A MERMAID WINTERTALE..

... Nipui khawlum huam huam leh ninawm tak te chu an kal bo zo va, chung Van lam hla tak a arsi sâng tam tak in pho uarh maite pawh chu Thlasik boruak thiang karah chuan an lang chiang em em a, Lemziak thiam ina uluk taka a ziah ni awm taka Thlasik kawng paw riai mai te pawh chu an lang chiang in Siamtu hian hetianga awm tur hian Kum maktaduai engzahnge a ngaihtuahna leh remhriatna hi alo sen ang tih hi rilru hian a ngaihtuah vawng vawng mai...

Chutianga lungrual leh inngaih hmel taka Van lama an in dî siau siau lai chuan Khawhar takin Chhawrthlapui pawh alo chhuak țan ve mek a, chu Arkaiden zan chuan a ropuina leh thiltihtheihna te chuan a hnuaia Tuipui zau tak chu chhun êng in, a rawng dum leh thim khup te chu ên paw phût mahsela, chatuan atana Siamtu ina mal leh khawhar taka awm tura a duan tlat avangin a hlim ve thei mawlh lo...

Chu Zan khawhar takah chuan nunna nei an awm lo nge, an mut bo lai ni zawk?

Hla taka Zan sava, a kawppui ngai niawm tak a khawhar taka a hram lauh lauh tih loh chu ri dang reng hriat tur a awm mawlh lo..

...Thlasik thlifim te chuan a sam thianghlim leh dum tle siau mai leh mawi tak maite chu an chhem leng siau siau a, a mitmeng sual kai lo leh thianghlim, mawi tak mai ațanga mittui lo luangchhuak ngiai ngiai te chuan a rilru suangtuahna leh ngaihtuahna khawvel te chu engzah taka tam belhchhah ang maw ?....

A mit chuan a hmalam Luipui lam chu a thlir dauh dauh a..

Nilo...Tuipui râl mai nilo, mihring mit ina ahmuh phak aia sei leh thinlung mit pawh ina ahmuh theih piahlam, thlarau khawvel ai pawh a hla zawk a thlir ni hian alang...

Chu Tuipui zau tak chunga Lungpui tohlawt chungah chuan țhu in khawhar takin a thinlung ngaihtuahna leh a mitthla... a beiseina te chu Kum sang tam tak chhung alo thlir in, alo lan hun alo nghak țhin a...

... A ngaihtuahna leh duhthu lo sam ve te chu a taka chantir a tum nge, Tuipui piah rãl leh lam ram a lawng mi, tuipui hrût a zin vak te zing ah hmangaih alo nei tih chu rin thu mai lo chuan sawithiam ava har em...

...a enga pawh chu lo nita tehreng pawh nisela, a thinlung a hliam a, a khua a har ngawih ngawih anih loh pawhin a hringnun chu lungngaihna leh lunglenna in a hual vel ani tal ang....