmun leh ngaw inkar, ngaw chhung luh dawn ah tak chuan tualthahna chu a thleng ani a. A hma pawh in chulai hmun velah chuan heng kan mi pahnih te hi anlo leng dun fo tawh thin a, an in ngaizawng ta anih pawh in a mak lo ve." a ti deuh duah a.
Kei chuan ngun takin ka lo ngaithla ve bawk a, chutah, " an in ngaizawng ah lo ngaita ila, chuan tlailam a phul rai lama an lendun thin chuan, hemi ni hian eng emaw vangin an in hnial chiam a, a mipa thinrim khaw hmu lo chuan alo khawih na lutuk deuh a... "
chutia ka ngaihdan dik ve thlup mai kan phuh chhuah chuan ka thianpa mitmeng chu a a hlim ve sawt chuan ka hria, nge sawi tha ka intih ve em avangin ka in ngaihbel zawk ani.
" Ropui lutuk, Thianpa Caldwell, tichuan he a that tu hian ruihhlo alo khawih ve zauh zauh thin a, chumi lai pawh chuan a rui nghe nghe ani awm e," alo ti deuh hluai a.
Kei chuan," dik chiah." ka lo ti a chutah, Ani chuan," chulo pawh a dang ala awm, mit a hmu tu anlo awm ve kher bawk a." an tih chhunzawm lehnghal a.
" tichuan, Sawrkar uisathiam ho hnena inpuanglo theilo in a awm tihna alo ni a, inti fel niawm tak in a in puang ah an ngai ngei ang." ka lo tih chhunzawm a.
Ka thianpa chuan, " Ni e, i ngaihdan kha a diklohna a awm miah lo. Thil ni thei tak chu ani." ati bung deuh nghut a.
Kei chuan ring fahran hian," Thil ni thei chauh maw ni a, enge a bak la awm a, chu aia chiang chuan engtin ka la hrilhfiah leh ang che." kan ti deuh chiam a.
Ani chuan ka thusawi chu a ngaithla pawn ka hre lo. Tukverh pawn lam chu alo thlir leh veng veng tawh a. Chutah rilru hah hmel deuh hian an rum deuh hak a.
"Caldwell, i thusawi khan dikna chen chu anei alawm, chu chu ania kei pawh in ka lo ngaihtuah mek chu. Kan misual leh a tihhlum tak te chu inthenawm chet awm an nih avangin anlo in ngaizawng a, phul rai lamah tlai ni tla tur en in emaw ni an leng khawthwng ziah a, mahse he vanduaina thlenni tak hian eng emaw vangin an in hau chiam a, chu chu an piah lawk a Nature Reserve tlawh mek tu chhungkaw zinga an nula tleirawl in a hmu bawk. Tichuan tualthahna alo thlen khan chu tleirawlte chuan a thil hmuh dan chu Sawrkar lam mi rawihte hnenah a sawi a, kan misual pawh chu a pha zo ta bik lo a," tiin ka ngaihdan dik tak mai chu a rawn sawi chhuak a.
Kei chuan," Ni e, chu chu thil thlen dan tur chu ani ngei alawm," tiin ka lo tlip a.
" mahse hetia ram chhung hmuntin hmun tang a puanzar a han ni hi a tu lam ve ve pawh an lungawi vaklo asin," tiin a rwn tawng chhuak leh hram a.
" thil ni thei chu ani tho alawm, pawikhawina lampang hi chu mahni chhungkaw chunga alo thlen ve meuh hi chuan mi hian sawi zui neuh neuh hi an ching khawp a." tiin ka lo chhang a.
Ka thianpa chuan," ani khawp mai, mahse, a hmun kan thleng phawt anga.." tiin zawi sap hian a ti a.

Chutia kan tlan ta chu Dar kua leh minute sawmpanga ah chiah Northwood veng chu kan thleng a, ka thianpa duh ang in ke in tawite kan kal leh a, Salisbury Road lam atanga kal kual in kan buaina intanna hmun lamlian Fore Street chu reilo te an kan chhuangchhuak ve ta hlawl mai a.

Helai Fore Street hi lamlian pangngai ani a, Salisbury Road hian in leh in inkar atang hian a zu pawh ve mai chauh zawk ani.
Kawng te peng Salisbury Road atanga Fore Street kan zu chuan chhuah chuan Inspector Ray Turner pawh a thuihruai te nen pawimawh hmel deuh hian anlo la vei zak zak hlawm a. Chutia kan kal phei chu amah chuan minlo hmu in ban arawn vai a, kan lam pan chuan chak fahranlo hian arawn phei zui nghal a.

" Mr.Chester Burnley, ilo thleng thei chu kan lawm hle mai, nang pawh Mr.Caldwell, chanchin chu in hre vek tawh ang chu maw? " tiin kan pahnih chuan min rawn bia a. Kei chuan a thusawi chu hria tih nan ka lu ka lo bu zauh a, ka thianpa erawh chuan,

" i mi hrilh chin kha chu hria e," tiin alo chhang let ve thung a.

Chutah," Tukin zinglam ah maw le, " an ti zet na a, " a englo ania, kan tualthattu James Palmer-a Pa chungchang ania, tukin nizan zanrei lam nge tukin zing lam atang khan a chau deuh alawm le, engmah erawh ani chuanglo.. Kan thu dang alai chuan..Mr..." a tih lai mek chuan ka thianpa chuan lo pawt chat in,

" Chau deuh a? A engti hawi zawng chuan maw," tiin rang deuh hian a zawt let a.

" A...englo ania, an sawi dan chuan khawsikpui avangin ana vak tawh ani awm e, chuvang chuan a hriselna pawh hi a thalo in tun hnai lawk atang phei kha chuan khum bet in ana reng a, a fapa chungchang thu a hriat hnu atang phei chuan a nunna hi a ngaihtuahawm zual khawp mai," tiin a sawi kual deuh duah a.

Ka thianpa vek chuan, " ani ngawt mai, a tuar ve khawp ang chu, an pafa chauh a khawsa niawm khan isawi a," tiin an zawt let a.
Inspector Ray Turner chuan, "An ni deuh ber mai, thisen zawmpui tak tak ang chi hi ania, an pafa hi anni deuh mai a, chaw chhumtu pakhat Mrs,Martha- leh inchhung enkawltu hmeichhe pahnih leh mipa pahnih te nen hian an khawsa ho a. An Driver pakhat hi a khawsa veleh zauh zauh bawk." tiin ka thianpa chu a hrilh a.

