SAIL AWAY

Ka thinlung ngaihtuahna leh he thi thei taksa te hian an hriatrengna leh an 'Hun' te chu kumkhua aia pawh a rei zawk, chatuan atan an kalsan hun chu reilo te an a thleng ve dawn ta..

Ni e, ka that lai hun te chuan min thlawhbo san a, ka tleirawl ngaituahna leh rilru fim te chuan kir leh tawh ngailo tur in min kalsan ta..

Tukverh atang a thlasik thlifim lo thaw lut heuh heuh te chuan ka thinlung leh ngaituahna chu an hun liam ta ah khan an chhem kir leh in, tlai Ni tla tur te chuan min lainat ni awm tak in min rawn melh tawk tawk ni maiin ka hria..

Ni e, nunhlui te chuan ka thinlung hi chemte anga vit in, chatuan thleng pawh a reh thei ngai tawh ngailo tur in a hliam a, a hmuam hma atang pawh in thisen chu ala far ta zel anih si hi..

Hun leh ni te chu an her liam zel a, ni e, he lei hringnun ka hman tirh atang khan mi pakhat ah ka hmangaih na zawng zawng chu ka hlan vek anih kha, mahse chu ka hmangaihna chu lehkha zial mi ang maia zial bo in sak in ka awm ta si a,

ka khawvel leh ka damchhan, ka hlimna ve chhun lak atang chuan ka hmangaihna chu lakbo in a awm leh si a, nge ka hmangaihna chu nuaibo sak in ka awm tih chu ka thinlung hliam leh natna avang hian ka hriat reng na te hian an hre chhuak thei lo tih reng ka hre thei tawh lo(?)

..a enga pawh chu lo nita tehreng pawh ni sela, he hringnun ka hman chhung hian an sawi hmangaihna khur ah ngei chuan ka zuanglut ve ngei a, chu hmangaih chu inpumpekna, ka damchhan leh ka khawvel alo ni a, mahse chu hmangaihna avanga in pumpekna chu bum a awm in, mualpho leh zak tak a siam in a awm leh si..

Chuta tang chuan hlimna leh lawmna mittui chu lungngaihna leh beidawnna mittui ah alo chang a, chu ta tang ngei chuan ani, lemchanna khawvel a ka zuan luh kha..

Ni e, ka hmangaihna zawng zawng ka hlan vek tawh hnu chuan eng hmangaihna nge midang ka hlan leh chuan ang ni.
Ka khawvel leh ka damchhan ber laksak a, ka hmangaih nena kan inthen avang khan chatuan atan ka hringnun khawvel chu kharkhip in a awm a, mittui nen hun leh ni ka hmang a, hlimna dang zawng in khawvel parmawina leh nawmchenna tinreng nen hun ka hmang a, nunhlui theihnghilh tum leh thinlung hliam tih damna zawng in ka hun zawng zawng ka hmang zo a, pathian te hian min hawisan ta hial ah ka ngai ta anih kha..

Hlimna in a min thlawhbo san ang hian, thian za hova hlim tak a kan in kawm khawm lai te, zan a thiante in a kan leng haw peih tawhlo a kan riahkhawm thin lai te leh, tlaivar hial khawp a thu ho mai mai kan sawi a, thil kan ngaihtuah a, duhthu kan sam lai thin te chuan kir leh tawh ngai lo tur in mual min liam san a, hun aliam a, thian kawm ngaih ber ber te pawh in hmu theilo vin mual tamtak kar ah kan leng ta, in ngaituah hman leh in hmu khawm hman pawh kan ni ta lo, fanau te nen, chhungkua din in kan lo awm hrang a, a then he leiah in hmu leh tawh ngailo tur in leh chatuan chawlhna ' Hmun Mawi '- a in tawng leh zawk tur in mittui nen kan thlah liam ta bawk si a..

Ni e, ka khawvel hlimna te chu engtik ah mah ka tawng leh ngai dawn lo tih chu ka beng mai nilo, ka thinlung hian a hria a, khang hun ngaihawm tak tak te kha lo her chhuak leh dawn pawh ni sela, ka chakna leh thahrui te hian a nghak thleng zo tawh dawn silo..

Hla tak a ding in ka tan a chatuan khawvar hun chu ka thlir a, rei ani tawh dawn lo tih ka hria, mahse hlimna leh chakna reng ka nei chuang silo..

Ka vanglai leh that lai hun ten min kalsan a, ka lu a kelsam a to a, k mit a thim dawn mek lai leh ka chipui te hnen a lak bova ka awm dawn mek lai pawh hian ka hmangaih i kha ka la theihnghilh theilo va, ka lungphu te pawh lo chawl mahse la ka la hmangaih a, ka la hriat reng ka ring tlat ani..

Ni e, vutduk kar a lumna pawh nei tawhlo meiling ral riai riai angin nunhlui te pawh in kawlkil ah min liam san zo ta...

Ni e, an lo kir leh tawh ngai dawn lo ani, chatuan a tan..