A mah vek chuan, " Inchhung lama kan thut chawlh hma in kan sual rawngbawlna hmun tak i tlawh hmasak duh ka ring deuh a." ti in asawi zawm lehnghal a.

Ka thianpa pawh chuan pawi atih loh hmel khawp mai. " kan lo tum dan chiah ania," tiin a lo chhang fel et a.

Heti hian kan sawi fiah deuh ang a, tualthat tu leh a thah ate hi in thenawm chiah ang an ni a, an in chhuahlam pawh a in ang a, kawtzawl zau vak lo an nei ve ve a, chuan an in ep lam ah hian phul rai hmun zau tak mai a awm bawk.

He phul rai hmun leh an in inkar ah hian lamlian pangngai Fore Street chu a kal tlang ani. A pawikhawihtu pa te in hi hmanlai a an in sak ang in ropui leh lian tak mai ani a. Mahse a hlui lam ve lek lek tawh mai.

Tichuan kan pathum chuan kawngpui atang chuan peng in, phul rai lam ah chuan kan inzui phei ta diah diah a. Tumah pawh chu kan tawngchhuak lem lo, keimah ang an nih chuan ka thiante pahnih hian an rilru an kawm ve melh melh ani ngei ang.
Ka thianpa chu kan hma lam deuh ah hian akal zel a, Mr.Turner nen chuan kan zui ve det det ani ber mai.

Thui fe kan kal hnu chuan Mr.Turner chuan. " Mr.Burnley, kan hmalam a ngaw chhahpui saw Ruislip Wood National Nature Reserve chu anih saw, a hmun chu anuam khawp asin." a han ti a.
Rawn hawi let chuanglo hian," phulrai chhim lam ah hian enge awm," tiin ka thianpa chuan a rawn zawt let daih a.

Kan awmna sir lam kawh pah chuan," hemi phul rai tawp a far hmun piah deuh ah sawn Grangewood School leh Cateford Junior School a awm, mahse a hlat deuh bakah far hmun saw a nelawmloh em avangin helai phulrai nen hi chuan an inkalpawh ngailo." Mr.Turner chuan a ti a.

Chutih lai chuan phul rai hmun pawh chu kan chhuak tep tawh a, ngaw hmun nen a a inpawhna lai vel ah chuan lung mum pel pul hi lian tak tak alo awm fur a, helai hmun tak ah hi chuan hnim pawh a to em em lo khawp mai.

Mr.Turner chu lungpui pakhat ah chuan an zuang kai a, " khawthlang lampang ah hian Harefield veng a awm a, hemi ngaw chin hi Ruislip huam chin ani tawh bawk. Phulrai chin hi Northwood ram chin chu ani."
chutah sawi zawm leh in, " tlailam a len vah nan chuan duhthusam hi a ni ringawt alawm, a boruak hi a nuam ania," antih chhunzawm leh a.
Chutih lai chuan ka thianpa chuan kan hma lawk a ngaw chhung lam chu che changlo hian a thlir vung vung reng a.

"Mr, Burnley, i dinna hmalam deuh ah khan ania ruang chu kan hmuh, kha rawng var in kan la thai kual deuh kha." Mr,Turner chuan arawn ti a.

" ka hria e, hniak lah chu bawngrual kalna hnu ang maiin a chiar dup mai ani maw," tiin ruang tlukna lai, an chhinchhiahna bulah chuan an thu hniam a.

" mipui hawk dak tak tak ho vang hi maw le, ruang kan lak sawn hnu pawh in khap theih an ni meuh lo, i hmuh duh ka rin avangin tukin zing thleng khan kan naute ka ventir hial asin.

" i thuihruaite chuan an veng uluk awm hle mai, an ven chhung zawng hian an muthlu ani ang tih pawh a rinhlelhawm loh ve," tiin zawi sup hian ka thianpa chu a phun zui bul bul a. Chu a thusawi chu Mr.Turner chuan alo hre pha ani teh chek ang chu," Nimin chawhma lam zawng kha chu ruah a sur deuh char char bawk sia, hniak hnu chu alang duh nasa khawp mai, lei lah hi a nem chi alo ni ve kher bawk nen," tiin a la chhang zui ve hram a.

Ding chung chuan mitthi tlukna lai chu rei fe an thlir vang vang phawt a. Chutah thu hniam in hnai fahran hian an bih zui leh ngar ngar a. Chutih lai chuan keini pahnih, Mr.Turner leh kei chu kan thianpa awmna piah deuh lungpui ngheng chuan kan thianpa che vel thlir hian kan lo ding reng thung a.

"Turner, kan mitthi khan a tukkhum ah hliam anei iti emni khah? " tiin miruang awmna lai vel la bih kual ngar ngar chung hian ka thianpa chuan arwn ti a. Rang deuh hian Inspector Turner chuan," Ni ang chu maw le, a luruh pawh a khawih tel nual anih kha.." a lo ti a.

Chutia asawi lai chuan ka thianpa vek chuan,
" A vaw tu chuan a vaw na awm kher mai, leia atluk thlen chuan a thi fel der tawh anih hi." arwn ti chhuak leh a. Chumi pah chuan miruang tluk na bul vel lei chu uluk deuh deuh hian a en lawr leh chiam a.
Mr.Turner chuan," vawhlum a? Engtia chu thu chu sawi thei nge inih?" mak tih hmel deuh hian a rawn ti chhuak phawng a. "...a thih sual dan vel chu i zel din thu deuh lo maw," an ti zui leh hram a.
Ka thianpa erawh chu hawi pawh arawn hawi chhuak lo, " Ho mai mai, Ho mai mai, thluak kha hmang ve deuh ta che, chutiang mai mai ka sawifiah hmanlo, Bawng rual tlanchhiatna hnuhma ang maia an dai pherh chhiat hma hian lo va thleng ve hman hlauh ila chuan ka tan a awlsam dawn tehlul nen aw.
Hei mi hawkdak ho hniak hnu chu le, miruang bul, feet ruk emaw feet riat emaw bial vel hi chu an hniak hian a khuhbo zo vek anih hi." a rawn ti leh a.

Chutia a sawi zawh rual chuan rang fe hian an kun hniam a,
" Mahse hei, heta hi mi pakhat hniak chu alang e...Hei pawh hi.." a rawn ti chhuak leh a.

" He hniak hi chu James Palmer-a hniak ani, kan nula vanduaii ke hniak ngei anih hi a bul ami hi, hei an in hauh lai emaw ani ngei ang, in hma tawnin an awm alawm, kan nula i chuan a awmhmun a sawnlo hle mai, a ke hniak lam dan atang chuan James Palmer hi chu an inbiak lai hian a veikual nasa ve hle anih hi, chuan hei phul rai lam pana akalna hnu hma pawh, kan nula i a kalsan lai hian a thinrim hle ani ta ve ang," a rawn ti chhuak leh a.

Chutah ke hniak chu chhui zui niawm tak hian kun deuh daw chung hian phul rai lam ah chuan a phei zel a. Thui vak lo chutianga a kal hnu chuan a rawn kir ve leh mai bawk a. Chutih lai chuan Inspector Turner chu mitthi tlukna bulah chuan pheiin ka thianpa thiltih dan thik niawm fahran a eng emaw hmuhchhuah tum niawm tak hian lei vel chu an bih ve chiam a.

" Mr, Burnley, helai a ke hniak mak tak i hmuhhmaih thei hi chuan i chet phuai luai zia a tilang chiang hle lo maw." tih el lampang hawizawng deuh hian a rawn ti a. Ka thianpa nen chuan rang tak hian Turner-a bulah chuan kan phei nghal a. " ka hmuh hmaih thei chu amak kher mai, hei chu Dingdihlip a kalna hnu hma ani, dingdihlip mahse a pheikhawk rit tak mai bun avang hian a hniak a danglam deuh ani" ka thianpa chuan a rawn tichhuak a.

Chutah Turner chuan awihloh hmel fe hian, "Pheikhawk rit tak a...Sipai savun pheikhawk ani hial ta ve ang" tiin arawn chhang a.
" Ni e, chutiang deuh chu ani," tiin hniak chu en chiang in an kun deuh a, chutah kun chung chuan hniak hnu chu a chhui phei zel a. " Hei pawh kha pheikhawk buntu hniak tho kha ani, a tlan anih hi, a pheikhawk keartui hniak langlovin a kephah hnuai hniak alang chiang zawk tlat mai, han en ula a kir leh lam anih hi, a chhan chu hei abul a a dingdihlip hniak hi chu arawn kal lam hniak chauh alang a, a kir lehlam hniak hian a chilh hnan zauh zauh bawk a, chuvangin he pheikhawk buntu hi alo kal lamah a dingdihlip a, akir leh hi chu atlan anih hi, chuti anih chuan khawilam atangin nge alo kal tak ang," tiin amah leh amah chu a han in zawt a, chutah a tlan let ta sek mai a. A changin hnu a hmu a, a hnu hmuh chu a hloh leh thin tih a chiang hle mai.

Kei leh Turner-a chuan kan thianpa chezia chu ding chung hian kanlo en reng a. Turner chuan ka thianpa khawsak zia chu a ngaihsan vak loh hmel kher mai,
ngaw chhung ah chuan tawite ava lut a, mahse a awm reilo, lo let leh in kan awmna piah a lungpui awm pheuh pheuh lamah chuan a kal phei leh a, a changin arawn let a, achangin lung chung ah te chuan alawn a.

Chunglai vela lung awm azawnga lung lian ber mai bulah chuan ava kal a, a pang lehlamah chuan uluk fe in a va kun leh ngat ngat a. A hlawhtling hle ani ang, lawmin zawitein a nui hak a. Chumi hnu pawh chuan chulai lung bulah chuan rei fe ala awm a, lei mai nilo, lung chung te, lung pang te chu a hnar si deuh thaw khawp a bih kual in ngun em em mai hian a en a.
A duhtawk a chutia atih zawh hnu chuan kan bulah a rawn phei a, tihdanglama a awmna atang chuan anihna pangngaiah alo let tawh ani chek ang chu, aw pangngai tak mai hian, "He thil hi ngaihtuah tham tak ani a, angaihtuah vel pawh anuam phian mai." arawn ti chhuak hlawl a.

Chutia asawi pah chuan a kut pahnih a a kawng dawm chung hian kan piah lawk a ngaw chhung lam chu rei tawk fe thlir in an ding leh vang vang a.

" Ngaw chhung lam hi in en tawh reng reng em, mit a hmu tu chuan khawi lai atang tak hian nge a hmuh reng reng a." a rawn ti leh a.

" I en kha kan la ring chu ani mai rih e, ngaw chhung lam chu, bak ah hmu tu ni a insawi khan a thil hmuh dan kimchang chu arawn sawi mai bak ah, amah ngei a rawn kal bawk alawm." tiin Mr,Turner chuan ka thianpa chu alo chhang a.

" Chuan.."

" A hmu tu hi helai piah lawk Pinner venga awm ani a, tleirawl te chauh ala ni a, an chhungkua hian helai phulrai piah, saw mi ngaw Nature Reserve ah sawn ankal ani awm e, a mah a thla la a akalkualna lamah saw, saw lai thing lianpui mai bul atang sawn helai a an in hau thawm hi a hria a, thing phen atang sawn alo en a, mahse kut an inthlak lai tak chu a hmu lo nangin eng emaw tia khawih tum niawm tak a a mipa zawk hian kut alek tih thute kha asawi a, a mipa zawk hi a rui hle niawmin a sawi bawk. A thil hmuh chu a hlauh em avangin a chhungte bul lamah a tlanchhe lehnghal vat tiin a sawi anih kha." tiin Turner chuan asawi a.

Ka thianpa chuan," Nanga pawh chuan thu chiang hre lovin kan tlangval a chu i hnungkhirh ani mai lo maw?" alo ti a.

" Mr.Chester Burnley, amah a in puang tih ka sawi tawh kha, i thluak kha tlem han chet tir hret la, ka thu hrilh tawh che kha i ngaihtuah chhuak thei mai ang." tiin Turner chuan nui rulh rulh chung hian ka thianpa chu an bia a.

" Ni e, ka hre chhuak leh si e, i sawi tawh tak, Mahse a vawthlu tih asawi tel chiang amaw?" tiin ka thianpa chuan an zawt let leh nghal a.

" Chuti teh tlawng chuan sawi chiah lo e, eng emaw vangin an inhau a, alo ruih deuh tawh avang leh arilru buai em avangin a hrechiang tawh tlat lo a, kut a thlak ngei chuan asawi alawm. Alo vawthlu emaw vawthlu lo emaw, lo pet deuh pawh nisel a helaiah hian an pahnih chauhin an awm a, amah lah chuan kutthlak ngei chuan a in hre bawk a, chuvangin amahlo chu man tur han dap mai tur an awm tlat lo ani, Mr.Burnley." tiin tih el deuh lek lek hian ka thianpa chu an hrilh a.

Ka thianpa erawh chuan," misual hnu chhui chhuak chak ber nih tum avang a duh duh ngun mawi bun tir satliah ringawt pawh hi ani ber lo." tiin alo chhang daih a.

Chu a chhanna avang chuan Mr.Turner chu a lungawi vak hmel loh khawp mai. "Mr.Burnley, a thil thlen dan ka rawn hrilh lai che khan keipawh in rindan sahuai thing vawn tlat tur ka la nei bik tlat lo alawm, mahse a hnu lawk ah mit a hmu tu bakah amah ngei alo in puang leh si anih kha." tiin ka thianpa chu a chhang leh hram a.
" Thil thlen dan min rawn hrilh khan kan tlangvala chu i hnungkhirh daih tawh ani lawm ni?" tiin ka thianpa chuan a zawt leh a.

Turner chuan," Kan man fel deuh chauh ani," tiin alo chhang a.

"Uai.. Tlanbo duh nise pawikhawihna thlen atangin darkar thum chuang mah bikbo na hun anei ani lawm ni." ti a Chester-an a zawh chuan,

" Ni e, Zu dawr ah alawm kan man, kan zawng buai deuh hman lehnghal a." Turner chuan a ti bul deuh hmuk a.

" ngunmawi in va buntir a, a in puang nghal mai elaw". Ka thianpa chuan alo ti leh a. Turner chuan," Nilo e, Mr.Burnley, a tir a tualthat tu a kan han puh chuan mak a tih hmel kher asin, Thilsual ti tu anih lohzia sawiin a tang zui nasa teh asin, a chet dan lah chuan amah chu a ti rinhlelhawm sauh mai bawk a. Kut thawh hial atum tak ah chuan kan nau ten ngun mawi an buntir ta hial anih kha. Office lama kan hruai phei lai erawh chuan eng emaw ngaihtuah niawm tak hian a awm deuh tlat a, amah kha aruiin a chianglo ruai ani ber mai, Mahse kan hmunpui kan thlenpui a thu kan han zawh leh kha chuan tha deuh chuan asawi leh si a." a ti a.
Ka thianpa erawh chuan," Chu chuan thil tisual tu ani tih afinfiah tak nachhan pawh kei chuan ka hre lo," tiin Turner chu a chhang daih a.

Chutah kei chu tha tho hmel tak hian min rawn en a, "Thianpa Caldwell, he laiah chuan tihtur kan neih hmel tawhloh khawp mai. Kan Setana fapa leh vanduaina tawk te in lampang ah kan va phei ve thung dawn emaw ni le? Inspector Turner, rem itih chuan min va hmuhpui ve hrim hrim ang chu," a ti a. Tichuan kan pathum chuan kan kalna lam phul rai hmun lama let leh in, in lam pan chuan kan kir leh ta a.

Kan va kalchhuahna lamah khan kei chuan hlawkna emaw thil danglam chhui zui tur ang chi emaw hmuh leh hriat ka neilo kher mai. Mahse ka thianpa erawh chu a hmel atang chuan a hlawhtling thawkhat tih ka hre mai. A chhan chu a thil hriat duh emaw a thil tih laiah emaw a hlawhtlin chuan a bek sir vei lampang a thil phu zaih zaih awm thin hi a phu rang thin tlat ani. Chu chu tun ah pawh khan ka hmu tlat si a.

" Mr.Burnley, he thil ah hian thil tisual tu chu James Palmer anilo tih tanchhan na tur chu i hmuchhuak ta tihna em ni." tiin Turner chuan ka thianpa chu an zawt leh hu a.

" Tanchhan tur satliah mai nilo ve maw le My Dear Turner." tiin ka thianpa chuan alo chhang let a.
Chu a thil sawi chuan Turner chauh nilo, kei a pawh chu min thawng kher mai.

Rang deuh hian Turner chuan, " Oh..Mr.Burnley, Chuti anih chuan tunge ni tualthattu chu ni ta?" a'n ti a. Burnley chuan," Pa sang tawk tak, veikhawr. A ke ding lam bai, savun ramvah pheikhawk hnuai chhah tak bun, Meizukna dawt hran hmanga mei zu thin, kaihthleh chemte bil tak ak, chu lo pawh chu eng emaw chu ala awm a, mahse amah zawngchhuak tur chuan chiti chin chauh pawh chu hria ila a tawk ngei ang." a ti ta a.

Turner-a chu za lo deuh hian an nui hak a. " Mr,Burnley, Dawt i sawi chu ka ring miahlo na in i thusawi chu a dikna tur awm ang ka hre miahlo mai." a lo ti a.

Ka thianpa chuan dam dap hian," Kan la hria ang chu," alo ti ve deuh mai a.
Chutah," Kan nula i leh an chhungkaw lam chanchin eng emaw tal hriat inei em Mr. Turner" tiin ka thianpa chuan a zawt a.
Turner pawh chuan awki pangngai angreng tak hian," Kan nula i te hi London lam atanga lo pem an ni a, helai hmun ah hian kum nga an awmna chauh ala ni awm e. A pa hi a hrisel lovin Ashma anei bawk a, a chhuak vak thei tawh lo a ni ber, a mutna hmun ah chaw pawh an pe deuh chawt mai thin ani awm e, anu pawh hi nu hrisel tak chu anilo na in taima tak mai ani a, mi puan su leh in tifai ten a inhlawh deuh ber thin, amah kan nula-i pawh hi College kal chung hian mi dawr ah a thawk ani awm e, chhungkaw harsa ve tak chu an ni." tiin ka thianpa chu a chhang a.

Ka thianpa chuan chek tlak tlak chung hian," a van vanduaithlak kher em!!" a ti vawng vawng a.

Chumi atanga Minute sawm vel aral hnu chuan James Palmer te inkawt ah kan awm leh der tawh a. Turner-a thuihruai sawrkar uisathiam ho pawh kha hmuh tur anlo awm tawh lo.
" Hemi in lian tak mai, kan hma zawn ami hi James Palmer te in chu ania, a bul deuh chiah a in tereuh te awm saw kan nula vanduai Nancy Copper te in chu ani." tiin Turner chuan min kawh hmuh a. Mahse ka thianpa chuan chutih lai tak chuan thil dang daih a ngaihtuah ni mai hian ka hria. A dik chauh chuan Turner-a thusawi pawh chu hre awm pawh in alang lo.

" Mr.Burnley, a khawi zawk ah hian nge kan lehluh hmasak dawn..." a tih lai mek chuan,
"Turner, Kan mi tang hmuh phalna i nei tawh em?" a ti daih a. Turner lah chuan awlsam zet hian," Nei e, i ta tur leh ka ta tur chauh ka nei," alo ti var a.

Ka thianpa chuan," Chuti anih zawngin an in chhung chu rap lo law law phawt mai teh ang, Caldwell, i tan anuamlo viau mai thei a, mahse reilo te chauh va thang ka han tum ange, i duh chuan inchhung lamah minlo nghak zawk rih aniang chu." a ti a.

Tichuan Turner-a Police Car chuan min kalsan ta nghal a. An liam fel hnu chuan eng emaw chen chu ngaihtuah bik pawh neilo hian ka ding vang vang a.

Kawngpui sir a ding ka ni a, ka hma zawng kawngpui lehlam chiah ah chuan James Palmer-a te in chu ropui tak hian a ding luah a, an in hma lam kawngpui an chu kawt zawl zau tak mai ani a, an compound chin chu lung rem nalh tak mai, feet nga emaw vela sang hian an hung khup a, an in hmalam ah chuan thir Gate nalh leh ropui tak mai hi a awm bawk a.

In lian tak mai, hmanlai kum zabi sawm leh pasarih emaw lai vel a sak tawh niawm tak ani. Tukverh leh in te peng anei teuh nangin, a hlui deuh rup mai a, luah ai chuan luahlum loh a tam zawk mai thei ani. An tukverh tin deuh thaw puanzar inzar phui tlat leh meikhuchhuahna dawt, meikhu chhuak silo te han hmuh chuan chu Inah chuan hlimna hmuh tur a awm arinawm loh hle a. Tun hnai a thil thleng vel chuan chu in chu ala zar hliah hneh hle anih a rinawm thei ani.

Kawngkhar ah chuan ka va dak a, chhiahhlawh nula hmeltha lemlo tak mai hian minlo dawngsawng a. Ka thianpa hming leh Turner-a hming ka sawi chuan minlo be tha angreng khawp mai.

Inchhung ka luh chuan chu nu chuan thutkhawmna pindan lamah min hruai phei a. A tawng tam lemlo na in a hawihhawm angreng khawp mai. Amah lo chhiahhlawh nula tho pakhat hi ka hmu bawk a, chu lo chu mihring tumah ka hmu lo. Coffee te min siam sak a, ka bulah rawn thu in eng eng emaw te ka zawt a, chutia kan in kawm lai mek chuan Turner chu alo lang ve leh hlawl mai a.

Thutkhawmna pindan a rawn phei pah chuan," kan rei viau em, Mr.Caldwell, alo ninawm viau lo maw, Mr.Burnley chu in piah lamah alut kawi lawk a, kan nula i te inlam khan," tiin min rawn be sawk sawk a.

Rei pawh a thut hma chuan ka thianpa chu hlim hmel deuh hian a rawn lang ve nghal mai bawk a.

" Thianpa Caldwell, kan rei viau lo maw, alo ninawm hman em." a rawn ti a, ka bula thutthleng dup ah chuan a rawn thu ve nghal a.

" Hriat belh inei thei em" tiin ka lo zawt a.

Ani chuan," Ka ngaihdan dik sa ka va chian belh leh mai mai chauh ani." tiin min chhang a.

Kei chuan," Tangkaina anei miahna nge." tiin kan zawt leh a.

Turner zawk chuan rang fahran hian," A ngai bawk ani leh mai, thawkkhat lai kha chuan Mr.Burnley ngaihdan kha ka tawmpui ve tep a, mahse a zeldin thu bawl deuh mah mah in ka hre leh zawk." a rawn ti deuh hluai a.

Ka thianpa in a chhan atum lai tak chuan Thutkhawmna pindan ah chuan nu thau tawi deuh, hlim hmel nei lo fahran mai hi arawn lut a, a hma a Turner-a lo sawi ka hriat tawh avangin an chaw chhumtu Pi Martha-i anih ka lo ring nghal ringawt a.

" Hei Mr.Victor Palmer." a rawn ti a, a hnung ah chuan Pa hmel mak tak mai, dar kum deuh du hi arawn lang ve nghal a.

A ke pen chu a muang ban churh a, a hrisellohna bak ah a fapa te chungchang avang a rilru hah a ang khawp mai. Han en mai chuan pa khawngaihthlak tak hi ani ringawt mai bawk. Mahse a hmel bumro pui mai leh a fuke hrawl tak tak mai han hmuh chuan pa thahrui nei tak a ang hle bawk. A hmuihmul chu a kir chuat mai a,a sam pawh chu a eng lek lek bawk. A hmai chu a dang deuh lep a, a hnar vel leh a hmui vel chu a hil leh bul lawi si a, han en mai pawh in natna thalo tak avei ani tih hi alang reng mai.

Thutkhawmna pindan kawngka bulah chuan eng emaw chen chu ding in a mithmul buk tak hnuai a a mitmu fiah kak mai leh nelawm loh tak mai chuan keini ho chu min han melh kual diat diat hlawm a.

Chutih lai chuan ka bula thu chhiahhlawh nula chu rang tak mai hian a tho va, kan coffee inna te chu hmanhmawh taka seng sawk sawk in Pi Martha-i nen chuan thutkhawmna pindan chu an chhuahsan zui ta nghal a.
Chutih laia kan boruak chu areilo hle na in a hrehawm niber in ka hria. Ka thianpa chu kan mitsir ralh a. Chu hun reilo te a thil thlen dan chu ka thianpa chuan a hmu kim vek ni hian ka hria. Mr.Victor Palmer chu chiang fahran mai hian alo en ve reng a.

Kan hma zawn a Turner-a thutna bulah chuan muangchang a rawn pheiin Mr.Victor chuan thuthmun a rawn rem ve a.

Ka thianpa chu chiang tak a melh chung hian, "Mr.Chester Burnley maw... Thil pawimawh tak ah min hmu duh ni khan irawn in sawi ani awm a...." zawi te, chang angreng tak si hian a rawn ti chhuak a.
Chu a thusawi kan han hriat chuan Turner nen chuan kan in melh zawk a, mak ti a ka hau chung hian ka thianpa chu kan en dun hu a.

Ngaihsam hmel zet hian ka thianpa chuan, "Ni e, thil pawimawh tawp khawk, Tualthahna chungchang ani a," a rawn ti leh a. Chu a thusawi phei chu mak ka ti viau na in kei aiin Turner-a chuan mak atih hmel daih zawk.

"Tualthah thu a..Mr Burnley, ka fapa chungchang ah chuan inrawlhna tur ka nei lo, thil sual ati a, a sual man chu aman a phur tur alawm." a rawn ti ve tlat a.

An thusawi chu Turner nen chuan kan hrethiamlo ngei mai, kan hmel atang pawh chuan kan bangbo tih a hriattheih hial ta ve ang.

Chutah ka thianpa bawk chuan chang fak mai hian, " I fapa in tual athat reng reng hleinem Mr.Victor, tualthat tu zawk chu..." a tih lai mek chuan ka thianpa thusawi chu lo pawtchat in. " fing hle mahna i hre thelh deuh ani, ka fapa hian tual athat a, a mah pawh a ina a thiltih a puan mai bak ah mit a hmu tu an awm bawk." thinrim tak mai hian arawn ti chhuak a,

Chutia asawi pah chuan a thutna atang chuan rawn tho chhuakin an in hum ruh pah bawk a.
Ka thianpa lah chuan eng ah teh ual a ngaih loh hmel kher mai.

"Mr.Victor, engvangin nge phat kual ila tum theih zawk a, i chet dan zawng zawng ka hre vek tawh." alo ti sam et mai a.

Chutah Turner chu lo tho chhuakin Mr,Victor-a chu a han thut tir a. Ka thianpa lam hawi chuan, "Mr.Burnley, enge maw thil awmzia hi ni ngai? Ka van hrethiamlo em." a ti a.

Ka thianpa lah chuan chhiahhlawh nula pakhat chu kovin a beng bulah hian eng emaw ni hi a sawi ser ser a. A sawi zawh chuan chhiahhlawh nula chu rang tak a kalsawn in pawnah a chhuak ta daih a.

Tumah pawh chu ka thianpa chuan min be lo. A kiu pahnih chu a khup ah a nghat a, a kut pahnih chu hum in a khabe chu anghat a.

Chutiang thil teh nuaih chuan a tu mai pawh chu min thawng theuh in a hriat. A bik in kei leh Turner- phei chu a mual bo hian kan bo ani ringawt mai. Ka thianpa ngei pawh chuan thil thlen dan chu a alo beisei dan ani vek bik chiahlo tih chu a awmdan atang chuan a hriattheih ve tho mai.

Minute khat pawh aliam lo ang tih ah chuan chhiahhlawh nu chuan kawngkhar chu a rawn hawng a, a hnung ah chuan Police lu mum pahnih hi an rawn lut tel bawk a.

Thutkhawmna pindan lama an rawn luh phei mek lai chuan Turner chuan mak atih hmel kher mai, " Peter, enge thil awmzia?" tiin Police pakhat zawk chu a lo zawt nghal a. Chu Police chuan mitmei pah hian ka thianpa chu a rawn melh zawk a.

Chutah ka thianpa chuan," Ni e, Mr.Turner, ka koh te an nih kha." an ti a.

Chutah, kan hma a thu Mr.Victor Palmer-a, hrilhhai hmel tak leh ka thianpa huat hmel zel a melh tu lam chu hawiin,

" Peter, Mr.Victor Palmer- hi Nancy Copper-i that tu chu ani, man nghal rawh u." a ti chang ta fawk mai a.
Chutih rual chuan Victor Palmer- chuan anchhe tinreng lawh chung hian ka thianpa chu arawn bawh phei a.

Mahse Police pahnih te kha an che rang hman hlauh a, rang tak in an rawn man bet a, a kut pahnih chu hnung khirh in, ngunmawi an bun tir a, hruaichhuah nghal mai an tum lai chuan,
" Mr.Burnley, dawt a min mawhpuhna avang hian ila tuar khawp ang, tualthat tu ka ni tih finfiahna pakhat mah inei lo. Nei thei ini lo reng ani, achhan chu he thil thlen lai hian ka pindan ah ka awm mek tih chu kan chawchhumtu Pi Martha-i hian a hrilh thei ang che." Mr.Victor chuan a ti a.

Turner-an rawn tawng chhuah atum lai tak chuan ka thianpa chuan a rawn tawng chhuah khalh a,

" Mr.Victor Palmer, i in atanga aruk a chhuak in i fapa leh i mi huat em em Nancy Copper-i te chu i zui ru a, phulrai bula lungpui phen atanga an in hau lai thlir in, i fapa kal hnu lawk ah hnunglam atanga dingdihlip a pheiin i mi huat em em chu i vaw tlu a, chutah rang tak a tlan let lehnghal in i chawchhumtu leh chhiahhlawhte hmuhloh laiin i pindan ah i han tawm leh anih kha. I vuakna thing tum nge thir tum chu zawng chhuak kher lo mah ila tualthattu ini tih finfiahna tur chu ka hmuchhuak teuh asin." tiin a rawn sawi chhuak a.

Chutah Police te hnenah chuan," hruaichhuak tawh rawh u." an ti zui lehnghal a.
Thei leh theilo hian a tal nasa hle a, a hnuh a hnuk chhuakin kawngka an chhuah hnu thleng chuan anchhia a phuhchhuak mawlh mawlh reng bawk a.

"Mr,Burnley.. Enge thil awmzia hi?" tiin Turner chuan ka thianpa chu a zawt a. Chu zawhna pawh chu chhang chuanglo chuan a thutna atang chuan a tho va.

"Thianpa Coldwell, keini chuan kan tihtur kan ti zo ta." tiin min rawn melh a. keipawh chu tho chhuak ve nghal in ka thianpa chu ka zuichhuak ve ta nghal daih a.

Turner-a chu ka thianpa hnathawh dan khan athawng deuh ani ang, kan chhuak lai chu rilru mumal loh hmel zet a hawi ho chung hian min thlir reng a. Kawt kan thlen chuan Palmer-a te chu sawrkar uisathiam pahnih te chuan an lirthei hmangin anlo hruaibo daih tawh a. An in kawt zawl chhuahsan a kawngpui kan thlen chiah chuan ka thianpa chu Palmer-a te in sir lawk a in hlui leh te reuhte thlir chuan an ding vang vang a, chutah zawite hian,

" Nula khawngaih thlak!!" tiin zawite hian a phun sep a.

Chutih rual chuan Victor Palmer- chuan anchhe tinreng lawh chung hian ka thianpa chu arawn bawh phei a.

Mahse Police pahnih te kha an che rang hman hlauh a, rang tak in an rawn man bet a, a kut pahnih chu hnung khirh in, ngunmawi an bun tir a, hruaichhuah nghal mai an tum lai chuan,
" Mr.Burnley, dawt a min mawhpuhna avang hian ila tuar khawp ang, tualthat tu ka ni tih finfiahna pakhat mah inei lo. Nei thei ini lo reng ani, achhan chu he thil thlen lai hian ka pindan ah ka awm mek tih chu kan chawchhumtu Pi Martha-i hian a hrilh thei ang che." Mr.Victor chuan a ti a.

Turner-an rawn tawng chhuah atum lai tak chuan ka thianpa chuan a rawn tawng chhuah khalh a,

" Mr.Victor Palmer, i in atanga aruk a chhuak in i fapa leh i mi huat em em Nancy Copper-i te chu i zui ru a, phulrai bula lungpui phen atanga an in hau lai thlir in, i fapa kal hnu lawk ah hnunglam atanga dingdihlip a pheiin i mi huat em em chu i vaw tlu a, chutah rang tak a tlan let lehnghal in i chawchhumtu leh chhiahhlawhte hmuhloh laiin i pindan ah i han tawm leh anih kha. I vuakna thing tum nge thir tum chu zawng chhuak kher lo mah ila tualthattu ini tih finfiahna tur chu ka hmuchhuak teuh asin." tiin a rawn sawi chhuak a.

Chutah Police te hnenah chuan," hruaichhuak tawh rawh u." an ti zui lehnghal a.
Thei leh theilo hian a tal nasa hle a, a hnuh a hnuk chhuakin kawngka an chhuah hnu thleng chuan anchhia a phuhchhuak mawlh mawlh reng bawk a.

"Mr,Burnley.. Enge thil awmzia hi?" tiin Turner chuan ka thianpa chu a zawt a. Chu zawhna pawh chu chhang chuanglo chuan a thutna atang chuan a tho va.

"Thianpa Coldwell, keini chuan kan tihtur kan ti zo ta." tiin min rawn melh a. keipawh chu tho chhuak ve nghal in ka thianpa chu ka zuichhuak ve ta nghal daih a.


Turner-a chu ka thianpa hnathawh dan khan athawng deuh ani ang, kan chhuak lai chu rilru mumal loh hmel zet a hawi ho chung hian min thlir reng a. Kawt kan thlen chuan Palmer-a te chu sawrkar uisathiam pahnih te chuan an lirthei hmangin anlo hruaibo daih tawh a. An in kawt zawl chhuahsan a kawngpui kan thlen chiah chuan ka thianpa chu Palmer-a te in sir lawk a in hlui leh te reuhte thlir chuan an ding vang vang a, chutah zawite hian,

" Nula khawngaih thlak!!" tiin zawite hian a phun sep a.

"Mr.Burnley."

Palmer-a te in atang chuan Turner-a chu hmanhmawh angreng tak hian alo chhuak a.

" Mr.Burnley, ka van hrethiam lo em?..engtin.."

" Turner, a hma in tualthat tu nihna leh pianhmang ka hrilh che a, i hmingthat ve theihna tur ka siamsak che a. Mahse i zawngchhuak duhlo anih kha." tiin ka thianpa chuan alo chhang a.

Turner chuan ngaihsan hmel tak hian." ka lo hrethiamlo ani, Mr.Chester Burnley, nangmah vang liau liau in tualthattu dik tak kan man theih phah a." a ti a.

Ka thianpa chuan," Hmingthatna chu nangman i chang dawn nia, hming lan ve hi ka duhlo" tiin a chhang daih a.

Hlim hmel tak leh ngaihsan hmel tak a ka thianpa en chung hian,"Mr.Burnley, ka lawm e, i chungah hian ka lawm tak zet ani." tiin ka thianpa chu kut thing meuh in a chibai a, tichuan a Car chhungah chuan muangchanga lut in a tlan liam ta a.

Chumi atanga darkar nga lai aliam hnu, banga sana lian inkhai ina dar ruk ari ani tih min hrilh tum niawm taka a in khawn rik bal bal lai chuan keini chu ka thianpa chenna B4542 Brookdene Avenue a pindan chhawng hnihna, thutkhawmna pindan ah chuan kan thu a. Pindan luahna neitu Mrs. Hannah-i thingpui tui tak siam in mek pah chuan ka hma zawn a duhdah taka Cigar tui chi zu mek tu ka thianpa hnenah chuan.

" Turner-a ang chauh khan keipawh hian ka hrethiam lo chhiava ani." ka ti a. Tui ti tak a Cigar an hip vang vang hnu chuan," Thil pawimawh thamlo niawm khawp a te tham, ngun taka ka en vang chauh ani." a rawn ti a.

Kei chuan," A sanzawng kha chu a pen zau dan atangin i hrethei maiin ka ring a, Engtin nge a ke abai tih i hriat theih?" ka lo ti a.

Chester chuan," a ke veilam hniak kha a ke dinglam hniak ai chuan a fiah bik zel a, chuti anih chuan a ke dinglam chu a rap na lo bik tihna ani a, a ke dinglam chu ana a, a bai tihna ani mai. Tin, a pheikhawk hnu kha ilo hmu ve em, a chhuatphah hnuai lampang zia kha a thuk bik a, a hraw bik bawk, a rah nat avangin a hniak pawh akhuar bik anih kha. Kha vang khan ramkal savun pheikhawk hniak ani tih hai rual ani lo.

Tin a ke hniak hrim hrim pawh kha kan Turner-a te leh mipui hawdak ho ke hniak aia alen zawk avangin patling ke hniak anih ka ring sa bawk a, chu chu a pen zau zawng pawh khan min hrilh leh chiah ani." a ti a.

Kei chuan," Anih chuan veikhawr a i han puh na chhan kha?" tiin kan zawt leh hram a.

" Mitthi kha a hnunglam atanga chhut thluk ani a, Turner-a khan a mitthi tukkum hliam kha a lu vei lampang deuh ah a awm ati bawk a. Chuti anih chuan veikhawr tih nita lo se chuan dinglam ah a chhu dawn lovem ni? Dinglam ah a chhu ngei ang." tiin min chhang leh a.

Kei chuan," Anih leh meizukna dawt ahman thu kha isawi a, kha kha engtin nge i hriatchhuah theih?" tiin ka han zawt leh a.

Ani chuan," A meizial hmawrah khan pehna hnuhma a awm reng reng lova, chuti anih chuan meizukna dawt a hmang tihna a ni mai. A meizial hmawr kha a zai bung a, mahse a zai na hnuhma kha a pawr riau mai a, hmanhmawh tak leh enlo chung chuan a zai bun a rinawm chiah siloh a. Chuvangin kaihthleh chemte bil tak a ak tih thu kha ka han zawlnei der hrilhlawk mai mai anih kha,
Tin lungpui phenah khan kha savun pheikhawk hniak kha alo chiar dup avang leh kha tilai atanga hniak kha lo chhuak anih avangin lungpui phenah khan tu emaw chu an biru ani tih ka hriat phah bawk." a ti a.

Chutah a Cigar zuk lai chu tihlumin an thu ngil a, " Thianpa Caldwell, Thil thlen dan kimchang chu hetiang deuh hi ani a. He thil thlen hma daih tawh khan James Palmer-a pahrawn Mr.Victor Palmer- hian a James-a hi tihhlum a tum daih tawh ani." a ti a.

"Tihhlum a, engtia...." ti a mak tih hmel tak a ka sawi lai chuan ka thusawi chu lo pawtchat in.

" Ni e, James Palmer-a thu min hrilh leh keima thil chhuichhuah ho te hi kan vuahkhawm ang e. Kan nula Nancy Copper-i hian Victor Palmer a leh a thurualpui te thusawi chu alo ngaithla ru a. A pahrawn hian James Palmer hi tihhlum a, a ro zawng zawng hi pumbilh vek atum ani awm e, chu an thusawi chu Nancy hian alo hre ru tih a hriat chuan Victor Palmer hi a thinrim hle a, hun remchang a Nancy chu kutthlak atum ta reng a, mahse Nancy hian Kut athlak anih chuan James-a hnena an thu phiarruk chu chu hrilh a tum ve tlat ani awm e.

Chutiang chuan hun akal zel a, Victor Palmer hian vawi tam tak chu kutthlak alo tum tawh a, motor te pawn vawi tam sut alo tum tawh bawk, mahse ala hlawhtling thei bik chuanglo anih kha.

Chutianga nun reng chu Nancy Copper-i hian hun alo rei deuh hnu chuan hahthlak atiin amah mai nilo, a nu leh pa te thlengin an tuar thei tih pawh a hre chiang hle a. Chuvangin hreh tak chungin James Palmer-a hi thu pangngai tak a hrilh a, then atum ta a.
Phul rai hmunah hian tlaitin deuhthaw an leng dun thin a.

Tichuan hemi ni tlai pawh hian an lengdun leh ngei a. Nancy Copper-i hian a apahrawn thiltum ruk chu hrilh duhlo in, chhuanlam dang, chhungkaw rokhawlhna lam avanga inthen mai arawt a. Mahse James-a hian alo duh bau lo. Chutiang chuan eng emaw sawi kualin an rilru an thlak duhlo ve ve bawk si avang chuan an inhnial chho ta a. James-a hian ngaihzawng dang nei ah Nancy-i hi a ngai deuh ani awm e. Rilru na takin James-a hian a kalsan a, a rilru hah chuan an in a apa zu dahthat chu ava in nghek a, a rilru adam theih ngangloh avangin arui lungpuam chu phulrai hmunah chuan ava kir leh a. Nancy chu a awmna ngaiah rilru na takin alo la tap ani awm e.

A va kir leh hian James-a hian eng emaw thil zepruk anei anih ring in a dawp chiam bawk a. Heti lai vel hi ani ngei ang kan tleirawl tla fal khan alo hmuh kha.

Chutiang khawp a inthen aduh bawk siloh avang leh a ruih tawh em avang chuan kut athlak duh mai ang tih a hlau a. Chuvangin Nancy beidawng leh rilru buai chuan a pahrawn ina achunga kutthlak atum tih te, amah pawh vawitam tihhlum alo tum tawh thu te bakah achhung te pawn an tawrh mai ahlauh thu te a sawi ta vek a. Chu thu ahriat chuan James-a chu athinrim hle mai a, a pahrawn chu zawhfiah tumin an in lamah chuan a kir leh ta a.

Mahse inah apa hrawn chu a hmuhloh avangin a rilru na thinrim chu zu zawrhna lamah kalin ava in belh leh chiam a. A duhtawk zu in phawt a apahrawn chhuahchhalh leh chu atum dan pawh ani. Mahse hetih lai hian kan sawrkar uisathiamte khan anva man ta anih kha. Khatia phulrai lama an kal hnu a James-a alo kir leh lai khan Victor Palmer chu aruk a in atanga chhuakin Nancy chunga kutthlak ngei atum a. Mahse kut athlak hma in Phulrai ah chuan James-a chu alo kir leh si a, chuvangin apiah lawk a lungpui phenah chuan a biru ta a.

Chutia James-a lo lo kir leh chu Nancy nen chuan an in hnial leh chiam a, Nancy-in a Victor Palmer-a thiltum ruk asawi te pawh chu alo ngaithlak reng anih chu.
James Palmer-an apahrawn hmuh tuma inlama akir leh lai kha Nancy hian rilru na takin a thlir zui reng a. Chutih lai chuan a hmanraw hmuh ang ang, thing bungte pawh aniang, keng chung a hnuglam atanga thawm dim tak a dingdihlip chunga lo pheiin Nancy tukkum ah tak a vua a, chutia avuak hnu chuan hmanhmawh tak a tlan kir leh in, tuma hmuhloh in inchhungah alut leh a, a pindan ah alova tawm leh daih anih kha. Khatia ina a haw khan James-a chu zu dawr lamah alo kal leh hman chiah bawk si a. Chu chu ania, mahse amah kha ani ang tih rin ngaihna kha atirah chuan ka hre bik lo a. Amah ka hmuh chiah khan kan misual zawn lai ani tih ka fiah ngam ta chauh ani." tiin arawn sawi chhuak a.

Kei chuan" A ropuiin a rapthlak kher mai" kan lo ti deuh hluai a, chutah a ahnunglama thu awm in thuthleng nghenchhan chu an ngheng a.

"My Dear Caldwell, Rapthlak ing euh tak chu ani" a rawn tichhuak a leh a.

.THE END.